| e-texts navigator |
| Wylie |
270a1 ཆོས་རྣམས་ཀུན། །སྔགས་སྣང་སྔགས་སུ་མ་གྱུར་མེད། །རྣལ་འབྱོར་ཆེ་ཆུང་རིམ་པ་དག་།རྩལ་གྱི་ཁྱད་པར་དག་ལས་བྱུང་། །རིམ་གྱིས་འཇུག་དང་ཅིག་ཅར་པ། །དབུགས་ཀྱི་ཡུལ་དང་ཚེར་བ་དང་། །ཐོས་དང་མཐོང་བ་ལ་སོགས་ཏེ། །སེམས
270a2 ཀྱི་ཡུལ་དང་ནམ་མཁའི་དབྱིངས། །ཆོས་ཀྱི་དབྱིངས་ཀྱི་མཐའ་ཀླས་པར། །རང་བཞིན་ཡི་གེ་བསྒྱུར་ཡི་གེ། །ཡན་ལག་ཡི་གེ་སོ་སོ་ཡི། །རྩ་བ་ལ་སོགས་གཞི་གཅིག་བཅས། །འཕྲོ་འདུའི་ཚད་དང་ཕྱག་རྒྱའི་ཁྱོན། །ཚོམ་བུའི་གྲངས་ཀྱང་དེ་བཞིན་ནོ། །
270a3 འདི་ནི་དང་པོའི་འཇུག་རིམས་ཏེ། །མཐར་གྱིས་འདྲིས་ཤིང་གོམས་བྱེད་པའོ། །ཡི་གེ་ཡེ་ཤེས་ལས་བསྐྲུན་ཏེ། །དོན་བྱེད་པ་འང་ཕྱག་རྒྱར་འབྱུང་། །རྒྱ་མཚོ་གནོན་དང་ནམ་མཁའི་སྐས། །རླུང་འཆིང་བ་དང་རྒྱུན་བཟློག་པ། །སྲེག་པའི་བསྐལ་པ་གཞིལ་བ་དང་། །
270a4 ཉི་ཟླ་ཞོན་ནས་འཇིག་རྟེན་འཕང་། །ས་ལ་འཛུལ་དང་རི་རབ་འདེགས། །སྟོང་གསུམ་ཡུངས་འབྲུར་འཇུག་ཚུལ་དང་། །གཞིག་དང་སྤར་བ་ལ་སོགས་ཏེ། །བསམ་བྱ་བསམ་གྱིས་མི་ཁྱབ་པ། །གོམས་པས་ལས་སུ་རུང་བ་ཡི། །རྣལ་འབྱོར་རྩལ་ཆེན་སྦྱོང་བར་ཟད། །
270a5 བཟླས་པ་མཐར་ཕྱིན་གྲུབ་པ་དང་། །བཅིང་བ་ཡོངས་སུ་རྫོགས་པ་དང་། །བསམ་པ་ལས་སུ་རུང་བ་དང་། དོན་མཐོང་བ་དང་ཚིག་གྲུབ་པ། །བྱ་བ་ཡོངས་སུ་དག་པ་དག་།དོན་གཅིག་ཡུལ་ལ་སོ་སོར་སྣང་། །དེས་ན་ཏིང་འཛིན་ཁྱད་པར་ཡང་། །དེ་ཉིད་གཅིག་ལ
270a6 སྒོམ་མོད་ཀྱི། །རྣལ་འབྱོར་རྩལ་གྱི་ཁྱད་པར་ནི། །བསམ་པའི་ཡུལ་ནི་སྣ་ཚོགས་ཏེ། །དང་པོ་ས་ལ་གནས་པ་ཡི། །བཙལ་བ་ལས་ཀྱི་རྣལ་འབྱོར་པ། །འདུན་པའི་སེམས་པའི་རྣལ་འབྱོར་ལ། །སོགས་པའི་རྣལ་འབྱོར་རྣམ་དྲུག་པོ། །ཤེས་རབ་རྩལ་གྱི་འཕང
270a7 དམས་པས། །ཏིང་འཛིན་རྩལ་ཡང་ཆུང་བ་སྟེ། །དེ་ཉིད་མཐོང་བར་མི་འགྱུར་བས། །རང་གི་མོས་པ་གང་དམིགས་ན། །དེ་ཡི་ས་བོན་གང་ཡིན་པ། །ཁ་དོག་དབྱིབས་ཀྱི་ཕྱེ་ནས་ནི། །སྣ་ཡི་དབུགས་ལ་རྒྱུ་བྱས་ཏེ། །དེ་ཡི་ཡུལ་དུ་གྱུར་ཚད་དུ། །འོད་ཟེར
270a8 འབར་འཕྲོ་གསལ་བ་ལས། །འཕྲོ་འདུ་གནས་སུ་བསྐྱེད་པར་བྱ། །རང་གི་ཆག་ཚད་དང་སྦྱར་བའི། །སྐུ་ཡི་ཁྱོན་ཡང་དེ་ཙམ་མོ། །གཉིས་པའི་ས་ལ་གནས་པ་ཡི། །བཀའ་སྡོད་ལས་ཀྱི་རྣལ་འབྱོར་ལ། །སོགས་པའི་རྣལ་འབྱོར་རྣམ་བཞི་པོ། །ཏིང་འཛིན
iiif viewer powered by OpenSeadragon
