| e-texts navigator |
| Wylie |
66a1 པོའི་དོན་ལ་སྒྲིབ་པའི་ཕྱིར། །རྒྱུ་འབྲས་བྲལ་བའི་བྱང་ཆུབ་སྙིང་པོ་འདི། །ཀུན་གྱི་ལྟ་བའི་དོན་འདི་རྟོགས་པ་མེད། །ཀྱེ་དེ་བས་སྟོན་པ་ཀུན་བྱེད་ང་ཡིས་ཀྱང་། །འཁོར་གྱི་དང་པོ་སེམས་དཔའ་རྡོ་རྗེ་ལ། །སྐུ་གསུམ་སྟོན
66a2 པ་གསུམ་གྱིས་བཤད་པའི་ལུང་། །དེ་ལ་མ་གནས་ཤིག་པར་ང་ལུང་སྟོན། །དེ་ལྟར་ངེས་པའི་ལུང་འདི་མ་བསྟན་ན། །དུས་གསུམ་རྒྱལ་བ་ཀུན་གྱི་ཡང་མེས་པོ། །ཀུན་བྱེད་རྒྱལ་པོ་ང་ཡི་གདུང་ཆད་ནས། །ཀུན་ཀྱང་འཁོར་པ
66a3 འི་ལམ་ལ་གཞོལ་བར་འགྱུར། །ཀྱེ་དེ་ཕྱིར་སེམས་དཔའ་རྡོ་རྗེ་ཁྱོད་ཀྱིས་ཀྱང་། །ལྟ་དང་མི་བལྟ་ཡུལ་ལས་འདས་པ་ལ། །གང་བལྟས་དོན་ལ་རྣམ་རྟོག་མཆེད་པའི་ཕྱིར། །རྒྱུ་འབྲས་ཅན་གྱི་ལྟ་བ་ཁྱོད་མ་རྟོགས། །ཤིན་དུ་རྣལ
66a4 འབྱོར་མི་གནས་ཐེག་པ་ལ། །བལྟས་ཤིང་བརྟགས་པས་མཐོང་བའི་དོན་འགག་པས། །མ་བཅོས་སྙིང་པོ་ཀུན་བྱེད་རང་བཞིན་ལ། །བལྟས་པས་མཐོང་བ་མེད་པའི་དོན་དུ་རྟོགས། །ཀྱེ་ཀུན་བྱེད་རྒྱལ་པོ་བྱང་ཆུབ་སེམས
66a5 ང་ནི། །ཆོས་རྣམས་ཀུན་གྱི་བལྟ་བའི་མེ་ལོང་སྟེ། །གསལ་ལ་རང་བཞིན་མེད་པར་ཀུན་འཆར་བས། །མ་བལྟས་རང་བཞིན་གསལ་བར་ལུང་བསྟན་ཏོ། །མ་སྐྱེས་དེ་བཞིན་ཉིད་ཀྱི་ཡུལ་ཉིད་ལ། །བལྟ་བའི་ཡུལ་མེད་མཐོང་བ་ཆེན་པོར
66a6 རྟོགས། །ཤེས་གསུངས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་སྐྱེ་བ་མེད་པའི་ལེའུ་སྟེ་ང་དགུ་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་དམ་ཚིག་བསྲུང་དུ་མེད་པར་རྟོགས་པ་འདི་གསུངས་སོ། །ཀྱེ་སྟོན་པའི
66a7 སྟོན་པ་ཀུན་བྱེད་རྒྱལ་པོ་འདི། །ང་ལས་བྱུང་བའི་སྟོན་པ་སྐུ་གསུམ་གྱིས། །དབང་པོའི་ཁྱད་པར་རིམ་པར་ལུང་བསྟན་པ། །ཀུན་བྱེད་བསྲུང་དུ་ཡོད་པའི་དོན་དུ་རྟོགས། །ལ་ལས་སྡོམ་དང་འདུལ་ཁྲིམས་དག་པར་རྟོགས། །
66a8 ལ་ལས་རིག་འཛིན་སྡོམ་པ་དག་པར་རྟོགས། །ལ་ལས་གྲངས་དང་རྩ་བ་ཡན་ལག་རྟོགས། །ཇི་ལྟར་བརྟགས་ཀྱང་རྟོགས་པར་ལུང་མ་བསྟན། །ཀུན་བྱེད་རྒྱལ་པོའི་དམ་ཚིག་འདི། །བསྲུང་དང་མི་སྲུང་ཕྱོགས་རིས་མེད་པར
iiif viewer powered by OpenSeadragon
