| e-texts navigator |
| Wylie |
272a1 སེམས་ཉིད་གོམས་པར་བྱ་བ་ལས། །འདྲིས་པར་བྱེད་པ་རབ་ཏུ་གཅེས། །གྲོགས་པོ་དག་དེ་དག་ནི་ཉམས་རྙེད་པ་ཉིད་དུ་ཤེས་པར་བྱའོ། །དེ་སྐད་ཅེས་སྨྲས་པས། །དམན་པ་རྣམས་གང་གི་དགོངས་པ་དམ་པའི་ཉམ་དྲོད་རྙེད་པར་གྱུར་ཏོ། །
272a2 སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྣལ་འབྱོར་དབང་སྒྱུར་གྱི་ལེའུ་ཞེས་བྱ་སྟེ་བདུན་བཅུ་གསུམ་པའོ།། །། དེ་ནས་ཡང་གསང་བ་པའི་བདག་པོ་དེས་དམན་པའི་ལུས་ཀྱི་སེམས་དཔའ་རྣམས་ལ་འདི་སྐད་ཅེས་སྨྲས
272a3 སོ། །གྲོགས་པོ་དག་གང་འདི་ལ་ཚེགས་ཆུང་བར་བྱ་བ་གང་ཞེ་ན། འདི་ལྟ་སྟེ། ཅི་ལ་ཡང་བྱ་བ་མེད་པ་ཉིད་དོ། །གང་ལ་བྱ་བ་མེད་པ་དེ་གང་ཞེ་ན། འདི་ལྟ་སྟེ། དེ་བཞིན་ཉིད་དོ། །དེ་ཅིའི་ཕྱིར་ཞེ་ན། །འདི་ལྟ་སྟེ། སྔགས་ཀྱིས་ཡོངས་སུ་ཟིན་པའི་ནད། །
272a4 གང་ལ་འང་གནོད་པར་བྱེད་མི་ནུས། །དེ་བཞིན་ཉིད་ཀྱིས་ཟིན་པ་ཡི། །དུས་གསུམ་དུག་ལྔས་གནོད་མི་འགྱུར། །དེ་བཞིན་ཉིད་ཀྱིས་མ་ཟིན་ན། །ལམ་གྱི་ཕྱོགས་རྣམས་ཀུན་སྤྱད་ཀྱང་། །བདེ་འགྲོ་ཙམ་དུ་ངེས་འབྱུང་གི། གོ་འཕང་དམ་པར་ག་ལ
272a5 འགྱུར། །དེ་བཞིན་ཉིད་ཀྱིས་ཀུན་གནས་པར། །གང་ཤེས་ཉོན་མོངས་རྣམ་པར་གྲོལ། །གང་དེ་ཟིན་པར་མ་ཤེས་ན། །དམ་པའི་ལམ་རྣམས་གྲོལ་མི་འགྱུར། །རྣལ་འབྱོར་དེ་ཉིད་བློ་ལྡན་པས། །ཉོན་མོངས་ཟིན་པས་གང་སྤྱད་ཀྱང་། །རྣམ་གྲོལ་རང
272a6 འབྱུང་མྱ་ངན་འདས། །ཚེགས་མེད་གྱི་འདའ་དོན་པོ་ཆེ། །གང་འདི་བློ་དང་མི་ལྡན་པས། །བློ་ལྡན་ཚུལ་དུ་གང་བྱེད་པ། །དམ་པར་གྲོལ་བར་མི་འགྱུར་གྱི། །འཆིང་བ་ཐར་རམ་འཁོར་བའི་དངོས། །ཐམས་ཅད་སྟོང་པར་ཤེས་པ་ཡི། །བློ་ཅན་མྱ་ངན
272a7 འདས་པ་སྟེ། །བྱ་བའི་ལས་ལ་ཤ་ཐང་བའི། །ཚེགས་ཆེན་དཀའ་བ་ལས་དང་བྲལ། །དམ་པའི་བློ་གྲོས་ཐབས་མེད་དེ། །སྐྱེས་བུ་དམ་པ་རྣམས་དང་ནི། །འདུལ་བའི་དབང་གིས་དམན་པའི་ལུས། །སྟེན་པར་བྱེད་པ་འང་ལྟུང་བར་འགྱུར། །དམ་པའི་བློ
272a8 གྲོས་ཐབས་ཡོད་ན། །འཁོར་བ་དམན་པའི་དངོས་པོ་ཡང་། །སྐྱེས་བུ་དམ་པར་གྲོལ་འགྱུར་ཏེ། །གྲོལ་བ་རང་འབྱུང་གཞན་ལས་མིན། །གྲོལ་དང་མ་གྲོལ་ལ་སོགས་པ། །གཉིས་སུ་རྟོག་པ་ཐམས་ཅད་མཐའ། །ཀུན་མཁྱེན་རྣམས་ནི་དབུས་ལ་འང
iiif viewer powered by OpenSeadragon
