| e-texts navigator |
| Wylie |
268a1 ཟུག་མེད། །དབུ་མར་མི་དམིགས་ཀུན་རིག་གསལ། །ཡོད་མིན་མེད་མིན་ལས་ཀྱང་འདས། །གང་འདིར་ཚོར་འགྲོ་མ་རབས་དང་། །གང་འགོག་བྱིས་པའི་སྤྱོད་ཡུལ་དང་། །འདི་གང་ཉམས་པའི་ལོག་སྲེད་ཅན། །ཡལ་བ་ཕྱལ་བ
268a2 དམིགས་པ་གཅིག་། གང་འདིར་ལྟ་བས་མདོངས་པ་དག་།བདག་ལ་བརྟེན་ནས་མཐའ་སྒྲུབ་སྟེ། །མེད་མོས་དེས་འགྲོ་མེད་སྙམ་ནས། །དེ་མ་ཐག་ཏུ་ངན་འགྲོར་འགྲོ། །མོས་པ་ཆུང་དུ་ཐམས་ཅད་ནི། །གང་ལ་བདག་མེད་རྟེན་བཞིན་མཐོང་། །
268a3 གང་བཀག་རྟོག་ཡོད་དཔྱོད་མེད་པ། །བསམ་གཏན་དང་པོ་ཁོ་ནའོ། །ཀུན་སྟོང་ཕྲ་བའི་སྟོང་པ་ལས། །གནས་རྟོག་མེད་ལ་དཔྱོད་པ་གཉིས། །སྟོང་པ་ཉིད་ལ་ངེས་བཞག་སྟེ། །དགའ་བ་བསྐྱོད་པ་གསུམ་པའོ། །བདག་གམ་གཞན་གྱིས་མཐུས
268a4 བསྟན་ཏེ། །སྐྱོན་མེད་མི་གཡོ་གནས་བཞི་པ། །གང་ཡོད་མཐར་ཡང་འགྱུར་སྲིད་ཀྱི། །གང་མེད་གནས་མེད་མཐར་མི་འགྱུར། །གང་མེད་མི་མཐོང་མི་ཤེས་བཞིན། །བཙལ་བས་རྙེད་པར་མི་འགྱུར་ཡང་། །དེ་ཉིད་མེད་པར་མི་འགྱུར་བས། །
268a5 རྒྱུ་འབྲས་མེད་ཀྱང་དོན་མེད་མིན། །དཔེར་ན་ལྕགས་བསྲེགས་དཔལ་མེད་བཞིན། །ཆེན་པོ་བཞི་མེད་སྟོངས་འགྱུར་ཀྱང་། །དེ་དང་ནམ་མཁའ་མེད་མིན་བཞིན། །དེ་ཉིད་མི་རླག་མེད་མིན་འགྱུར། །དྲུག་གི་སྤྱོད་ཡུལ་མཚན་མ་སྟེ། །མཚན་མ་དངོས
268a6 པོར་སྣང་བས་ན། །ཅི་དགར་བཞག་པས་དེ་བཟློག་མེད། །དེ་སྟོང་སྤང་ཞིང་བཟློག་ཏུ་མེད། །ཐམས་ཅད་སེམས་ཀྱི་ཆོས་ཉིད་དུ། །ཚིག་མེད་ལྟ་བས་ཐག་ཆོད་ན། །མ་བཅོས་མ་ཡེངས་ཡེངས་ཐུབ་སྙོམས། །རྩོལ་སྒྲུབ་རེ་དོགས་ག་ལ་ཡོད། །མི་མཐུན་གཉེན
268a7 པོ་སྒོམ་མི་དགོས། །སྐྱོན་ཡོན་སྤོང་ལེན་བྱིང་རྒོད་རྣམས། །གང་འདིར་དབྱེར་མེད་ཟུང་འབྲེལ་ན། །ཞི་གནས་ལྷག་མཐོང་སེམས་ལས་བྱུང་། །ཞིག་པས་ནམ་མཁའ་མེད་མི་འགྱུར། །འཁྱམས་པས་བྱང་ཆུབ་སེམས་ནི་སྟོར། །སྤངས་པས་མི་སྤོངས་མཐའ
268a8 ཡས་ཆོས། །བཀྲུས་པས་མི་འདག་སྟོང་ཉིད་དབྱིངས། །གང་སྟོང་ཡོད་པས་ཆད་རྟག་པས། །ཐམས་ཅད་རིག་པས་སྟོང་མ་ཡིན། །དངོས་པོ་མེད་པས་རྟག་མ་ཡིན། །ཅི་ཡང་མེད་པས་སྦྱང་དུ་མེད། །བྱ་བ་ཐམས་ཅད་ཡོངས་བཏད་ན། །ཡེ་ནས་མ་བཅོས་དེར་བཞག་ན། །
iiif viewer powered by OpenSeadragon
