| e-texts navigator |
| Wylie |
271a1 མི་འཆད། །དེ་དང་དེ་ཡི་དབྱིངས་ཉིད་ལ། །གང་དང་གང་གི་ཐབས་སྦྱོར་བ། །ཡེ་ནས་འདུ་འབྲལ་མེད་པས་ན། །སྦྱོར་བ་ཆེན་པོ་རྒྱུན་མི་འཆད། །སྲིད་གསུམ་བསྒྲལ་བའི་ཞིང་འདི་དག་།སྟོང་པའི་མཚོན་ཆའི་རྒྱལ་པོ་ཡིས། །དངོས་པོ་མེད
271a2 པར་བསད་པས་ན། །ཡེ་སྒྲོལ་ཆེན་པོ་རྒྱུན་མི་འཆད། །སྣང་སྲིད་དག་པའི་གཞལ་ཡས་སུ། །ཀུན་གཞི་དཔལ་གྱི་མཎ་ཌལ་ལ། །རྣམ་ཤེས་ཐིག་ཆེན་སྲད་བུ་བརྒྱད། །ཡེ་བཏབ་དཀྱིལ་འཁོར་རྒྱུན་མི་འཆད། །འདོད་ཁམས་རྨང་གི་རི་རབ་ལ། །གཟུགས
271a3 ཁམས་བང་རིམ་ཁྲི་འཕང་བརྟན། །གཟུགས་མེད་བུམ་རྟེན་བུམ་པར་བཅས། །གདུང་ཆེན་ཆོས་སྐུ་རྒྱུན་མི་འཆད། །ནམ་མཁའ་མེ་ཆུ་ས་རླུང་རྣམས། །རྨང་བཞི་རི་རབ་རྟེན་དུ་སྣང་། །བང་རིམ་རི་བདུན་བཅས་པ་རྣམས། །དེ་ཉིད་བང་རིམ་ཁྲི་འཕང་བརྟེན། །
271a4 རི་བོ་བུམ་རྟེན་བུམ་པར་བཅས། །འདི་ཡང་གདུང་ཆེན་རྒྱུན་མི་འཆད། །འཛུགས་པའི་ཡན་ལག་གཞི་རྨང་རྟེན། །འཁོར་ལོ་ཚིགས་ཆེན་ཁྲི་འཕང་བརྟན། །ཡན་ལག་དང་པོ་བུམ་རྟེན་བཅས། །ལྕང་ལོ་ཅོད་པན་ཕྲེང་བས་ཀླུབས། །དེ་བཞིན་ཉིད་ཀྱི་ས་གཞི
271a5 ལ། །ཇི་བཞིན་པ་ཡི་གཞལ་ཡས་ཁང་། །མ་ནོར་མ་བཅོས་རྨང་ཆེན་བརྟན། །བྱང་ཆུབ་སེམས་ཀྱི་བརྩིག་ཆེན་གཏམས། །ཡེ་ཤེས་ལྔའི་སྐར་མཐོངས་གསལ། །བསྡུ་བ་ཚད་མེད་རྣམ་ཐར་སྒོ། །དྲན་པ་ཡང་དག་ཐེམ་སྐས། བརྒྱད། །རྫུ་འཕྲུལ་རྟ་བབས་དག
271a6 གིས་བརྒྱན། །མི་འཇིགས་རིག་པའི་གདུང་ཆེན་ལ། །ཡང་དག་བརྒྱད་ཀྱི་ཀ་བས་མཛེས། །རང་འབྱུང་ཡེ་ཤེས་དབུ་རྩེ་འཕགས། །དོན་གཉིས་ཁྱམས་ཀྱིས་ངེས་པར་མཛེས། །ཡེ་ཤེས་ཐུགས་རྗེ་ཡོན་ཏན་ལས། །བྱིན་བརླབས་རྒྱན་གྱིས་མཛེས་པར་བརྒྱན། །
271a7 ཆོས་ཉིད་རླབས་ཀྱི་བླ་རེ་བྲེས། །སིལ་སྙན་སྒྲ་སྒྲོགས་ཐེག་ཆེན་སྔགས། །ཇི་བཞིན་ཆོས་ཀྱི་ཕོ་བྲང་འདིར། །རྒྱལ་བ་བཞུགས་པ་འདི་ལྟར་རིམ། །ཀུན་བཟང་སེམས་ཀྱི་ཆོས་ཉིད་ལས། །ཀུན་གཞི་མ་འདྲེས་ཡོངས་རྫོགས་ཆོས། །སེམས་དཔའ་ཡུད་ཀྱིས
271a8 ངེས་ཐོབ་པས། །བསྟན་པ་རྒྱ་མཚོ་རྒྱུན་མི་འཆད། །རྡོ་རྗེ་ནམ་མཁའི་སྐས་བགྲོད་ནས། །ནམ་མཁའ་དབྱིངས་ཀྱི་དབུས་གནས་པར། །སྣང་སྲིད་མཐའ་ཐུག་མེད་ལ་ལྟ། །དེས་ནི་དེ་ཡུལ་ཡངས་པར་འགྱུར། །རྒྱ་མཚོ་རྡོ་རྗེས་གཏམས་བྱས་ཏེ། །དེ་ལ་གནས
iiif viewer powered by OpenSeadragon
