| e-texts navigator |
| Wylie |
69a1 དུ་མེད་པར་རྟོགས་པ་འདི་གསུངས་སོ། །ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ཡི། །རང་བཞིན་མ་སྐྱེས་གཅིག་ཏུ་གནས་པ་ལ། །སྐྱེ་མེད་མངོན་དུ་རྟོགས་པར་དཀའ་བའི་ཕྱིར། །འཁོར་གྱི་དང་པོ་སྟོན་པ་སྐུ་གསུམ་གྱིས། །རང་རང་དགའ
69a2 བའི་ལམ་ལ་གཟུད་པའི་ཕྱིར། །ལམ་གྱི་ཁྱད་པར་བགྲོད་དུ་ཡོད་པར་བསྟན། །བློ་ཆུང་བརྒྱུད་ནས་དོན་ལ་འདྲེན་པའི་ཕྱིར། །དྲང་བའི་ལུང་དུ་ང་ཡིས་རྟོགས་པ་ཡིན། །ཀྱེ་ཚོགས་དང་སྦྱོར་ལམ་མཐོང་ལམ་བསྒོམ་པའི་ལམ། །མཐར་ཕྱིན་རིམ
69a3 པ་བསྐལ་པ་བརྒྱ་ཕྲག་དང་། །ཚེས་གསུམ་བདུན་སོགས་དུས་དེར་འགྲུབ་པར་རྟོགས། །དེ་ཡིས་ང་ཡི་ལམ་འདི་རྟོགས་མི་འགྱུར། །ཀྱེ་ཀུན་བྱེད་རྒྱལ་པོ་ང་ཡི་ལམ་བཤད་པ། །ང་ཉིད་སྐྱེ་བ་མེད་པའི་རང་བཞིན་ལ། །འཇུག་དང་མི་འཇུག་ཚིག
69a4 ལས་ཤིན་དུ་འདས། །དེ་ཕྱིར་ལམ་ལ་བགྲོད་དུ་མེད་པར་རྟོགས། །ལམ་ལྔར་སྣང་བ་རྣམ་རྟོག་མཚན་མའི་གྲངས། །ང་ཉིད་མཚན་མའི་ཡུལ་ལས་འདས་པའི་ཕྱིར། །མཚན་མའི་ལམ་གྱིས་བགྲོད་དུ་མེད་པར་རྟོགས། །ཀྱེ་ཀུན
69a5 བྱེད་ང་ཡི་ལམ་ལ་རིམ་མེད་དེ། །སྐྱེ་མེད་ཐེག་ལེ་ཆེན་པོར་གཅིག་པའི་ཕྱིར། །གཅིག་གི་རང་བཞིན་རྟོགས་པ་དེ་ཡི་ཕྱིར། ལམ་ལ་བགྲོད་མེད་གཅིག་ཏུ་རྟོགས་པ་ཡིན། །ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ང་། །ང་ལ་འཇུག
69a6 པའི་རིམ་པའི་ལམ་མེད་དེ། །རང་འབྱུང་ཡེ་ཤེས་དུས་གཅིག་རྫོགས་པའི་ཕྱིར། །མ་བགྲོད་རང་བཞིན་བཞག་པས་ཕྱིན་པར་འགྱུར། །དེ་ཕྱིར་སེམས་དཔའ་རྡོ་རྗེ་ཁྱོད་ཉིད་ཀྱིས། །ང་ལ་རིམ་པར་བགྲོད་པར་མ་བྱེད་ཅིག་།ཀྱེ་ང་ནི
69a7 མཐའ་བྲལ་ནམ་མཁའི་རང་བཞིན་ཏེ། །ནམ་མཁའི་མཐའ་ལ་བགྲོད་ཅིང་ཚི་ཆད་ལྟར། །ང་ཡི་རང་བཞིན་ལམ་གྱིས་བགྲོད་འདོད་པ། །ཚི་ཆད་ནང་དུ་དེ་ལས་ཆེ་བ་མེད། །དེ་ཕྱིར་སེམས་དཔའ་རྡོ་རྗེ་རྟོགས་ནས་ཀྱང་། །ཁྱོད་ཀྱིས
69a8 འཁོར་གྱི་ནང་དུ་ལུང་སྟོན་ཅིག་། ད་ལྟར་ང་ཡི་རང་བཞིན་ལུང་བསྟན་པས། །ཀུན་ཀྱང་ང་ཡི་རང་བཞིན་ཉིད་རྟོགས་འགྱུར། །འཇིག་རྟེན་མཚན་མའི་ལམ་ལ་ཞེན་མི་འགྱུར། །རྣམ་གྲངས་ཚིག་གི་ལམ་ལ་རྩོད་མི་འགྱུར། །མ་བཅོས
iiif viewer powered by OpenSeadragon
