| e-texts navigator |
| Wylie |
82a1 ཁྱོད་ལ་འདུད། །ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ཁྱོད། །འདུས་པའི་འཁོར་ཡང་ངེས་པར་ཁྱོད་ཀྱིས་བྱས། །བསྟན་པ་གསུམ་ཡང་ངེས་པར་ཁྱོད་ཀྱིས་བྱས། །ཀུན་བྱེད་རྒྱལ་པོ་ཉིད་ལ་ཕྱག་འཚལ་འདུད། །ཀྱེ་སྟོན
82a2 པའི་སྟོན་པ་ཀུན་བྱེད་རྒྱལ་པོ་ཁྱོད། །ཟག་མེད་ཤེས་རབ་རྟོགས་པ་གསུམ་བསྟན་པས། །འཁོར་གྱི་མུན་པའི་དཀྱིལ་འཁོར་སྣང་མཛད་པ། །ཀུན་བྱེད་རྒྱལ་པོ་ཉིད་ལ་ཕྱག་འཚལ་འདུད། །ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ཁྱོད། །
82a3 ཉིད་ཀྱི་ཐུགས་གཅིག་རང་འབྱུང་ཡེ་ཤེས་ལས། །འབྱུང་ཞིང་སྡུད་པའི་རྩ་བ་ཁྱོད་ཉིད་པས། །ཆོས་ཀྱི་སྙིང་པོ་ཁྱོད་ལ་ཕྱག་འཚལ་འདུད། །ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ཁྱོད། །མ་རིག་པའི་ལམ་ནི་བསལ་ནས་ཀྱང་། །
82a4 ཡེ་ཤེས་སྣང་བ་ཀུན་དུ་མཆེད་པར་བྱེད། །སྟོན་པ་ཀུན་བྱེད་རྒྱལ་པོ་ཁྱོད་ལ་འདུད། །ཀྱེ་ཇི་ལྟར་སྣང་བའི་ཆོས་ནི་ཐམས་ཅད་ཀུན། །རང་འབྱུང་ཉིད་པས་རྒྱུ་རྐྱེན་ཀུན་དང་བྲལ། །མ་བཅོས་སྙིང་པོ་ཇི་བཞིན་གསལ་བས་ན། །རང
82a5 འབྱུང་ཡེ་ཤེས་ཀུན་བྱེད་རྒྱལ་པོ་ཉིད། །ཇི་ལྟར་བརྟགས་ཀྱང་གཏིང་མཐའ་དབུས་མེད་དེ། །ཀུན་གྱི་འབྱུང་གནས་བསམ་པའི་ཡུལ་ལས་འདས། །སྐྱེ་འགག་དམིགས་འཇུག་ལས་འདས་རྣམ་པར་ཞི། །སུ་ཞིག་འཇུག་ཅིང
82a6 དམིགས་དང་དད་པ་དག་། འདི་ལ་དམན་དང་དམ་པར་དམིགས་མེད་པས། །མི་རྩོལ་བདེ་ལ་གནས་ཤིང་དབུགས་ཕྱིན་འགྱུར། །ཆོས་ཀྱི་རྩ་བ་ཀུན་བྱེད་རྒྱལ་པོ་ལས། །ཇི་ལྟར་གནས་པ་རྩོལ་སྒྲུབ་ཀུན་དང་བྲལ། ཞེས
82a7 གསུངས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་རྗེས་སུ་བསྟོད་པའི་ལེའུ་སྟེ་བརྒྱད་བཅུ་རྩ་གཉིས་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལ་སེམས་དཔའ་རྡོ་རྗེ་ལེགས་པར་འདུན་ནས
82a8 ཞུས་པ། ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ལགས། །ཇི་ལྟར་སྣང་ཞིང་གྲགས་པའི་ཆོས་རྣམས་ཀུན། །རང་འབྱུང་ཡེ་ཤེས་གཅིག་ཏུ་བསྟན་པའི་མདོ། །ཆོས་ཀྱི་རྩ་བ་ཀུན་བྱེད་རྒྱལ་པོའི་རྒྱུད། །ཕྱི་རབས
iiif viewer powered by OpenSeadragon
