| e-texts navigator |
| Wylie |
269a1 འདིར་ནི་དམ་པ་གང་ངེས་པ། །རྣལ་འབྱོར་མཚན་མའི་སྔ་ལྟས་ཡིན། །ཆུ་ཀླུང་མེ་གསེར་ག་ན་བར། །འདུ་འཕྲོ་འབྱུང་རྩི་ངེས་པ་བཞིན། །དམ་པ་ངེས་ན་དམ་པར་འབྱུང་། །དམ་པ་མ་ངེས་ཐམས་ཅད་བདུད། །དམ་པར་ངེས་ན་ཆུང་ངུ་ཙམ། །གང
269a2 འབྱུང་དམ་པའི་སྔ་ལྟས་སོ། །གང་གི་དམ་པ་ཉིད་ཐོས་ན། །མི་སྐྲག་མི་དངང་དགའ་བ་སྐྱེ། །གང་ཞིག་དམ་པ་ཉིད་ལྟ་བ། །ཐམས་ཅད་དམ་པ་ཉིད་དུ་མཐོང་། །དམ་པའི་ཀླུང་དུ་གང་གྱུར་པ། །རྣམ་གྲངས་མང་པོ་དམ་པར་སྡུད། །དམ་པ་ངེས་པ་མཐོང་བ་ན། །ཚིག
269a3 ལམ་རྗེས་སུ་དེ་མི་འགྲོ། །དེ་མཐོང་ཐམས་ཅད་དམ་པར་གསལ། །སྣང་བ་མེད་པའི་དམ་པ་ནི། །སྣང་བ་མེད་པ་མཐོང་བར་འགྱུར། །དེ་ཉིད་ཀུན་གྱི་རྒྱུ་ཡིན་ཏེ། །ཆོ་འཕྲུལ་རྒྱུ་བ་ཐམས་ཅད་འབྱུང་། །གཡོ་དང་དྲོད་ཐོབ་བརྟན་པ་དང་། །གསལ་དང་རྟགས
269a4 ཐོབ་བརྟན་པ་དང་། །ཉི་ཟེར་རྡུལ་ཕྲན་སྨིག་སྒྱུ་དང་། །མཚོ་རླབས་རླུང་དང་ཆར་གྱི་རྒྱུན། །སྤྲིན་ལྡིང་ཏ་ལ་གང་འཕར་འགྲོ། །ས་གཡོ་འབྱུང་བའི་སྐྱེ་མཆེད་སྣང་། །འབྱུང་རྒྱུན་ཟུག་རྔུ་ལ་སོགས་ལ། །གང་གིས་ཡོངས་སུ་ནད་ཞི་བ། །མུན་པའི་སྐྱེ
269a5 མཆེད་ཆོམས་པ་དང་། །ལུས་ཀྱི་བཟོད་པ་ཐོབ་པ་དང་། །ཀུན་ལ་བདེ་བླག་ཇི་བཞིན་པའོ། །གང་མིན་གང་དུ་སྒྱུར་བ་དང་། །གང་མེད་པ་ལས་གང་འབྱིན་པའི། །ཡིད་འོང་འདོད་གྲུབ་རྫས་མཆོག་རྙེད། །ཀུན་དགའ་ཀུན་འདུད་ཀུན་ཡིད་དང་། །ཀུན་ལ
269a6 དབང་སྒྱུར་མཆོག་འགྲུབ་ལྟས། །ཡུད་ལས་སྔོན་དུ་འབྱུང་བའི་ལྟས། །སྒྲེན་མོར་བྱུང་དང་རྟག་པར་མཁྲུ། །རྣམ་དག་ཆུ་བོར་འབོགས་དང་རྐྱལ། །ཆར་རྒྱུན་བུམ་ཆུ་འབྱུང་བ་དང་། །གསེག་དང་གཡེང་དང་རྣམ་པར་འཐོར། །འདི་གང་སྦྱོང་བ་དག
269a7 པའི་ལྟས། །གང་འདིར་འཇིགས་དང་བྲལ་བ་ཡང་། །གཡུལ་འགྱེད་ཞི་དང་ཟུག་རྔུ་བྱང་། །ཐ་མར་གྲོལ་དང་གཤེད་ལས་ཐར། །གདུག་པའི་ཚོགས་བྲལ་དུག་ནད་ཞི། །བཅིང་གྲོལ་བཅད་ལྟས་བཟང་པོ་ཡིན། །ཁྱད་པར་དམ་པའི་སྔོན་བྱུང་བ། །
269a8 ཁྲི་རྐང་ཤིང་དང་ལྗོན་ཤིང་སྐས། །འཛེག་དང་གྱེན་དུ་འགྲོ་བ་དང་། །རི་རྩེའི་མཆོད་རྟེན་ནམ་མཁའི་སྐས། །གོང་ནས་གོང་དུ་འཕར་བའི་ལྟས། །གང་ལ་གནས་དང་ནོན་པ་ཡང་། །ཁྲི་མཐོན་ལ་འདུག་གླང་ཆེན་ཞོན། །སེང་ཆེན་ཁྱུང་ལྡིང་འདབ་ཆགས
iiif viewer powered by OpenSeadragon
