| e-texts navigator |
| Wylie |
265a1 རོ་ཁང་གློ་སྐར་བཞི་ཕྱེ་ལ། །རྡོ་རྗེ་གཟུངས་གྱི་རྒྱུད་ཐག་བཞིས། །བཏགས་ནས་བླ་མའི་ཕྱག་ཏུ་ཕུལ། །ཤིང་གི་བྱ་བ་རྫོགས་པ་དང་། །དེ་ཡི་ཕྱི་མཐའ་སྟེགས་བུ་ལ། །རྣམ་བཞི་ལས་ཀྱི་ལྷ་རྣམས་དགོད། །སྟེགས་བུ་རྫོགས་པར་གྱུར་པ་དང་། །
265a2 རྡོ་རྗེ་ལས་ཀྱི་སྒོས་བཏབ་པ། །རྡོ་རྗེ་རྒྱལ་པོ་བླ་མ་ལ། །འཁོར་བ་སྲེག་པར་མངའ་གསོལ་ཏེ། །མི་གཡོ་མེ་ཆེན་རྩེ་གཅིག་པས། །མེ་ཡི་འདུ་འཕྲོ་རྒྱུན་དུ་བྱ། །རྡོ་རྗེ་སྔགས་ཀྱི་ལས་སྦྱར་ལ། །རྣམ་བཞི་ལས་ཀྱི་མངའ་གསོལ་ཏེ། །ལས་ཀྱི་ཕྲེང་བ
265a3 རྫོགས་པར་བྱ། །བླ་མ་རྡོ་རྗེ་དམ་པ་ཞིག་།རོ་ཡི་ཉེས་པའི་མཐའ་བཟུང་ནས། །ལས་ཀྱི་བསགས་པ་བགྲང་ཞིང་གཤེགས། །སྐབས་སྦྱོར་རྡོ་རྗེ་བླ་མ་ཡིས། །བླ་མེད་མཆོད་པ་རྒྱུན་དུ་བྱ། །བྲོ་གར་གླུ་ཚིག་སྟབས་ཆེན་གྱིས། །མཆོད་པ་རོལ་མོ་སྣ
265a4 ཚོགས་དབུལ། །རྡོ་རྗེ་ལས་ཀྱི་སྨོན་ལམ་གདབ། །མཆོད་སྐབས་ལས་ཀྱི་མཇུག་ཏུ་བྱ། །རྡོ་རྗེ་ལས་ཀྱི་ལྟ་འཛིན་པས། །དཀར་བྱང་ལས་ཀྱི་ལྟ་བཟུང་སྟེ། །ལགས་མཐའ་དམ་པ་རྣམས་ལ་དབུལ། །ངོ་ཡི་ཉེས་མཐའ་གང་འཛིན་པས། །མཚན་མ
265a5 ནག་པོ་བུད་ཤིང་དག་། ཡེ་ཤེས་མེ་ཡི་ཀློང་དུ་སྲེག་།མེ་སྦྱོར་མེ་ལ་གནས་པའི་ལྷ། །མེ་ཡི་སངས་རྒྱས་འོད་དཔག་མེད། །མེ་ཡི་ལྷ་མོ་གོས་དཀར་མོ། །རྒྱལ་བ་ཀུན་གྱི་འོད་ཡིན་ཏེ། །འབྱུང་བ་མེ་ལ་དབང་བསྒྱུར་ཞིང་། །ཐམས་ཅད་ཀུན་གྱི་དྲོད
265a6 བདག་ཡིན། །སྲིད་གསུམ་སྲེག་པར་ཞལ་གྱིས་འཆེས། །དངོས་པོ་སྲེག་པའི་ཕྲིན་ལས་ནི། །ཐུགས་དམ་དབང་གིས་ཡོང་མི་འདའ། །གང་གི་སྒྲིབ་བསྲེག་དེ་ཉིད་མཁྱེན། །རོ་ཡི་རྣམ་ཤེས་བྱང་མ་བྱང་། །མེ་ལ་མཁས་པས་དེ་བཞིན་རྟག་།མི་སྡུག་ཚུལ
265a7 འབྱུང་སྲེག་སྦྱང་བྱ། །གལ་ཏེ་ལེགས་ན་མེ་དབང་བསྐུར། །ཐལ་བ་སྐུ་གདུང་རིང་བསྲེལ་དང་། །ཕྱག་རྒྱའི་དཀྱིལ་འཁོར་ལ་སོགས་བྱ། །དམ་པ་ཞིག་ན་གདུང་བཏགས་ཏེ། །བླ་མའི་རྟེན་དུ་དབུལ་བར་བྱ། །འདི་ནི་སྦྱོར་བ་ཀུན་གྱི་མཆོག་།དེ་སྐད་སེམས་དཔའ
265a8 མཆོག་དེས་སྨྲས། །གྲོགས་པོ་དག་དེ་དག་ནི་མེའི་བྱ་བས་ཡོངས་སུ་ཤེས་པར་བྱའོ། །རྡོ་རྗེ་གསང་བ་ཆོས་ཀྱི་སྤུན། །མེ་ཡི་བྱ་བ་ལས་བྱུང་བ། །གདུང་ཞེས་གྲགས་པའི་ཤ་རི་རམ། །དཔག་མེད་ཇི་སྲིད་དུས་དག་ནས། །གྲངས་མེད་སྤྲུལ་པའི་རྒྱལ་བ་དག་།
iiif viewer powered by OpenSeadragon
