| e-texts navigator |
| Wylie |
269b1 དང་། །མཆོད་རྟེན་རྩེ་དང་རི་བོའི་སྤོས། །ནམ་མཁའི་དབྱིངས་ན་འདུག་པ་དང་། །ལུས་ལ་སྤྲིན་བྱུང་ཉི་ཟླ་ལ། །འདུག་པ་གང་ལ་གནས་པའི་རྟགས། །དམ་པ་རིགས་ཀྱི་སྔོན་བྱུང་བ། །བཀའ་རྟགས་དབང་པོར་དབང་སྒྱུར་བྱེད། །འཇིག་རྟེན་སྐས
269b2 ལ་འབེབས་པ་དང་། །དབང་བསྡུད་གཡུལ་རྒྱལ་རྒྱལ་བར་འགྱུར། །མགོ་ལ་མེ་ཏོག་ཐོད་སྐྱེས་པའོ། །ཆོས་གང་དབང་སྒྱུར་སྔོན་བྱུང་བ། །གླེགས་བམ་རྙེད་དང་འདྲི་སྤྱོད་དང་། །གཞན་ལ་སྟོན་དང་གཏན་ལ་འབེབས། །མེ་འོད་བུམ་གང་ལྟ་རྟོག་འཐུང་། །
269b3 ནོར་བུ་ཐུ་དང་འཁོར་ལོ་བབས། །ཉིན་ཟླ་ཟིན་དང་རི་རབ་སྐོར། །གང་ལ་སྒྲ་བརྒྱས་སྟོང་གསུམ་གང་། །དངོས་པོའི་མཐའ་དག་ཡི་གེར་མཐོང་། །ཀླགས་པས་ངོ་མཚར་ཀུན་སྐྱེད་དང་། །མཁའ་ལས་མེ་ཏོག་ཆར་འབབ་པའོ། །དམ་པ་མཐོང་བ་སྔོན་བྱུང་བ། །
269b4 སྔོན་མ་མཐོང་བ་ཡུལ་མཐོང་དང་། །སྟོང་གསུམ་མཐོང་ཞིང་གླིང་རྣམས་བགྲོད། །རི་རབ་རྩེར་ཕྱིན་ཐམས་ཅད་མཐོང་། །ནམ་མཁའ་མཐའ་ཡས་མཐོང་བ་དང་། །རྒྱ་མཚོ་གཏིང་དུ་ཕྱིན་པ་དང་། །སྒྲོན་མེ་ཐོགས་དང་སྣང་སྲིད་དཔྱོད། །ཉི་མའི་སྙིང་པོ་ལྟ་བུའོ། །
269b5 ལུང་ཆེན་ཐོབ་པ་སྔོན་བྱུང་བ། །རོལ་མོ་འབྲུག་སྒྲ་སེང་གེ་དང་། །ཆོས་ཀྱི་བགྲོ་བ་ཐོས་པ་དང་། །གཟུགས་བརྙན་ཞལ་འཛུམ་འོད་འབྱུང་དང་། །དམ་པའི་གསུང་ཐོས་སྐུ་མི་མཐོང་། །ལྷ་མོ་གླུ་དབྱངས་སྒྲོགས་པ་དང་། །གཞལ་ཡས་དག་ལ་སྒྲ་འབྱུང
269b6 དང་། །གྲོགས་པོ་དམ་པ་ཞེས་འབྱུང་ཞིང་། །དེ་ཉིད་འགྲོ་བར་བྱེད་པའོ། །རིག་འཛིན་དམ་པའི་ལྟས་ཤར་ན། །བྱིན་བརླབས་མཐུ་ཡི་ཆོ་འཕྲུལ་ཡང་། །ཉི་ཟླ་ཞོན་ནས་འགྲོ་བ་དང་། །རི་རབ་རྐེད་ནས་གསོར་བ་དང་། །འཇིག་རྟེན་རྒྱང་མར་འཕང་བ་དང་། །སྲེག
269b7 པའི་བསྐལ་པ་གཞིལ་བ་ལ། །སོགས་པའི་ཆོ་འཕྲུལ་ཐམས་ཅད་ཀྱང་། །ཁྱད་པར་རྩལ་གྱིས་སྟོན་པར་ནུས། །འདུལ་བའི་འགྲོ་བ་ཐམས་ཅད་ལ། །སོ་སོ་སྐད་དུ་ཆོས་འཐུན་པར། །འདུལ་བའི་སྒོ་ནི་སྣ་ཚོགས་སུ། །གང་ལ་དེ་ལྟར་སྟོན་པར་ནུས། །རྣལ
269b8 འབྱོར་རྩལ་གྱི་ཁྱད་པར་གྱིས། །འཇིག་རྟེན་ཁམས་ཀུན་གཡོས་ནས་ཀྱང་། །ཐམས་ཅད་ངོ་མཚར་ཆེར་འགྱུར་ཏེ། །དགའ་མགུ་རངས་པའི་རོ་མྱོང་འགྱུར། །གཡེང་བའི་ཡི་གེ་ཕྲེང་བ་ལས། །རྫུ་འཕྲུལ་ཆོས་ཀྱི་སྒྲ་བསྒྲགས་པས། །ཡིད་མཐོང་རྣམ་གྲངས
iiif viewer powered by OpenSeadragon
