| e-texts navigator |
| Wylie |
272b1 མིན། །དེ་ནི་གྲོལ་མེད་གྲོལ་བའོ། །འདི་ནི་གསང་བ་དམ་པ་སྟེ། །མ་རྟོགས་བློ་ཆུང་ཀུན་ལ་གསང་། །སྐྱོན་ཡོད་ཉེས་པ་མ་ཡིན་ཏེ། །བློ་ཆུང་རྣམས་ལ་ཕན་ཕྱིར་རོ། །དེ་ཕྱིར་བློ་གྲོས་ཐབས་ལྡན་ལ། །རྩོལ་སྒྲུབ་ཡོ་བྱད་གཙོར་མ་གསུངས། །གལ་ཏེ་བྱས་ན་འང
272b2 འགག་པ་མེད། །མ་བྱས་ན་ཡང་དེ་ལྟར་ངེས། །དེ་ལྟར་བློ་གྲོས་ཐབས་ལྡན་ན། །མཚམས་མེད་ལྔ་ཡི་སེམས་ཅན་ཀུན། །བྱང་ཆུབ་སྙིང་རྗེ་མཚོན་གྱིས་བསད། །དཔག་མེད་དགེར་འགྱུར་མ་བསད་ན། །ཀུན་གྱིས་དོན་དུ་གཉེར་བ་ནི། །གང་གི་སེམས་ཉིད་དབྱིངས་ཉིད་ཀྱི། །
272b3 གང་གིས་བསྐལ་པ་དཔག་མེད་དུ། །སྲིད་གསུམ་དཀྲུགས་པས་དེ་རིག་མིན། །འདིར་ནི་བློ་གྲོས་ཐབས་ལྡན་པས། །བྱ་མེད་གྱི་འདར་རང་རིག་པས། །དོན་ཆེན་རྣལ་འབྱོར་ཉལ་མོ་བཙུན། །མ་བལ་ལྷུན་གྱིས་གྲུབ་པ་ཡིན། །ཇི་ལྟར་མུན་པ་དུག་དང་རྫས། །སྨན
272b4 སྣང་གསེར་དུ་གྱུར་པ་ན། །འགྱུར་རྩི་མན་ངག་མེད་པའི་མིས། །དཀའ་བའི་ལས་ཆེན་སྣ་ཚོགས་པ། །སྡུག་བསྔལ་སྤྱད་ཀྱང་མི་འགྲུབ་སྟེ། །སུ་ཞིག་མན་ངག་ལྡན་པའི་མིས། །ཚེགས་མེད་གྱི་འདའི་ཚུལ་གྱིས་ན། །བསྒྱུར་བས་སྨན་སྣང་གསེར་འགྱུར་ལྟར། །
272b5 རྣལ་འབྱོར་ཆེན་པོ་དོན་འགྲུབ་པ། །དེ་ཉིད་བློ་གྲོས་ཐབས་དག་དང་། །གང་དང་མི་ལྡན་པ་དག་གིས། །དཀའ་བ་སྤྱད་ཀྱང་འགྲུབ་མིན་ཏེ། །སེམས་ཀྱི་གསང་འདི་སུས་མཐོང་བ། །བློ་གྲོས་ཐབས་དང་ལྡན་པ་སྟེ། །འདོད་པའི་དོན་མཆོག་གང་ཡིན་པ། །དེ་དག
272b6 ཚེགས་མེད་གྱི་འདས་འགྲུབ། །དོན་རྣམས་གྲུབ་པར་གང་བྱེད་པ། །བློ་གྲོས་ཐབས་ཀྱིས་གྲུབ་པའི་ཕྱིར། །དོན་རྣམས་འགྲུབ་པར་འགྱུར་བ་ཡི། །བསླབ་པ་འདི་དག་རབ་ཏུ་གཅེས། །གྲོགས་པོ་དག་དེ་དག་ནི་ཚེགས་ཆུང་ལ་དོན་ཆེ་བ་ཉིད་དུ་ཞེས་བྱའོ། དེ་སྐད་ཅེས
272b7 སྨྲས་པས། །དམན་པ་རྣམས་བློ་དང་ལྡན་གྲོས་ཀྱིས་ཆོད་དེ་ཐབས་ཀྱིས་ཟིན་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་དོན་ངེས་པར་བསྒྲུབ་བ་ཞེས་བྱ་བའི་ལེའུ་སྟེ་བདུན་བཅུ་བཞི་པའོ།། །། དེ་ནས་ཡང་གསང་བ་བའི་བདག
272b8 པོ་ངེས། ལང་ཀའི་བདག་པོ་ལ་སོགས་པ་དམན་པའི་ལུས་ཀྱི་སེམས་དཔའ་རྣམས་ལ་ཤིན་དུ་རྔོམ་བརྗིད་ཚུལ་དུ་བོས་ཏེ་སྨྲས་པ། ཀྱེ་གྲོགས་པོ་དག་མདོ་གཅིག་ཏུ་བསྡུས་པ་ནི་གང་ཞེ་ན་འདི་ལྟ་སྟེ། འདི་སྐད་བདག་གིས་ཐོས་པ་དུས་གཅིག་ན
iiif viewer powered by OpenSeadragon
