| e-texts navigator |
| Wylie |
74b1 པའི་ཕྱིར། །ཆོས་རྣམས་དེ་ལྟར་གང་གིས་རྟོགས་པ་ལ། །བསྲུང་དང་མི་སྲུང་འདུ་ཤེས་འཇུག་པ་མེད། །ཀྱེ་ང་ནི་མ་བཅོས་ཀུན་བྱེད་བྱང་ཆུབ་སེམས། །གཉེན་པོ་མི་བསྟེན་ཡུལ་ལ་འཇུག་མི་བྱེད། །རང་འབྱུང་ལྷུན་གྲུབ་རིག་པའི་དམ་ཆིག་ལ། །
74b2 འདའ་ཉམས་མེད་པས་ཆེད་དུ་བསྲུང་བ་མེད། །རང་རིག་མ་ནོར་བློ་ཡི་ཚད་མ་ཡིས། །མ་བཅོས་སྙིང་པོའི་དོན་ལ་འཇུག་པར་བྱེད། །སྐྱེ་མེད་ཐུགས་སུ་ཆོས་ཀུན་རོ་གཅིག་པས། །འཇུག་དང་མི་འཇུག་མཐའ་ལ་ང་མི་གནས། །ཀྱེ་སེམས་དཔའ
74b3 རྡོ་རྗེ་དོན་ལ་གོམས་པར་གྱིས། །དགོངས་དོན་གསང་པའི་རིག་པ་མ་ཤར་ན། །ཚིག་དང་སྒྲ་ལ་འཛིན་པའི་གོམས་པ་དག་།ཀུན་བྱེད་ང་ཡི་ལུང་དང་ཕྲད་མི་འགྱུར། །བསྲུང་དུ་མེད་པའི་དམ་པའི་དགོངས་པ་འདི། །ཀུན་དུ་ཡེ་ནས་མ་བསྲུངས
74b4 གནས་པ་ལ། །ཀུན་བྱེད་ང་ཡི་དགོངས་པ་མ་གོམས་ན། །ཇི་ལྟར་བསྲུངས་པ་ཚི་ཆད་ནད་དུ་འགྱུར། །ཀྱེ་ཀུན་བྱེད་ང་ཡི་དགོངས་པའི་དམ་ཚིག་ནི། །མ་ཡེངས་དྲན་པས་དངོས་པོ་ཡེ་ཤེས་སུ། །མ་བཅོས་སུས་ཀྱང་མ་བྱས་རང་འབྱུང་སྟེ། །
74b5 རིག་པས་དབང་བསྒྱུར་བསྲུང་དང་མི་སྲུང་མེད། །ཇི་ལྟར་སྣང་བའི་ཆོས་རྣམས་ཐམས་ཅད་ཀུན། །རང་འབྱུང་སྙིང་པོར་གསལ་བས་དབང་སྒྱུར་བས། །ཀུན་བྱེད་རྒྱལ་པོས་བྱས་པའི་ཆོས་རྣམས་ལ། །རིག་དང་མ་རིག་གཉིས་ཀའི་ཡུལ
74b6 ལས་འདས། །ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ཡིས། །བསྲུང་དང་མི་བསྲུང་ཡུལ་ལས་འདས་པ་ལྟར། །སེམས་དཔའ་རྡོ་རྗེས་དོན་ལ་གོམས་བྱས་ནས། །ང་ཡིས་འཁོར་ལ་དེ་ལྟར་ལུང་སྟོན་ཅིག་། །ང་ཡི་འཁོར་ལ་དེ་ལྟར
74b7 ལུང་བསྟན་ན། །བྱ་བའི་འདུ་ཤེས་ལམ་ལས་གྲོལ་བར་འགྱུར། །སྐྱེ་བ་མེད་པས་ཀུན་ཀྱང་ཞི་བར་འགྱུར། །ཀུན་བྱེད་རྒྱལ་པོ་ང་ཡིས་ཐུགས་སུ་འགྱུར། །ཀྱེ་ང་ནི་ཀུན་བྱེད་རྒྱལ་པོ་བྱང་ཆུབ་སེམས། །ང་ལ་སྒྲོ་དང་སྐུར་བའི་ཡུལ་མེད་པས། །
74b8 གང་ལ་སེམས་པར་མ་བྱེད་བསྒོམ་མ་བྱེད། །སྒོ་གསུམ་བཅོས་པར་མི་བྱ་ལྷུག་པར་བཞག་།གཟའ་དང་རྒྱུ་སྐར་ཚེས་གྲངས་དུས་ཚོད་མེད། །ཡིད་ལ་མི་བྱེད་སྔགས་དང་ཕྱག་རྒྱ་བྲལ། །དེ་བས་ཀུན་བྱེད་བྱང་ཆུབ་སེམས་ཉིད་ལ། །
iiif viewer powered by OpenSeadragon
