| e-texts navigator |
| Wylie |
77a1 སེམས་དཔའ་རྡོ་རྗེས་དོན་ལ་གོམས་པར་གྱིས། །ཡེ་ཤེས་དྲན་པས་དབང་སྒྱུར་རིག་པའི་ངང་། འདི་ནི་ཀུན་བྱེད་རྒྱལ་པོར་ངས་ལུང་བསྟན། །ཞེས་གསུངས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་རིག་པ་དབང་སྒྱུར་ལ་གནས
77a2 པའི་ལེའུ་སྟེ་བདུན་བཅུ་ལྔ་པའོ། ། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་སྙིང་པོ་དོན་གྱི་ལམ་འདི་གསུངས་སོ། །ཀྱེ་སེམས་དཔའ་རྡོ་རྗེ་དོན་ལ་ང་བསྒོམས་ཤིག་།སྙིང་པོ་མི་རྟོགས་དོན་གྱི་ལམ་འདི་ལ། །ནམ་མཁའ་མཐའ་ལྟར
77a3 གནས་པས་མ་ཁྱབ་མེད། །སྐྱེ་མེད་མིན་པ་མེད་པས་མི་བསྒོམ་མེད། །རྟོག་དཔྱོད་ཡུལ་ལས་འདས་པས་དམིགས་སུ་མེད། །སྙིང་པོ་མཚན་མ་འདས་པའི་ཡུལ་འདི་ལ། །བགྲོད་པའི་ཡུལ་ལས་འདས་པས་བགྲོད་པ་མེད། །ལམ་ལ་མི་བགྲོད
77a4 ས་ལ་མི་སྦྱོང་ཞིང་། །མྀ་རྟོག་བདེ་ལ་གནས་པས་ལྷུན་གྱིས་གྲུབ། །ཀྱེ་ཀུན་བྱེད་རྒྱལ་པོ་ང་ཡི་ལམ་ཉིད་ནི། །ཆོས་ཀྱི་དབྱིངས་སུ་གཅིག་པས་བགྲོད་དུ་མེད། །སྙིང་པོ་དོན་དང་འགྲོགས་པས་ཡེངས་པ་མེད། །ཐིག་ལེ་གཅིག་ཏུ་འདུས་པས
77a5 གར་མི་འགྲོ། །ཀྱེ་དེ་ཡི་དོན་ལ་སེམས་དཔའ་རྡོ་རྗེ་བསྒོམ། །བསྒོམ་དུ་མེད་པའི་དོན་ལ་མ་བསྒོམས་ན། །མཚན་མའི་གྲངས་ལ་བསྐལ་པ་བརྒྱར་བསྒོམས་ཀྱང་། །ཀུན་བྱེད་ང་ཡི་དགོངས་པ་རྟོགས་མི་འགྱུར། །རྣམ་རྟོག་ཡུལ་ལ་མཚན་མའི
77a6 གྲངས་ལས་འདས། །ཀུན་བྱེད་བྱ་མི་དགོས་ལ་བྱར་ཡང་མེད། །བྱ་བ་མཚན་མའི་རྣལ་འབྱོར་རྗེས་ཞུགས་ཤིང་། །བྱ་བས་མི་ཟིན་རྟོག་པས་རྟོག་པ་འཇིལ། །ཆུ་ལས་རྙོག་མ་བཞིན་ཏེ་བྱིས་པས་བསླུས། །ཀྱེ་སེམས་དཔའ་རྡོ་རྗེ་དོན་ལ
77a7 ལེགས་པར་བསྒོམས། །ང་ནི་སྟོན་པ་ཀུན་བྱེད་རྒྱལ་པོ་སྟེ། །དུས་གསུམ་རྒྱལ་བ་ཀུན་གྱི་ལམ་འདྲེན་པས། །ཁྱོད་ཀྱང་ང་ཡི་ལམ་ལ་ལེགས་པར་ཞུགས། །འདས་པའི་སངས་རྒྱས་སྐྱེ་མེད་ལམ་དུ་ཞུགས། །མ་བྱོན་སྐྱེ་མེད་ལམ་ལ་འཇུག་པར
77a8 འགྱུར། །ད་ལྟར་སངས་རྒྱས་སྐྱེ་མེད་ཉིད་ལ་གནས། །དེས་ན་ཀུན་བྱེད་རྒྱལ་པོ་ཀུན་གྱི་ལམ། །ཀྱེ་ལམ་འདིར་འཇུག་ཅིང་བསྒོམ་པའི་རྣལ་འབྱོར་པ། །ད་ལྟ་ཉིད་ནས་རྒྱལ་བའི་ས་ལ་གནས། །དགོངས་པ་མི་འཛིན་ཕྱོགས་རིས་གཟུང་དུ་མེད། །
iiif viewer powered by OpenSeadragon
