| e-texts navigator |
| Wylie |
266b1 རིག་འཛིན་གྱིས། །གཟུགས་བརྙན་ཤེལ་དང་དེ་ལས་ནི། །གསལ་བར་བདག་ལ་སྟོན་པར་འགྱུར། །དང་པོ་སྣོད་དེ་ཁེངས་པ་ཡིན། །གཉིས་པ་ཕྱེད་དམ་བརྒྱ་རྩ་བརྒྱད། །ཐ་མའང་གྲངས་འགས་འཕེལ་བར་འགྱུར། །དེ་དག་གྲུབ་པ་རྟགས་ཆེན་ཏེ། །དེ་ཚེ་དངོས
266b2 གྲུབ་བླང་བར་བྱ། །ཐོབ་པའི་ཡོན་ཏན་བསམ་མི་ཁྱབ། །ཚེ་འདིར་རིག་འཛིན་ས་ལ་གནས། །རྒྱལ་བ་དག་དང་མཉམ་པར་འགྱུར། །ཞར་ལས་བྱུང་བའི་ཡོན་ཏན་ཡང་། །འགྲོ་བ་ཀུན་གྱི་དོན་སྤྱོད་པ། །སེམས་དཔའ་ཆེ་ལྟར་འགྲུབ་པར་འགྱུར། །རྒྱུན་དུ་དེ་ལ
266b3 མཆོད་དགོས་ཏེ། །མཆོད་ན་ཡོན་ཏན་དམ་པ་འབྱུང་། །མཆོད་པ་བྱ་བའི་ཆོ་ག་ཡང་། །སྒྲིབ་སྦྱངས་བསོད་ནམས་དཔུང་བསྐྱེད་དེ། །རང་རྒྱུད་དག་པར་བྱས་ནས་ནི། །ཟླ་བ་དུས་ནི་ཐམས་ཅད་ཀྱི། །བཅུ་དྲུག་ཆ་ལ་རྫོགས་པའི་ཚེ། །བདག་ཉིད་གཅིག་པུ་སེམས་ཡུལ་དུ། །
266b4 གྱུར་པར་བྱས་ནས་མཆོད་པ་ནི། །ཟ་མ་ཏོག་དང་བཅས་པ་དག་།རྒྱལ་མཚན་རྩེ་མོར་བརྟགས་བྱས་ཏེ། །ཇི་ལྟར་འདོད་པར་སྨོན་ལམ་བཏབ། །དེས་ནི་འདོད་པ་ཐམས་ཅད་སྐོངས། །དེ་ནི་རྣལ་འབྱོར་སྐལ་ལྡན་གྱིས། །ཡིད་བཞིན་ནོར་བུ་རིན་པོ་ཆེ། །རྣལ་འབྱོར་སྒྲུབ
266b5 པའི་རྫས་མཆོག་ཏུ། །མིང་གིས་མེད་དུ་མི་རུང་ངོ་། །ཇི་ལྟར་རོ་དག་གསེར་འགྱུར་དང་། །དེ་བཞིན་མེ་ཡིས་བསྲེགས་སྦྱངས་བཞིན། །དངོས་པོར་སྤྱོད་པ་ཇི་སྙེད་པ། །དེ་ཉིད་དམ་པ་ལ་མི་གཡོ། །དེ་ལ་སོགས་པ་མཐའ་ཡས་སྤྱོད། །དངོས་པོ་བཞི་ལ་གནས
266b6 སྤྱོད་པ། །རྡོ་རྗེ་སེམས་དཔའི་ཆོས་ཉིད་དེ། །སྤྱོད་པ་རྨད་འབྱུང་དམ་པ་ཡི། །ཇི་ལྟར་གླང་པོ་ཆུར་ཞུགས་པ། །ཐོགས་ཆགས་འཇིགས་པ་ཡོང་མེད་པར། །དགའ་བའི་ལོངས་སྤྱོད་བྲོད་ཚུལ་གྱིས། །མི་ལྡོག་ཕ་རོལ་ཕྱིན་པ་ལྟར། །རྣལ་འབྱོར་ངེས་པར་སྤྱོད་པ་ཡང་། །བརྟུལ
266b7 ཞུགས་རྒྱ་མཚོའི་ཆུར་འཇུག་པ། །རྩལ་ཆེན་སྤྱོད་པའི་བྲོད་ཚུལ་གྱིས། །ཐོགས་ཆགས་མེད་པར་ལ་དོར་བའོ། །སྤྱོད་པ་གང་བར་བྱ་བའི་ཐབས། །གོམས་པ་ཀློང་དུ་གྱུར་པ་གཅེས། །གྲོགས་པོ་དག་དེ་དག་ནི་ལ་དོར་བར་ཤེས་པར་བྱའོ། །སངས་རྒྱས་ཀུན་གྱི་དགོངས
266b8 པ་འདུས་པའི་མདོ་ཆེན་པོ་ལས་རྣལ་འབྱོར་སྤྱོད་འཇུག་གི་ལེའུ་ཞེས་བྱ་སྟེ་བདུན་བཅུ་གཅིག་པའོ། ། །། དེ་ནས་ཡང་གསང་བ་པའི་བདག་པོས་དམན་པ་དམ་པ་རྣམས་ལ་སྨྲས་པ། །ཀྱེ་གྲོགས་པོ་དག་གང་གིས་བཅད་པར་བྱ་བ་ནི་འདི་ལྟ་སྟེ། དགོངས་པ་དམ་པ་དེ་ཁོ་ན་ཉིད་དོ། །དེ་ཅིའི
iiif viewer powered by OpenSeadragon
