| e-texts navigator |
| Wylie |
270b1 རྩལ་གྱི་ཁྱད་པར་གྱིས། །ས་བོན་རང་བཞིན་ཡི་གེ་ལ། །འོད་ཟེར་འབར་བ་བཅས་པ་དེ། །དྲི་འབྱུང་སྒོ་ནི་ཚུན་ཆད་དུ། །འཕྲོ་འདུ་གསལ་བར་བསྐྱེད་པ་ལས། །རང་གི་ཆག་ཚད་གཉིས་བསྒྱུར་བའི། །སྐུ་ཡི་ཁྱོན་ཡང་དེ་ཙམ་མོ། །གསུམ་པའི་ས
270b2 ལ་གནས་པ་ཡི། །རྣལ་འབྱོར་ལུང་གི་བཀའ་སྒོ་ལ། །སོགས་པའི་རྣལ་འབྱོར་རྣམ་གསུམ་པོ། །དམིགས་པའི་ཏིང་འཛིན་འདི་ལྟར་འདོད། །ལྷ་ཡི་ས་བོན་གང་ཡིན་པ། །རང་བཞིན་ཡི་གེར་བསྒྱུར་བྱས་ཏེ། །འོད་ཟེར་འབར་དང་བཅས་པ་ཡིས། །
270b3 ཐོས་པའི་ཡུལ་ནི་ཚུན་ཆད་དུ། །འཕྲོ་འདུ་གསལ་བར་བྱས་པ་ལས། །རང་གི་ཆག་ཚད་བཞི་འགྱུར་ཙམ། །སྐུ་ཡི་ཁྱོན་ཡང་དེ་ཙམ་མོ། །དེ་བཞིན་རྣལ་འབྱོར་རིམ་པ་བཞིན། །ལྷ་ཡི་ཁྱད་པར་གང་ཡིན་པ། །ཡི་གེའི་རིམ་པ་བཞིན་སྦྱར་ནས། །
270b4 འཕྲོ་འདུ་ཚད་ཀྱང་དེ་བཞིན་ཏེ། །རིམ་པ་ཇི་བཞིན་སྦྱར་ནས་ཀྱང་། །འཕྲོ་འདུ་གསལ་བར་གྱུར་པ་དང་། །སེམས་ཀྱི་ཡུལ་ནི་ཇི་ཙམ་དུ། །སྐུ་ཡི་ཁྱོན་གྱི་ཁྱད་པར་ཡང་། །ཆོས་ཀྱི་དབྱིངས་ཀྱི་མཐས་ཀླས་པས། །སྐུ་ཡི་ཁྱོན་གྱིས་གང་བའོ། །ཇི་ལྟར
270b5 གསེར་སྦྱངས་འཚེར་བ་བཞིན། །སེམས་ཉིད་སྦྱངས་པས་དེ་ཉིད་གསལ། །འཕྲོ་འདུ་སྦྱོར་བའི་ཏིང་འཛིན་འདི། །རིམ་གྱིས་སྦྱོང་ལ་ཅིག་ཅར་དྲོད། །ལང་ཀའི་བདག་པོ་འདི་ལྟ་སྟེ། །ཆོས་རྒྱུན་ཆེན་པོ་འདི་འཛིན་འདི། །སེམས་དཔའ་རྡོ་རྗེ་དམ་པས་བཤད། །
270b6 འདི་ཀུན་འཕྲོ་འདུའི་རྒྱུན་ཞེས་བྱ། །ནམ་མཁའ་དོན་གྱི་གླེགས་བམ་ལ། །སྣ་ཚོགས་རིག་པའི་ཡི་གེ་བྲིས། །འབྱུང་ཆེན་བཞི་ཡི་སྒྲ་བསྒྲགས་པས། །ཐེག་ཆེན་གསང་སྔགས་རྒྱུན་མི་འཆད། །ཆོས་སོ་ཅོག་གི་རང་བཞིན་ནི། །དེ་བཞིན་ཉིད་ལས
270b7 མ་གཡོས་པས། །ཐམས་ཅད་བདུད་རྩིར་རྒྱུན་མི་འཆད། །འཁོར་བ་རྒྱ་མཚོ་ཡོ་བྱད་རྣམས། །མཆོད་པ་རྒྱ་མཚོའི་རང་བཞིན་ཏེ། །སྲིད་པ་རྒྱ་མཚོ་མཐའ་ཡས་ཀུན། །ཀུན་བཟང་མཆོད་སྤྲིན་རྒྱུན་མི་འཆད། །ཀུན་གྱི་དེ་བཞིན་ཉིད་དབྱིངས་ལས། །སེམས
270b8 ཅན་སངས་རྒྱས་སྙིང་པོར་ཤར། །འགྲོ་གང་བསམ་གྱིས་མི་ཁྱབ་པ། །རང་འབྱུང་སངས་རྒྱས་རྒྱུན་མི་འཆད། །དངོས་པོ་བརྟན་གཡོ་ལ་སོགས་པའི། །སྒྲ་སྐད་བསམ་གྱིས་མི་ཁྱབ་པའི། །ཀུན་ཀྱང་གསང་སྔགས་གསང་བའི་ཚིག་།བཟླས་པ་རྒྱ་མཚོ་རྒྱུན
iiif viewer powered by OpenSeadragon
