| e-texts navigator |
| Wylie |
82b1 རྣལ་འབྱོར་གང་དང་གང་དག་ལས། །བསྟན་ཅིང་གདམས་པ་ལེགས་པར་བཤད་དུ་གསོལ། །ཞེས་ཞུས་སོ། །དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་སྐལ་ལྡན་ལ་གདམས་པའི་དོན་འདི་གསུངས་སོ། །ཀྱེ་སེམས་དཔའ
82b2 རྡོ་རྗེ་ལེགས་པར་ད་ཉོན་ཅིག་། སྟོན་པའི་སྟོན་པ་ཀུན་བྱེད་རྒྱལ་པོ་ངས། །ཇི་ལྟར་སྣང་ཞིང་གྲགས་པའི་ཆོས་རྣམས་ཀུན། །ངས་བྱས་བྱེད་དང་བྱེད་འགྱུར་སྙིང་པོའི་དོན། །གཞི་རྩ་ཀུན་འདས་སྙིང་པོ་བྱང་ཆུབ་རྒྱུ། །
82b3 དགོངས་པ་མངོན་དུ་ཕྱུང་བའི་མདོ་ལུང་འདི། །དད་དང་དམ་ཚིག་བརྩོན་འགྲུས་ཆེ་བ་དང་། །སྙིང་རྗེ་ཡི་རང་སྐྱོ་དང་ཡིད་ལྡོག་མེད། །ལུས་དང་བུ་དང་ཆུང་མ་བྲན་དང་ནོར། །གང་ལ་འང་མ་ཆགས་དད་དང་དགའ་བས་འབུལ། །འདི་དག
82b4 དད་དང་དམ་ཚིག་རྟགས་ཡིན་པས། །སྙིང་པོའི་དོན་དང་ལྡན་པས་སྦྱིན་པར་བྱ། །གྲགས་པ་སྤང་ཞིང་ང་རྒྱལ་བྲལ་བ་དང་། །དམ་པ་སྙིང་པོའི་དོན་ཕྱིར་ལུས་སྲོག་ཕངས་པ་མེད། །བཀའ་ལས་མི་འདའ་རྟགས
82b5 དང་ལྡན་པ་ལ། །སྙིང་པོ་དོན་དང་སྐྱེ་མེད་བསྟན་པ་སྦྱིན། །གང་གིས་སྙིང་པོའི་བསྟན་པ་བདག་ཐོབ་ན། །འཇིག་རྟེན་མཚན་མས་བདག་ལ་ཅི་བགྱི་སྟེ། །ཐོབ་ན་བདག་གིས་དཀའ་བ་སྒྲུབ་བོ་ཞེས། །དམ་བཅའ
82b6 ལེགས་པར་གནས་ན་བསྟན་པ་སྦྱིན། །ཇི་སྲིད་བདག་དང་སློབ་དཔོན་འཚོ་བའི་བར། །ལུས་དང་སྲོག་གི་འབྲེལ་བ་མ་མཆིས་པར། །ཁྱོད་ཀྱི་བཀའ་བཞིན་བསྒྲུབ་ཅེས་གནས་བོར་ལ། །བསྟན་པའི་སྙིང་པོ་ཀུན
82b7 བྱེད་རྒྱལ་པོ་སྦྱིན། །མདོར་ན་ལུས་དང་སྲོག་ཀྱང་འབུལ་བྱ་ཞིང་། །རྫས་དང་ཞིང་ཡུལ་རྐང་འགྲོས་སྨོས་ཅི་དགོས། །གལ་ཏེ་བདག་ལ་དགོངས་པར་མ་གྱུར་ཀྱང་། །དམ་པས་བླངས་ཏེ་དཀོན་མཆོག་གསུམ་ལ་འབུལ། །
82b8 ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ཡིས། །སྣོད་མིན་ལོག་པའི་གང་ཟག་བསྟན་པ་ནི། །གྲགས་དང་འཇིག་རྟེན་ཆོས་ལ་དགའ་བ་དང་། །ང་རྒྱལ་དམ་པར་མི་བཀུར་ཡིད་ཐུང་ལྡོག་།འཕྱར་ཞིང་རྫས་དང་དད་པར
iiif viewer powered by OpenSeadragon
