| e-texts navigator |
| Wylie |
75b1 ཀུན་རྫོགས་པར་འགྱུར། །ཀྱེ་ཇི་བཞིན་རྩོལ་བྲལ་བདེ་བ་ཆེན་པོ་ལ། །སྒོ་གསུམ་མི་རྩོལ་བཅོས་ཤིང་དམིགས་མི་བྱེད། །ཡིད་ལ་མི་བྱེད་མཚན་མའི་རྗེས་མི་འབྲངས། །རང་འབྱུང་ཡེ་ཤེས་བདེ་བའི་དོན་ལ་བཞག་།འདི་ནི་རང་འབྱུང་འོད
75b2 གསལ་དགོངས་པ་སྟེ། །ཀུན་བྱེད་རྒྱལ་པོའི་དགོངས་པའི་ཕྲིན་ལས་སོ། །ཀྱེ་སེམས་དཔའ་རྡོ་རྗེ་ཇི་བཞིན་ཉིད་བསྒོམས་ཤིག་།མ་བཅོས་ཇི་བཞིན་ཉིད་ལ་འཇུག་པ་ལ། །ཚད་མ་མི་དགོས་གཉེན་པོས་བཅོས་མི་དགོས། །
75b3 རྟོགས་པའི་དོན་ལ་མ་བཅོས་དེ་བཞིན་ཞོག་།ཀྱེ་བྱ་བ་མེད་པའི་རང་བཞིན་ལས་འདི་ལ། །སྒོ་གསུམ་རྩོལ་བ་བྱས་པས་ཟིན་མི་འགྱུར། །ཀུན་བྱེད་རྒྱལ་པོའི་དགོངས་པ་ལ་གནས་པས། །ང་ཡི་དགོངས་པ་ཕྲིན་ལས་ལྷུན་གྱིས
75b4 གྲུབ། །ཅེས་གསུངས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་ཇི་བཞིན་པ་ལ་བྱ་རྩོལ་དང་བྲལ་བར་གནས་པའི་ལེའུ་སྟེ་བདུན་བཅུ་གསུམ་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་སྙིང་པོ་འདུ་འབྲལ་མེད
75b5 པར་གནས་པ་འདི་གསུངས་སོ། །ཀྱེ་ཇི་བཞིན་པ་ལ་སེམས་དཔའ་རྡོ་རྗེ་སྒོམ། །སྟོན་པའི་སྟོན་པ་ཀུན་བྱེད་རྒྱལ་པོ་ཡིས། །སྙིང་པོ་དགོད་དུ་མེད་པར་བསྟན་པ་ནི། །ཇི་བཞིན་གཙོ་འཁོར་མེད་པའི་དོན་དུ་བསྟན། །ཀྱེ་རིག་པའི
75b6 རྒྱལ་པོ་གསལ་བར་དབང་བསྒྱུར་བས། །སྙིང་པོ་རྩོལ་བསྒྲུབ་འདས་པའི་བདག་ཉིད་དེ། །རྟོགས་པ་ཡེ་ཤེས་མཆོག་གིས་ལེན་པར་བྱེད། །འདི་ནི་ཀུན་བྱེད་རྒྱལ་པོའི་དཀྱིལ་འཁོར་ཡིན། །ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ཡིས། །
75b7 སྙིང་པོ་སྐུ་ཡི་དཀྱིལ་འཁོར་བཀོད་པ་ནི། །ཇི་ལྟར་སྣང་ཞིང་གནས་པའི་ཆོས་རྣམས་ཀུན། །སྐྱེ་བ་མེད་བའི་ཆོས་དབྱིངས་ངང་ལ་བཀོད། །སྙིང་པོའི་དོན་ལ་བླང་དོར་མེད་པའི་ཕྱིར། །དེ་ཡང་ཀུན་བྱེད་ང་ཡིས་བཀོད་པ་ཡིན། །ཀྱེ་སྟོན
75b8 པའི་སྟོན་པ་ཀུན་བྱེད་རྒྱལ་པོ་ཡིས། །སྙིང་པོ་གསུང་གི་དཀྱིལ་འཁོར་བཀོད་པ་ནི། །ཇི་ལྟར་གྲགས་ཤིང་གནས་པའི་ཆོས་རྣམས་ནི། །སྐྱེ་བ་མེད་པའི་དབྱིངས་ལས་གསུང་དུ་བཀོད། །སྙིང་པོ་བརྗོད་དུ་མེད་པའི་གསུང་ལ་འདུས། །དེ་ཡང་ཀུན་བྱེད
iiif viewer powered by OpenSeadragon
