| e-texts navigator |
| Wylie |
268b1 དེ་མེད་པས་ན་དེ་ཡང་མེད། །དེ་ནི་དམ་པའི་ཉམས་རྙེད་པའི། །འདིར་ནི་ཐེག་ཆེན་དམ་པ་ཡི། །ནད་ནི་རིམ་གྱིས་འཐོབ་མ་ཡིན། །རིམ་གྱིས་པ་ཡི་དུག་རྒོད་ནི། །ཅིག་ཅར་འཆར་བའི་དེ་ཁོ་ནའོ། །དེས་ན་གང་དང་གང་དག་གིས། །ཇི་ལྟར་གོ་དང་མོས
268b2 བཞིན་དུ། །བསྟན་པ་གང་དང་གང་དག་ལ། །སོ་སོ་ཡིད་བརྟན་ཡུལ་དུ་བྱ། །དེ་བས་བསྒྲོན་མ་དཔག་མེད་ཀྱིས། །དམ་པ་ཇི་སྙེད་གསུངས་པ་རྣམས། །གཅིག་ཏུ་ཆད་དམ་ངེས་མེད་། །ཇི་ལྟར་འབྱུང་བ་དེ་ལྟར་ངེས། །འདི་ལ་གང་འཇུག་པར་གཅོད་པ། །ལེ་ལོ
268b3 བྱ་མང་རྒོད་པ་དང་། །གཡེང་དང་རྨུགས་དང་འདོད་པ་དང་། །གཉིད་དང་རེ་དོགས་ཐེ་ཚོམ་དང་། འདུ་འཕྲོ་སྤྱོད་དང་དགའ་བའོ། །དེ་ཡང་རང་བཞིན་དེ་བཞིན་ཉིད། །དུག་ལྔ་ལ་སོགས་ཀུན་འབྱུང་ཉིད། །རང་འབྱུང་རང་ཞི་དེ་བཞིན་ཉིད། །དམ་པའི་དོན་ལ་གང
268b4 སྒྲིབ་པ། །མི་གཡོ་གསལ་བདེ་སྡུག་བསྔལ་དང་། །སྐྱེ་བ་གསལ་བ་འབྱིན་པ་དང་། །དེས་དང་ཁྱད་སྙེམས་འབྱུང་ཞི་ཉིད། །བསམ་གཏན་ཆེན་པོར་ངེས་སྣང་བ། །ཀུན་ཏུ་མི་ཉམས་རེ་དོགས་མེད། །དད་པ་མི་སྐྱེ་མི་གཡོ་དང་། །མ་ཆགས་མི་འཆད་ལེན་པ་མེད། །འཁྲུག་པ
268b5 མེད་ན་རང་བཞིན་ཉིད། །རྣལ་འབྱོར་བདུད་ཀྱི་སྤྱོད་ཡུལ་ན། །དམ་པར་འདུན་མཐོང་དམ་པར་སྨྲ། །སྤྲུལ་པ་གྲངས་མེད་འགྱེད་མཐོང་དང་། །དམ་པས་སྨྲས་ཀུན་གསལ་མཐོང་དང་། །དུས་ཀུན་ཤེས་གསལ་མཐོང་བ་དང་། །རྒྱུད་དྲུག་ལམ་ནས་ཀུན་སྣང་དང་། །
268b6 དེ་ལ་གདུང་བའི་ཤུགས་འབྱུང་དང་། །ཀུན་སྣང་གསལ་བར་མཐོང་བ་དང་། །ཅི་ལ་འང་ཐོགས་མེད་འགྲོ་བ་དང་། །མཁའ་ལ་བྱ་བཞིན་འགྲོ་འདུག་དང་། །དམ་པའི་ཕྱག་རྒྱ་ལུང་སྟོན་དང་། །ཀུན་གྱི་སྐད་དུ་ཆོས་སྨྲ་དང་། །དངོས་པོ་བརྟན་གཡོ་བསྟི་གནས་མཐོང་། །
268b7 ཐམས་ཅད་མཉམ་པར་བཀོད་པ་དང་། །དེ་ཉིད་རང་བཞིན་གསལ་སྣང་དང་། །ལས་སུ་རུང་བ་ཐོགས་མེད་དང་། །དམ་པའི་དོན་ལ་བསྒོ་བ་དང་། །འཇིག་རྟེན་གཙོ་བོས་མཆོད་པ་དག་།རང་བཞིན་ཤེས་ན་དམ་པའི་རྟགས། །གང་མི་ཤེས་པ་ལོག་པའི་བདུད། །
268b8 སྒོ་དྲུག་མཚན་མ་ཅི་སྐྱེས་དང་། །རང་འབྱུང་རང་ཞི་ཅི་དགར་གཞག་།མ་སྐྱེས་པས་ན་བཟློག་དུ་མེད། །དེ་ཡང་དེ་བཞིན་དེ་ཉིད་དོ། །འདས་དང་མ་འོངས་ད་ལྟར་གྱི། །ཉེས་དང་ལེགས་པ་གང་ལ་ཡང་། །དགལ་དང་འགྱོད་པའི་རྟོག་པ་མེད། །རང་འབྱུང་རང་ཞི་དེ་ཉིད་དོ། །
iiif viewer powered by OpenSeadragon
