| e-texts navigator |
| Wylie |
69b1 དེར་བཞག་རྟོགས་པས་ཕ་རོལ་ཕྱིན། །ཀུན་གྱི་སྙིང་པོའི་ལམ་དང་ཕྲད་པར་འགྱུར། །ཀྱེ་ང་ནི་ཀུན་བྱེད་ཆོས་ཀྱི་གཞི་མ་སྟེ། །ལམ་ལྔ་ས་བཅུར་སྟོན་པའི་སྐུ་གསུང་ཡང་། །ང་ཡི་རང་བཞིན་མངོན་དུ་བསྟན་པ་ཡིན། །དེ་ལྟར་ཁྱོད་ཀྱིས
69b2 ལེགས་པར་རྟོགས་པར་གྱིས། །མ་བཅོས་བགྲོད་མེད་ཀུན་བྱེད་ཀུན་གྱི་ལམ། །སུ་ཞིག་བགྲོད་པས་བྱང་ཆུབ་དོན་མི་རྟོགས། །ཀུན་བྱེད་ང་ཡི་རང་བཞིན་རྟོགས་མི་འགྱུར། །དེ་བས་བགྲོད་དུ་མེད་པའི་དོན་ལ་རྟོགས། །ཤེས་གསུངས
69b3 སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་ལམ་ལ་བགྲོད་དུ་མེད་པར་རྟོགས་པའི་ལེའུ་སྟེ་དྲུག་བཅུ་བཞི་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་ས་ལ་སྦྱང་དུ་མེད་པར་རྟོགས་པ་འདི་གསུངས
69b4 སོ། །ཀྱེ་སེམས་དཔའ་རྡོ་རྗེ་དོན་འདི་ལེགས་པར་རྟོགས། །སྟོན་པའི་སྟོན་པ་ཀུན་བྱེད་རྒྱལ་པོ་ཡིས། །ས་ལ་སྦྱང་དུ་མེད་པར་བསྟན་པ་ནི། །ཀུན་གྱི་ཡུལ་མིན་བརྟག་པ་རབ་ཏུ་དཀའ། །ཀྱེ་ང་ལས་བྱུང་བའི
69b5 སྟོན་པ་སྐུ་གསུམ་གྱིས། །དམན་པའི་རིམ་པ་བགྲོད་ཅིང་སྦྱངས་པའི་ཕྱིར། །རྣམ་རྟོག་གྲངས་ལ་དགའ་བའི་གང་ཟག་ལ། །ས་ཡི་རྣམ་གྲངས་བཅུ་དང་དྲུག་ཏུ་བསྟན། །བསྟན་པ་དེ་བཞིན་འཁོར་གྱིས་དེ་ལྟར་རྟོགས། །རྣམ་རྟོག་བློ་ཡིས་གྲངས་ལ་སྣང
69b6 བར་ཟད། །ཀྱེ་ས་དྲུག་གྲངས་ཀྱི་རང་བཞིན་བསྟན་པ་ནི། །ཀུན་ཏུ་འོད་དང་རྡོ་རྗེ་འཛིན་པ་དང་། །རྡོ་རྗེ་འཆང་དང་སྟུག་པོ་བཀོད་པ་དང་། །པད་མ་སྤྱན་དང་རྡོ་རྗེ་སེམས་དཔའི་ས། །རིམ་བགྲོད་རྣལ་འབྱོར་དོན་དུ་གསུངས་པ་སྟེ། །ལྷ་དང་ཏིང་འཛིན་ཁྱད་པར
69b7 རེ་རེ་གསུངས། །ཀྱེ་སྟོན་པ་ཀུན་བྱེད་རྒྱལ་པོ་ས་བསྟན་པ། །ཇྀ་ལྟར་སྣང་བའི་ཆོས་རྣམས་མ་ལུས་པ། །སྐྱེ་མེད་ཆོས་ཀྱི་དབྱིངས་སུ་གཅིག་པའི་ཕྱིར། །ས་ཡི་ཁྱད་པར་མེད་དེ་གཅིག་ཏུ་རྟོགས། །ཀུན་བྱེད་ང་ཡི་ས་ལ་མ་སྦྱར་ན། །རྟོག
69b8 པའི་ས་ཡི་རྣམ་གྲངས་ཀུན་ཐོབ་ཀྱང་། །སོ་སོ་རང་གི་རྣམ་རྟོག་སྣང་བ་ལས། །ཀུན་བྱེད་ང་དང་ཕྲད་པར་ལུང་མི་སྟོན། །ཀྱེ་ཀུན་བྱེད་རྒྱལ་པོ་ས་ཡི་རང་བཞིན་ནི། །མ་བཅོས་མ་སྦྱངས་རིག་པས་ལྷུན་རྫོགས་ས། །སྦྱངས་ཤིང་བགྲོད
iiif viewer powered by OpenSeadragon
