| e-texts navigator |
| Wylie |
278a1 ཞེས་ཐམས་ཅད་འབྱུང་བར་བསྔགས་སོ། །ལ་ལ་ནི་འདི་སྐད་དུ། མ་འདྲེས་ཡོངས་རྫོགས་གསལ་སྟོང་གཟུགས། །ཁྱབ་གསལ་རང་བཞིན་འགྲོ་བའི་སྒྲ། །དང་བས་སིམ་བྱེད་ཆོས་ཀྱི་དྲི། །དོན་བཅུ་ཉམས་སུ་མྱོང་བའི་རོ། །
278a2 བདེ་མཆོག་དོན་ལ་རེག་པ་ཉིད། །ཅེས་ཡོན་ཏན་དམ་པར་བསྔགས་སོ། །ལ་ལ་ནི་འདི་སྐད་དུ། ཅི་ཡང་མི་སེམས་གཏི་མུག་ལ། །དངོས་པོ་ཀུན་བཅོམ་ཞེ་སྡང་ཉིད། །ཡེ་འབྱམ་ང་རྒྱལ་བདག་ཉིད་ཆེ། །བདེ་ཆེན་རང་བཞིན་རྗེས་ཆགས
278a3 པ། །གང་དུ་མ་འགྱུར་གཞན་ཕྲག་དོག་། ཅེས་བླང་དོར་མེད་པར་བསྔགས་སོ། །ལ་ལ་ནི་འདི་སྐད་དུ། ཀུན་གྱི་རང་བཞིན་གཅིག་ཤེས་པས། །དེ་ཉིད་དབང་དུ་ཐམས་ཅད་འདུས། །ཀུན་ལ་དབང་སྒྱུར་ཐོས་པས་ན། །ཡེ་དབང་ཆེན་པོ་རྫོགས
278a4 པའོ། །ཞེས་དབང་དམ་པར་བསྔགས་སོ། །ལ་ལ་ནི་འདི་སྐད་དུ། ཐམས་ཅད་ཀུན་འདུས་རིག་པའི་མདོ། །ཀུན་ལ་ཁྱབ་གནས་བརྟག་དཀའ་བ། །ཟབ་མོ་སངས་རྒྱས་སྤྱོད་ཡུལ་ཡིན། །རྡོ་རྗེ་ཀུན་བཀོད་རྣལ་འབྱོར་ལུང་། །ཞེས་བཀའ་དམ་པར
278a5 བསྔགས་སོ། །ལ་ལ་ནི་འདི་སྐད་དུ། དེ་ཉིད་དེར་ནི་ཀུན་གཅིག་པས། །བདག་དང་གཞན་དུ་སྣང་བ་མེད། །སྟོང་ཉིད་རྣམ་དག་ནམ་མཁའ་ལ། །གཙང་སྨེར་དབྱེ་བ་རྡུལ་ཡང་མེད། །ཅེས་བདུད་རྩི་དམ་པར་བསྔགས་སོ། །ལ་ལ་ནི་འདི་སྐད་དུ།
278a6 བྱང་ཆུབ་སྙིང་པོ་དང་བ་ལ། །རྣམ་རྟོག་རྡུལ་གྱིས་ག་ལ་འགོ་།།དེ་ཉིད་ཆེན་པོར་འུབ་ཆུད་པས། །ཅིས་ཀྱང་མི་བསྐྱོད་ཉམ་མི་ང་། །ཞེས་རེ་དོགས་མེད་པར་བསྔགས་སོ། །ལ་ལ་ནི་འདི་སྐད་དུ། རྣམ་རྟོག་མཚན་མའི་རི་བོ་འདི། །སེང་གེའི་ཁོག་པ
278a7 རང་ཞིག་ལྟར། །སྟོང་ཉིད་རང་ཉིད་མ་ཞིག་ན། །གཞན་གྱིས་འཇིག་པར་ག་ལ་འགྱུར། ཞེས་རང་བཞིན་དམ་པར་བསྔགས་སོ། །ལ་ལ་ནི་འདི་སྐད་དུ། བདེ་ཆེན་རྣམ་དག་རྟོག་བྱེད་པས། །ལེགས་ཉེས་གཉིས་ཀ་རྣམ་པར་རྟོག་།བདེ་ཆེན་ངེས
278a8 པའི་རླུང་ཞུགས་ན། །གང་འདིར་རྣམ་པར་རྟོག་པ་མེད། །ཅེས་ཡོངས་སུ་རྟོག་པ་ལས་འདས་པར་བསྔགས་སོ། །ལ་ལ་ནི་འདི་སྐད་དུ། དེ་ཉིད་ཕྱིན་ཅི་མ་ལོག་པར། །བསྲུང་བྱ་མི་རྟོག་མི་གནས་པ། །ལེ་ལོ་གཡེང་བའི་དགྲ་བསྲུང་སྟེ། །དེ་བཞིན་དེ་ལས་འདའ
iiif viewer powered by OpenSeadragon
