| e-texts navigator |
| Wylie |
66b1 བསྟན། །གང་གིས་བསྲུང་དང་མི་སྲུང་མེད་རྟོགས་པ། །ཀུན་བྱེད་ང་ཡི་དམ་ཚིག་རྟོགས་པ་ཡིན། །ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ང་། །རྩ་བ་བྱང་ཆུབ་སེམས་སུ་ཀུན་གཅིག་ལས། །ཀུན་ཀྱང་སྙིང་པོའི་དམ་ཚིག
66b2 ཡིན་པས་ན། །བསྲུང་དང་མི་སྲུང་དོན་ལ་འདས་པར་རྟོགས། །ཀྱེ་ཀུན་བྱེད་རྒྱལ་པོའི་ལྟ་བའི་དམ་ཚིག་ནི། །སྐྱེ་མེད་ནམ་མཁའ་ལྟ་བུར་ཕྱོགས་འདས་པས། །གང་གིས་དེ་དག་ལེགས་པར་རྟོགས་པ་དེ། །ཀུན་བྱེད་རྒྱལ་པོའི་དམ་ཚིག་རྟོགས
66b3 པ་ཡིན། །ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ངས། །དམ་ཚིག་བསྲུང་དུ་མེད་པར་ལུང་བསྟན་པ། །དམ་ཚིག་རྩ་བའི་རྒྱུད་ལས་གང་ཐོས་པ། །འདིས་ནི་དོན་དེ་ལེགས་པར་རྟོགས་པ་ཡིན། །ཀྱེ་ཀུན་བྱེད་རྒྱལ་པོས་སྔ་པར
66b4 ལུང་བསྟན་ལྟར། །དུས་གསུམ་ཆོས་ཉིད་འགྱུར་བ་མེད་པའི་ཕྱིར། །ཀུན་བྱེད་རྒྱལ་པོ་ང་ཡི་དམ་ཚིག་ནི། །དུས་གསུམ་དུ་ནི་བསྲུང་དུ་མེད་པར་རྟོགས། །ཀྱེ་ཆོས་རྣམས་རྩ་བ་སེམས་སུ་གཅིག་པ་ལྟར། །དམ་ཚིག་རྩ
66b5 བ་བསྲུང་དུ་མེད་པར་གཅིག་། དེ་ཡང་རང་སེམས་སྐྱེ་མེད་རྟོགས་པ་ཡིན། །ཕྱལ་བ་དང་ནི་མེད་པ་གཅིག་པུ་དང་། །ལྷུན་གྱིས་གྲུབ་པར་བསྲུང་བ་ཀུན་ལས་འདས། །ཀུན་བྱེད་རྒྱལ་པོའི་དམ་ཚིག་རྣམ་གྲངས་ཏེ། །སྐྱེ་བ་མེད་པར
66b6 རྟོགས་པའི་རྣམ་གྲངས་ཡིན། །སྙིང་པོ་བསྲུང་དུ་མེད་པར་དོན་གཅིག་ལ། །རྟོགས་དང་མ་རྟོགས་ཁྱད་པར་ལ་དགོངས་ནས། །དྲང་དང་ངེས་པ་གཉིས་སུ་རྣམ་ཕྱེ་ནས། །བསྲུང་དུ་ཡོད་དང་མེད་པར་ལུང་བསྟན་ཏོ། །ཀྱེ་འདིས་ནི་དམ་ཚིག
66b7 བསྲུང་མེད་རྟོགས་པའི་ཕྱིར། །དུས་གསུམ་རྒྱལ་བའི་དགོངས་པ་རྟོགས་པ་ཡིན། །གང་གིས་འདི་མ་རྟོགས་པའི་རྣལ་འབྱོར་པ། །རང་སེམས་སྙིང་པོའི་དོན་ལ་ཤིན་ཏུ་འགལ། །ཀྱེ་ཀུན་བྱེད་ང་ཡི་དམ་ལས་གང་འདས་ཤིང་། །སྐུ་གསུམ
66b8 སྟོན་པའི་དམ་ལ་གནས་པ་དག་། བསྐལ་པ་བརྒྱ་ཕྲག་དུ་མ་རྣམས་སུ་ཡང་། །སྙིང་པོའི་དོན་དང་ཕྲད་པར་ཤིན་ཏུ་དཀའ། །དེ་ཕྱིར་ཀུན་བྱེད་ང་ཡི་ལུང་ཐོབ་པས། །དམ་ཚིག་བསྲུང་དུ་མེད་པར་རྟོགས་པར་བྱོས། །ཤེས་གསུངས་སོ། །
iiif viewer powered by OpenSeadragon
