| e-texts navigator |
| Wylie |
65b1 རྟོགས། །ས་ཆུ་མེ་རླུང་ནམ་མཁའ་ལྔ་པོ་ཡང་། །སྐྱེ་བ་མེད་པའི་ངང་དུ་རབ་ཏུ་རྟོགས། །ཁམས་གསུམ་སྲིད་གསུམ་སྐྱེ་བ་མེད་པར་རྟོགས། །འདོད་ལྔ་ཡུལ་ལྔ་སྐྱེ་བ་མེད་པར་རྟོགས། །དེས་ན་ཆོས་ཀུན་བྱང་ཆུབ་སེམས་ཉིད་དེ། །བྱང
65b2 ཆུབ་སེམས་ནི་ཀུན་བྱེད་རྒྱལ་པོ་ཉིད། །ཀུན་བྱེད་རྒྱལ་པོ་སྐྱེ་བ་མེད་པར་རྟོགས། །ཆོས་ཀུན་རྩ་བ་ཀུན་བྱེད་ང་ཉིད་དེ། །ང་ཉིད་མ་སྐྱེས་དབྱིངས་སུ་རྟོགས་པས་ན། །ཀུན་ཀྱང་སྐྱེ་མེད་དབྱིངས་སུ་རྟོགས་པར་འགྱུར། །ཞེས་གསུངས་སོ། །བྱང་ཆུབ
65b3 ཀྱི་སེམས་ཀུན་བྱེད་རྒྱལ་པོ་ལས་རྟོགས་པ་གླེང་གཞྀའི་ལེའུ་སྟེ་ང་བརྒྱད་པའོ། ། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་ལྟ་བ་བསྒོམ་དུ་མེད་པ་རྟོགས་པ་འདི་གསུངས་སོ། །ཀྱེ་སེམས་དཔའ་རྡོ་རྗེ་ལེགས་པར་ད་རྟོགས་ཤིག་།
65b4 ཆོས་རྣམས་ཀུན་གྱི་རྩ་བ་ཀུན་བྱེད་ལ། །ལྟ་དང་བལྟ་བར་བྱ་བ་ཡོད་མ་ཡིན། །གང་ལ་གང་ལྟར་སྙིང་པོ་གང་རྟོགས་པ། །ཀུན་བྱེད་ང་ཡི་རང་བཞིན་རྟོགས་པ་ཡིན། །ཀྱེ་ཇི་ལྟར་སྣང་བའི་ཆོས་རྣམས་མ་ལུས་ཀུན། །ཀུན་བྱེད་སྐྱེ་བ
65b5 མེད་པར་ཀུན་གནས་པར། །སུ་ཞིག་སྙིང་པོའི་དོན་ལ་རྟོགས་འདོད་པས། །ཀུན་བྱེད་ང་ཡི་རང་བཞིན་རྟོགས་པར་གྱིས། །ཀྱེ་ཀུན་བྱེད་ང་ཡི་རང་བཞིན་མ་རྟོགས་པར། །སོ་སོར་བསྟན་པའི་ལུང་དང་ཡིད་འཐད་ཅིང་། །སྐུ་གསུམ་སྟོན
65b6 པའི་དོན་ལ་གང་འཇུག་པ། །ཀུན་བྱེད་ང་ཡི་དོན་དང་ཤིན་ཏུ་འགལ། །ཀྱེ་སྟོན་པ་ཀུན་བྱེད་ང་ཉིད་མ་གཏོགས་པར། །ལྟ་བའི་རང་བཞིན་ཀུན་མཁྱེན་སྐྱེ་མེད་འདི། །འདས་དང་ད་ལྟར་མ་འོངས་སངས་རྒྱས་ཀྱིས། །མ་རྟོགས་མི
65b7 རྟོགས་རྟོགས་པར་ལུང་མི་སྟོན། །མ་སྐྱེས་སྐྱེ་བ་མེད་པའི་སངས་རྒྱས་ཀྱང་། །ཀུན་བྱེད་ང་ཡི་ལུང་དང་ཕྲད་ནས་ནི། །དེས་ཀྱང་ལྟ་བ་སྐྱེ་མེད་རབ་ཏུ་རྟོགས། །སངས་རྒྱས་ཀུན་གྱི་ངོ་བོར་བྱིན་གྱིས་བརླབས། །ཀྱེ་ཀུན་བྱེད་རྒྱལ་པོ་སྟོན
65b8 པའི་ལུང་མེད་ན། །དུས་གསུམ་སངས་རྒྱས་ཁམས་གསུམ་སེམས་ཅན་དང་། །མ་སྐྱེས་ལམ་ལ་ལྟ་བའི་རྣལ་འབྱོར་དང་། །ལ་དགུ་ལུང་དགུ་རྒལ་ཡང་ས་བཅུ་ཡིས། །རང་རང་དངོས་པོའི་དོན་ལ་རྟོགས་སྤྱོད་པས། །མ་སྐྱེས་སྙིང
iiif viewer powered by OpenSeadragon
