| e-texts navigator |
| Wylie |
67b1 ཀུན་རྫོགས་པས་རྟོགས་པ་འཆར། །ཀྱེ་སེམས་དཔའ་རྡོ་རྗེ་དོན་འདི་ལེགས་པར་རྟོགས། །སྙིང་པོ་བྱ་རྩོལ་མེད་པའི་དོན་རྟོགས་པས། །བྱ་དང་མི་བྱ་མེད་པར་དོན་རྫོགས་པས། །ཀུན་བྱེད་རྒྱལ་པོའི་ཕྲིན་ལས་འདི་རྟོགས་ཤིག་།ཀྱེ་སྟོན་པའི་རྒྱལ
67b2 པོ་ཀུན་བྱེད་ང་ཡིས་ནི། །བྱས་པ་ཐམས་ཅད་མཚན་མའི་ལམ་དུ་བསྟན། །བྱ་བྲལ་ཕྲིན་ལས་ངེས་དོན་འདི་རྟོགས་པས། །འགྲོ་བ་ཀུན་བྱེད་རྒྱལ་པོ་ཉིད་དུ་འགྱུར། །སྙིང་པོ་བྱ་བྲལ་སྒོ་གསུམ་མ་ནོར་བས། །བྱ་རྩོལ་འདས་པའི་དོན་ལ་རྟོགས་པ་ནི། །
67b3 དུས་གསུམ་རྒྱལ་བའི་དགོངས་པ་གཅིག་པའི་ཕྱིར། །མ་ནོར་ལམ་ལ་རྟོགས་པ་ཉིད་མཆོག་ཡིན། །ཞེས་གསུངས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་སྒོ་གསུམ་བྱ་བ་མེད་པར་རྟོགས་པའི་ལེའུ་སྟེ་དྲུག་བཅུ་གཅིག་པའོ།། །།
67b4 དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་དཀྱིལ་འཁོར་བསྐྱེད་དུ་མེད་པར་རྟོགས་པ་འདི་གསུངས་སོ། །ཀྱེ་སེམས་དཔའ་རྡོ་རྗེ་དོན་འདི་ད་རྟོགས་ཤིག་།ང་ལས་བྱུང་བའི་སྟོན་པ་སྐུ་གསུམ་གྱིས། །མཚན་མ་གྲངས་ལ་དགའ་བའི་གདུལ་བྱ་ལ། །
67b5 ཚོགས་དང་དཀྱིལ་འཁོར་བསྐྱེད་དུ་ཡོད་པར་བསྟན། །གང་ཞིག་སྐུ་གསུམ་ལམ་ལ་བསྟེན་བྱས་ནས། །མཚན་མ་གྲངས་ཀྱི་སྒོ་ནས་རྟོག་བྱེད་པ། །བསྐལ་པ་བྱེ་བ་བརྒྱ་ཕྲག་ཡུན་རིངས་སུ། །དཀྱིལ་འཁོར་བསྐྱེད་དུ་མེད་པའི་དོན་མི་རྟོགས། །ཀྱེ་དེ་བས
67b6 སྟོན་པ་ཀུན་བྱེད་རྒྱལ་པོ་ངས། །ཚོགས་དང་དཀྱིལ་འཁོར་རང་བཞིན་ལྷུན་རྫོགས་པའི། །མ་བྱས་རང་བཞིན་གྲུབ་པའི་ཆོས་ཉིད་ལ། །བསྐྱེད་ཅིང་བསག་ཏུ་མེད་པའི་དོན་རྟོགས་ན། །ཀྱེ་ཀུན་བྱེད་ང་ཡི་དཀྱིལ་འཁོར་བསྟན་པ་ནི། །རང་ལས་བྱུང
67b7 བའི་དཀྱིལ་འཁོར་རྫོགས་པའི་ལུང་། །མ་ལུས་སྙིང་པོར་རྫོགས་པས་བསྐྱེད་འབྲི་མེད། །མ་བསྐྱེད་དུས་གཅིག་རྫོགས་པ་དཀྱིལ་འཁོར་རྟོགས། །ཀྱེ་དཀྱིལ་ནི་མ་ནོར་དོན་གྱི་སྙིང་པོ་ལ། །འཁོར་ནི་འཁོར་འདས་བདེ་ཆེན་རྫོགས་པར་ལྡན། །དེ་ནི
67b8 དཀྱིལ་འཁོར་སྙྀང་པོ་ཀུན་གྱི་རྩ། །དཀྱིལ་འཁོར་མ་ལུས་འདི་ལ་འདུས་པར་རྟོགས། །ཀྱེ་ཀུན་བྱེད་རྒྱལ་པོ་ང་ཡི་དཀྱིལ་འཁོར་ནི། །མ་ལུས་སྙིང་པོར་རྫོགས་པའི་དཀྱིལ་འཁོར་ཏེ། །གང་གིས་དེ་དག་རྫོགས་པར་གང་རྟོགས་པ། །དཀྱིལ
iiif viewer powered by OpenSeadragon
