| e-texts navigator |
| Wylie |
76a1 རྒྱལ་པོས་བཀོད་པ་ཡིན། །ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ཡིས། །སྙིང་པོ་རིགས་པའི་དཀྱིལ་འཁོར་བཀོད་པ་ནི། །ཇི་ལྟར་དྲན་རིག་རྟོག་པ་ཐམས་ཅད་ཀུན། །མ་སྐྱེས་ཀུན་བྱེད་ཉིད་ཀྱི་དོན་དུ་རིག་།ཀུན་བྱེད་ང་ཡི་སྐུ
76a2 གསུང་ཐུགས་ཉིད་ནི། །མ་བཅོས་རྣལ་དུ་བཞག་པའི་དཀྱིལ་འཁོར་གསུམ། །མ་བཀོད་དུས་གཅིག་རྫོགས་པའི་དོན་རྟོགས་པས། །ལྷུན་གྲུབ་སྙིང་པོ་དོན་ལ་འཇུག་པར་བྱེད། །ཀྱེ་སེམས་དཔའ་རྡོ་རྗེ་ཇི་བཞིན་ཉིད་བསྒོམས་ཤིག་།རང
76a3 འབྱུང་སྙིང་པོ་མཆོག་གི་དཀྱིལ་འཁོར་ལ། །སྒོ་གསུམ་ལྷུག་པས་ཇི་བཞིན་ངང་བཞག་ན། །ཀུན་བྱེད་ང་ཡི་དགོངས་པར་གནས་པ་ཡིན། །སྔ་རབས་འདས་པའི་ཀུན་བྱེད་རྒྱལ་པོས་ཀྱང་། །དགོངས་པ་རྣལ་དུ་བཞག་པས་དོན་རྫོགས་ལ། །
76a4 མ་བྱོན་དུས་ཀྱི་ཀུན་བྱེད་རྒྱལ་པོས་ཀྱང་། །མ་བཅོས་རྣལ་དུ་བཞག་པས་དོན་རྫོགས་འགྱུར། །ད་ལྟར་བཞུགས་པའི་ཀུན་བྱེད་རྒྱལ་པོས་ཀྱང་། །དགོངས་པ་རྣལ་དུ་བཞག་སྟེ་གནས་པ་ཡིན། །ཀྱེ་སེམས་དཔའ་རྡོ་རྗེ་ཆེན་པོ་ཁྱོད་བསྒོམས
76a5 ཤིག་། ང་ཡི་འཁོར་དུ་གཏོགས་པའི་རྣལ་འབྱོར་པ། །ཀུན་བྱེད་རྒྱལ་པོའི་དགོངས་པ་འདི་ཉིད་ལ། །མ་བཙལ་རྣལ་དུ་བཞག་པར་ལུང་སྟོན་ཅིག་།དགོངས་པ་རྣལ་དུ་བཞག་པའི་དོན་འདི་ནི། །ཀུན་གྱི་སྤྱོད་ཡུལ་མིན་པས་མི་ཤེས་ཤིང་། །
76a6 མཉམ་པར་བཞག་པས་རྟོགས་པའི་ཡུལ་ལས་འདས། །ཀུན་བྱེད་རྒྱལ་པོ་དེ་ལ་གནས་པར་བྱེད། །ཅེས་གསུངས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་སྙིང་པོ་དོན་ལ་གནས་པའི་ལེའུ་སྟེ་བདུན་བཅུ་བཞི་པའོ།། །།
76a7 དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་རིག་པ་དབང་སྒྱུར་ལ་གནས་པ་འདི་གསུངས་སོ། །ཀྱེ་སེམས་དཔའ་རྡོ་རྗེ་ཇི་བཞིན་ཉིད་བསྒོམས་ཤིག་།རིག་པའི་རྒྱལ་པོས་གསལ་བར་དབང་བསྒྱུར་ནས། །མཚན་མའི་བདེ་བའི
76a8 དབང་ལ་རག་མི་ལུས། །རྟོགས་ནས་མི་རྟོག་དོན་ལ་ཇི་བཞིན་ཞོག་།ཀྱེ་ཀུན་བྱེད་རྒྱལ་པོ་དབང་ཐོབ་རིག་པ་ན། །དངོས་པོ་མ་བཅོས་ཇི་བཞིན་རྟག་ཏུ་ཤར། །རྒྱུ་དང་རྐྱེན་མེད་ཞི་བ་མཆོག་གི་ལམ། །གཞི་བཞག་གང་ལྟར་བཞག་ཀྱང་དེ་ཉིད
iiif viewer powered by OpenSeadragon
