| e-texts navigator |
| Wylie |
71b1 ང་ལས་མ་བྱུང་ཡེ་ཤེས་གཅིག་མེད་པས། །ཡེ་ཤེས་མ་ལུས་ང་ཡིས་བཀོད་པས་ན། །ང་ནི་ཡེ་ཤེས་རྒྱལ་པོ་ཞེས་སུ་བཤད། །ཉོན་མོངས་ཡེ་ཤེས་གསལ་བར་བྱེད་འདོད་ན། །ཀུན་བྱེད་ང་ཡི་ལུང་ནི་རྟོགས་པར་གྱིས། །ཞེས་གསུངས་སོ། །བྱང་ཆུབ་ཀྱི
71b2 སེམས་ཀུན་བྱེད་རྒྱལ་པོ་ལས་ཡེ་ཤེས་བསྒྲིབ་པ་མེད་པར་རྟོགས་པའི་ལེའུ་སྟེ་དྲུག་བཅུ་བདུན་པའོ། ། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་ལྷུན་གྲུབ་བཙལ་དུ་མེད་པར་རྟོགས་པ་འདི་གསུངས་སོ། །ཀྱེ་ང་ནི་སྟོན་པ་ཀུན་བྱེད་རྒྱལ་པོ་སྟེ། །ང་ནི
71b3 ལྷུན་གྲུབ་བཙལ་དུ་མེད་པ་ཡིན། །ང་ཡི་རང་བཞིན་ཁྱོད་ལ་བསྟན་པར་བྱ། །ཁྱོད་ཀྱིས་ང་ཡི་དོན་ལ་ལེགས་རྟོགས་ཤིག་།ཀྱེ་ང་ནི་སྟོན་པ་ཀུན་བྱེད་རྒྱལ་པོ་སྟེ། །ང་ལས་བྱུང་བའི་སྟོན་པ་སྐུ་གསུམ་གྱིས། །ང་ཡི་རང་བཞིན་ཤིན་དུ་རྟོགས་དཀའ་བས། །
71b4 སོ་སོའི་ཐབས་ཀྱིས་བཙལ་དུ་ཡོད་པར་བསྟན། །དེ་ཡང་ཇི་ལྟར་ངེས་པར་བསྟན་ཞེ་ན། །ལ་ལ་བདེན་པ་བཞི་ཡི་ལམ་ཞུགས་ནས། །ཉོན་མོངས་ཡེ་ཤེས་སྤོང་ལེན་རྩོལ་བར་བསྟན། །ལ་ལ་རྟེན་འབྲེལ་ལམ་ལ་ཞེན་པ་ཡིས། །ཉོན་མོངས་ཡེ་ཤེས་དགག་བསྒྲུབ
71b5 རྩོལ་བར་བསྟན། །ལ་ལ་བདེན་པ་གཉིས་ཀྱི་ལམ་ལ་འཇུག་བྱས་ནས། །སྦྱངས་ཤིང་རྩོལ་བས་འབྲས་བུ་ཐོབ་པར་བསྟན། །ལ་ལ་གཟུང་འཛིན་བྱ་བའི་རྩོལ་བ་ཡིས། །གྲུབ་པ་ལྷར་གསལ་ཚུལ་དུ་གནས་པར་འདོད། །ལ་ལ་ལས་དང་ཏིང་འཛིན་རྩོལ་བ་ཡིས། །
71b6 བླང་དོར་སྒོ་ནས་འབྲས་བུ་ཐོབ་པར་འདོད། །ལ་ལ་ཏིང་འཛིན་རྣམ་གསུམ་རྩོལ་བ་ཡིས། །བླང་དོར་བྱས་པས་འབྲས་བུ་ཐོབ་པར་འདོད། །ལ་ལ་ཏིང་འཛིན་འཕྲོ་འདུའི་རྩོལ་བ་ཡིས། །བླང་དོར་མད་པའི་འབྲས་བུ་ཐོབ་པར་འདོད། །ལ་ལ་རྒྱུ་འབྲས་ཏིང་འཛིན་རྩོལ
71b7 བ་ཡིས། །སྐུ་གསུང་རྡོ་རྗེ་སེམས་དཔའི་འབྲས་བུ་ཐོབ། །ཀྱེ་འདི་དག་བཙལ་ཞིང་བསྒྲུབ་པའི་འབྲས་བུ་ཡིས། །ཀུན་བྱེད་ང་ཡི་རང་བཞིན་རྟོགས་མི་འགྱུར། །ཀྱེ་ཀུན་བྱེད་རྒྱལ་པོ་ང་ཡི་རང་བཞིན་ནི། །ཀུན་ལ་ཁྱབ་ཀྱང་མི་རྟོགས་མཆོག་ཏུ་གསང་། །ང་ཡི་རང
71b8 བཞིན་མ་མཐོང་གསང་བའི་ཕྱིར། །རྩོལ་སྒྲུབ་ཅན་གྱི་ཐེག་པས་སྐུར་བཏབ་པས། །བསྐལ་པ་བྱེ་བ་ཁྲག་ཁྲིག་ཡུད་རིངས་སུ། །ངན་འགྲོ་ཐ་མའི་གནས་སུ་དེ་སྐྱེས་ནས། །བདེ་བ་བྲལ་ཞིང་དབང་པོ་མ་ཚང་ཞིང་། །སྙིང་པོའི་དོན་དང་བྲལ་ཞིང
iiif viewer powered by OpenSeadragon
