| e-texts navigator |
| Wylie |
265b1 མྱ་ངན་འདས་པར་གྱུར་ཕྱི་ན། །མེད་པ་ལས་བྱུང་སྐུ་གདུང་ནི། །སྐུ་ཡི་གདུང་དང་རིང་བསྲེལ་ཞེས། །འགྲོ་བའི་བསོད་ནམས་རྟེན་དུ་གྲགས། །རྒྱལ་བ་རྣམས་ནི་དངོས་མེད་པས། །སྐུ་གདུང་རིང་བསྲེལ་མི་སྲིད་ན། །སེམས་ཅན་རྣམས་ལ་ཕན་དོན་དུ། །
265b2 མེད་ལས་ཐུགས་རྗེའི་ཆོ་འཕྲུལ་བཞག་།དེ་བཞིན་གང་དུ་གང་བྱུང་བའི། །གང་འདིར་སྣང་བ་སྒྲོན་མ་དག་།མྱ་ངན་འདས་པའི་སྐུ་གདུང་ཡང་། །ཤ་རི་རམ་ཞེས་གྲགས་པར་འགྱུར། །དེ་ཡི་ལས་ཀྱང་དེ་བཞིན་ནོ། །དེ་ལས་སོགས་པའི་རྒྱལ་བ་རྣམས། །
265b3 རང་འབྱུང་རྗེས་གནས་འབྱུང་བཅས་རྣམས། །ཚུལ་འཐུན་གཅིག་པར་གྱུར་པ་ཡི། །སྐུ་གདུང་ས་བོན་བྱིན་བརླབས་ཀྱི། །ཡོན་ཏན་ཆ་ལས་རྩིར་འཕེལ་བ། །འཛམ་གླིང་ས་ཁམས་ཁྱབ་པར་སྣང་། །གདུང་ལས་བྱུང་ཕྱིར་སྲ་མཁྲེགས་ཟླུམ། །ཐ་སྐད
265b4 རྡོ་རྗེ་རབ་ཏུ་གྲགས། །ལྒང་བུ་ཟུར་གསུམ་ཏིལ་ལྒང་འདྲ། །གཞོན་ཚེའི་མར་རམ་འོ་མར་སྣང་། །ནར་སོན་སྨྱིན་རྟགས་སྲ་ཞིང་མཁྲེགས། །ཙ་ན་ཀ་ཡི་འབྲུ་བཞིན་དུ། །དཀར་ལ་ཙན་དམར་ཁ་དོག་གསལ། །ཟོས་པའི་ཡོན་ཏན་བསམ་མི་ཁྱབ། །བདུད་རྩི་སྨན་གྱི
265b5 མཆོག་ཏུ་གྲགས། །དེ་བཞིན་རིག་འཛིན་སེམས་དཔའ་རྣམས། །མི་ཡི་ལུས་སུ་སྤྲུལ་པ་དང་། །གང་ཟག་ས་པ་ཆོས་མིག་ལྡན། །བསོད་ནམས་དཔལ་ཞིང་དག་པ་དག་།སྡོང་བུ་སྙིང་པར་སྦྱངས་ཕྱེ་ན། །སྐལ་བ་ཅན་ལ་སྣང་བ་ནི། །ལ་ལ་དག་ལ་ཤ་རི་རམ། །ལ་ལ་དག
265b6 ལ་རིང་བསྲེལ་སྐུ། །སྐལ་ངན་དག་ལ་སྣང་མི་འགྱུར། །ལ་ལ་སྣང་བར་གྱུར་ན་ཡང་། །སྦྱོར་བ་དག་ལ་ཡུན་ཏུ་རྟག་།མ་དག་ནུབ་ཅིག་འབྲོས་པར་འགྱུར། །ཡིད་དུ་འོང་དང་མི་འོང་བའི། །འབྱུང་བའི་ལྟས་ནི་སྟོན་པར་བྱེད། །ཡོད་པར་རྟག་པ་མ་ཡིན་ལ། །མེད་པ་རླག་པར་ཡོང་མི
265b7 འགྱུར། །རྣལ་འབྱོར་ལས་དང་འབྱོར་པ་རྣམས། །དག་དང་མ་དག་ཚུལ་ལ་སྦྱོར། །དེ་ཡང་བསོད་ནམས་དག་པ་ཡིས། །གང་ལམ་རྒྱ་ཆེར་མོས་པ་དང་། །རྣལ་འབྱོར་རྩེ་གཅིག་རྨོག་བཏུད་ན། །རྡོ་རྗེས་སྦྲེལ་དང་ལས་འཐུན་ན། །རྒྱུད་རྣམས་ཡོངས་སུ་དག་ལ་འབབ། །དེ་ཡང་ཁྱད་པར
265b8 རིམ་པས་ནི། །རྒྱལ་བའི་སྐུ་གདུང་ཤ་རི་རམ། །ཞིང་ཁམས་ཀུན་དུ་ཁྱབ་བར་ནི། །འགར་དང་བཟོས་ནི་བཟླུམས་པ་བཞིན། །བྱས་པ་མེད་ལས་སྣང་བ་དག་།དཀར་འཚེར་མདོག་གསལ་འཛག་འདྲ་བ། །ཙན་དམར་མདངས་སུ་གསལ་བ་ཡི། །ནམ་མཁའ་གང་བར་ཆར་བཞིན
iiif viewer powered by OpenSeadragon
