| e-texts navigator |
| Wylie |
273a1 དེ་བཞིན་གཤེགས་པ་ཐམས་ཅད་ཀྱི་བཅོམ་ལྡན་འདས་ངོ་བོ་ཉིད་དག་པར་དེ་བཞིན་གཤེགས་པ་ཐམས་ཅད་གྱུར་པར་འདུས་ནས། །དེ་བཞིན་གཤེགས་པ་ཐམས་ཅད་ཀྱིས་དགོངས་པ་གཅིག་ཏུ་འདུས་པར་བཤད་པ། ། ཆོས་ཉིད་རྣམ་པར
273a2 དག་པས་ན། །ཆོས་ཀུན་རང་བཞིན་རྣམ་པར་དག་།དེ་བཞིན་གཤེགས་པ་ཐམས་ཅད་ཀྱི། །ཐུགས་དམ་དབྱིག་མཆོག་རབ་ཉིད་དོ་ཞེས་བཅོམ་ལྡན་འདས་ངོ་བོ་ཉིད་དག་པ་ལས་དེ་སྐད་ཅེས་འབྱུང་བའོ། །དེ་ལྟར་ན་ཡང་འདི་ལྟ་སྟེ། །མི་ཕྱེད་རྡོ་རྗེ་དམ་ཚིག་ནི། །
273a3 རྡོ་རྗེ་དེ་བཞིན་ཉིད་ལས་བྱུང་། །ཆོས་ཉིད་རྡོ་རྗེ་དམ་ཚིག་ནི། །གྲུབ་ན་འཇིག་པའི་དུས་མེད་དོ། །གྲོགས་པོ་དག་བཅོམ་ལྡན་འདས་རྣམ་པར་དག་པའི་ངོ་བོ་ཉིད་ལས་དེ་སྐད་ཅེས་གསུངས་སོ། །གྲོགས་པོ་དག་ཡང་འདི་ལྟ་སྟེ། །རྒྱལ་པོ་ཀུན་གྱི་ཐུགས་དམ་ནི། །
273a4 ཐམས་ཅད་དམ་པ་དེ་ཉིད་ལས། །མི་གཞན་གཞན་མེད་ཡོད་མ་ཡིན། །དེ་ལས་གང་ཡང་འདའ་མི་འགྱུར། ། བཅོམ་ལྡན་འདས་རྫོགས་ལོངས་སྤྱོད་པ་ངོ་བོ་ཉིད་དག་པས་དེ་སྐད་ཅེས་གསུངས་སོ། །ཡང་གྲོགས་པོ་དག་འདི་ལྟ་སྟེ། དམ་པ་རྣམས་ཀྱིས་གསུངས
273a5 པའི་ཚིག་། རྡོ་རྗེ་གོ་ཆ་དམ་བཅས་པ། ཤིན་དུ་དམ་པའི་ཐ་ཚིག་འདི། །གལ་ཏེ་འདས་ན་ཚིག་པར་གྱུར། ། བཅོམ་ལྡན་འདས་གསང་བའི་སྐུ་ངོ་བོ་ཉིད་དག་པས་དེ་སྐད་ཅེས་གསུངས་སོ། །ཡང་གྲོགས་པོ་དག་འདི་ལྟ་སྟེ། རྒྱལ་བ་རྣམས་ཀྱི་དམ་པ་འདི། །གསུངས་པས
273a6 དམ་ཚིག་མཐའ་ཡས་ཀུན། ཐམས་ཅད་ཐམས་ཅད་བསྲུངས་པ་སྟེ། །བསྲུང་བ་འདི་ནི་རྙེད་པར་དཀའོ། ། བཅོམ་ལྡན་འདས་རྒྱུན་གྱི་འབྱུང་བ་ངོ་བོ་ཉིད་དག་པས་དེ་སྐད་ཅེས་གསུངས་སོ། །ཀྱེ་གྲོགས་པོ་དག་འདི་ལྟ་སྟེ། ། ཞེ་སྡང་ངོ་བོ་ཐ་དད་པ། ། བྱང་ཆུབ་སེམས་སུ
273a7 མཉམ་པས་ན། ། དེ་བཞིན་ཉིད་ལས་གཞན་པ་ཡིན། །མ་སྤངས་མ་དག་རྡོ་རྗེ་དམ། ། བཅོམ་ལྡན་འདས་རྡོ་རྗེ་སེམས་དཔའ་ངོ་བོ་ཉིད་དག་པས་དེ་སྐད་ཅེས་གསུངས་སོ། ། གྲོགས་པོ་དག་འདི་ལྟ་སྟེ། འདོད་དང་ཆགས་པའི་ཡུལ་ཉིད་ནི། །རང་བཞིན་གང་ཡིན་དེ་བཞིན
273a8 ཉིད། ། ལོངས་སྤྱོད་མྱོང་ཚོར་རྣམ་པར་དག་། སྤྱོད་ལ་མ་ཆགས་རྡོ་རྗེ་དམ། ། བཅོམ་ལྡན་འདས་འོད་མཐའ་ཡས་ངོ་བོ་ཉིད་དག་པས་དེ་སྐད་ཅེས་གསུངས་སོ། ། ཡང་འདི་ལྟ་སྟེ། ། ཐམས་ཅད་དེ་བཞིན་དེར་མཚུངས་པས། ། ཁྱད་པར་བྱེ་བྲག་དབྱེར་མེད་པའི། །རྡོ་རྗེ་ནམ་མཁའ
iiif viewer powered by OpenSeadragon
