| e-texts navigator |
| Wylie |
266a1 འབབ། །རིག་འཛིན་སེམས་དཔའ་སྤྲུལ་པའི་གདུང་། །དཀའ་གསལ་འགའ་འགའ་ཙམ་དུ་འབྱུང་། །གང་ཟག་ས་པའི་རྟགས་ཆེན་ནི། །མདོག་མཉམ་གཅིག་གསུམ་གཉིས་གསུམ་གཅིག་།ལ་ལར་ལྔ་འམ་བཅུ་འབྱུང་ཞིང་། །ཡོན་ཏན་དེ་ནི་དེ
266a2 ལྟར་རོ། །དེ་ཡང་སྲ་མཁྲེགས་རྡོ་རྗེ་འདྲ། །ལྕགས་ཀྱི་གཏུན་གྱིས་ཡོང་མི་ཆོགས། །འདི་དག་ཕེབས་པའི་ཡོན་ཏན་ཡང་། །གང་དང་གང་དུ་བབས་པ་ཡི། །ཡུལ་ཁམས་དེ་དག་ཐམས་ཅད་དུ། །ནད་དང་མི་ངས་བགེགས་རྣམས་ཞི། །གནོད་སྦྱིན་སྲིན་པོ་མ་རུངས་པ། །
266a3 དྲག་པོ་གཏུམ་པོ་འང་ལྷནེར་འགྱུར། །རྒྱལ་པོ་འཁྲུགས་དང་ཁམས་འཁྲུགས་དང་། །ཡུལ་ཁམས་འཁྲུགས་པ་འང་ཞི་བར་འགྱུར། །འབྲས་བུ་ལོ་ཏོག་འཕེལ་སྨིན་ཅིང་། །ཡིད་དུ་འོང་བ་ཐམས་ཅད་འབྱུང་། །ཡུལ་དེ་རྨངས་དང་རྒྱལ་པོ་ཡི། །ས་བོན་ཐམས་ཅད་བུ་ཕོར་འགྱུར། །
266a4 བདེར་བཅས་མཚན་ལྡན་རིགས་མཐོན་ནི། །བུ་ཕོ་ཀུན་ཀྱང་འབྱུང་བར་འགྱུར། །འདི་དག་སུ་ལ་འཆང་བ་རྣམས། །རིག་འཛིན་ས་དང་སྐལ་བ་མཉམ། །འཇིག་རྟེན་འདི་ཡི་བསོད་ནམས་ཀྱང་། །འཁོར་ལོས་སྒྱུར་རྒྱལ་དག་དང་མཉམ། །དེ་ཡི་དགོངས་པ་ཀུན་དུ་འགྲུབ། །
266a5 ཚེ་དང་སྐོངས་དང་ལས་འགྲུབ་འགྱུར། །ཕྱིན་ཅད་བླ་མེད་བྱང་ཆུབ་ནི། །ས་ལ་རེག་པའི་རྟགས་ཆེན་ཡིན། །གཞན་ཡང་ཡོན་ཏན་བསམ་མི་ཁྱབ། །དེ་དག་རང་གི་རང་བཞིན་དུ། །གནས་པའི་ཡོན་ཏན་དེ་དག་གོ། །བསྒྲུབས་ན་ཡོན་ཏན་བསམ་མི་ཁྱབ། །སེམས་ཅན
266a6 རྣམ་པ་ཐམས་ཅད་ལ། །བྱང་ཆུབ་སྙིང་པོ་ཉིད་ཡོད་པས། །མེ་ཡི་ལས་ཀྱི་བྱ་བ་ཡིས། །ལྔ་ཕུང་སྦྱངས་ན་མེད་མི་སྲིད། །འདི་དག་བསྒྲུབ་པར་བྱ་བ་ཡང་། །ཤེལ་གྱི་ཟ་མ་ཏོག་ནང་དུ། །བསྡུས་ཏེ་ཕྱག་རྒྱའི་རྒྱས་བཏབ་ནས། །ཤེལ་གྱི་ག་བུའི་ནང་དུ་བཙའ། །བསྒྲུབ
266a7 པས་དེ་ལ་སྨོན་ལམ་དང་། །སྒྲིབ་སྦྱང་གསོ་ལ་འཕྲོ་འདུ་བྱ། །འཕྲོ་འདུ་བྱ་བའི་ཆོ་ག་ཡང་། །ནམ་མཁའ་གང་བའི་ཤ་རི་རམ། །ཞིང་ཁམས་གང་བའི་རྒྱལ་བ་ལས། །ཆར་གྱི་རྒྱུན་བཞིན་དེ་ལ་འབབ། །རྩེ་གཅིག་བཟླས་པ་གསུང་གི་རྒྱུན། །མ་ཧཱ་ཤ་རི་རམ་གྱི་ལི་ཧཱུ~ཾ། །
266a8 གྲངས་མེད་བར་ཆད་མེད་པར་བཟླས། །མཆོག་ཏུ་གསལ་ཞིང་འཚེར་བ་དང་། །འོད་ཀྱི་ཟེར་ཕྲེང་ཉི་ཟེར་བཞིན། །ཟང་ཟིང་བྲང་བྲེང་སྣང་བར་འགྱུར། །ཟ་མ་ཏོག་གི་ཕྱི་རོལ་ན། །གསལ་བ་དེ་ལ་འབྱུང་བར་འགྱུར། །འགུལ་ཞིང་མང་པོར་འཕེལ་བ་དང་། །རྒྱལ་བ་སེམས་དཔའ
iiif viewer powered by OpenSeadragon
