| e-texts navigator |
| Wylie |
264b1 དེ་དག་ཡོངས་སུ་ཤེས་པར་བྱ། །གལ་ཏེ་མཚན་ལ་མི་སྡུག་ན། །ཡིད་དུ་མི་འོང་རྟགས་ཡིན་པས། །སྲེག་སྦྱང་ཆེན་པོས་རྒྱས་པར་བྱ། །དེ་ནས་ཡིད་འོང་འདོད་འབྱུང་བ། །མེ་ལ་འདོད་པའི་མཚན་མ་རྣམས། །རྣམ་གསུམ་གང་ལྟར་འགྲུབ་པ་བླང་། །
264b2 འདུས་པ་ཆེན་པོ་གཞན་ཡང་གང་། །རོ་ཡི་རྫས་རྣམས་སྲེག་སྦྱང་ན། །རོ་ལ་སྔགས་ཀྱིས་བཏབ་ནས་ཀྱང་། །ཤིན་དུ་དྲི་ཞིམ་སྣ་ཚོགས་ཀྱིས། །རོ་ལ་བྱུག་ཅིང་བཀྲུ་བར་བྱ། །བདུད་རྩི་ཞུན་ཆེན་ཁུ་བ་ཡིས། །རས་ལ་བྱུགས་པས་རོ་དཀྲིས
264b3 པས། །རོ་ཡི་གནས་རྣམས་གང་ཡིན་པར། །སྔགས་ཀྱི་སྦྱོར་བ་ཀུན་བཀོད་ནས། །ཕྱག་རྒྱའི་མཚན་མས་གདབ་པར་བྱ། །རྒྱལ་བའི་དཀྱིལ་འཁོར་བཀོད་པ་གང་། །དེ་ཡིས་མཚན་པའི་ཕྱག་རྒྱ་རྣམས། །གང་དུ་བཀོད་པ་དེ་ཉིད་དུ། །སྙིང
264b4 པོ་གྲངས་ཀྱང་དེ་ལྟར་བྱ། །སྙིང་པོ་དག་ལ་སོ་སོ་ཡི། །མ་ནོར་རྩ་བའི་ཡིག་འབྲུ་དག་།རས་སམ་ཤིང་ལ་བྲིས་ཏེ་དགོད། །རོ་ཡི་སྦྱོར་བ་རྫོགས་པ་དང་། །རོ་ཡི་ཕྱི་རྒྱབ་ཐམས་ཅད་དུ། །ཉོན་མོངས་འཁོར་བ་ཀུན་བཀོད་དེ། །རས་སམ་ཤིང་ཤུན
264b5 གང་དག་ལ། །འཁོར་བའི་ས་བོན་ཐམས་ཅད་དགོད། །ཉོན་མོངས་ལྔ་དང་དུག་གསུམ་བཅས། །སྐྱེ་བཞི་ལས་ལྔ་རྒྱུ་དྲུག་རྣམས། །མིང་དང་གཟུགས་སུ་བྱས་ནས་ནི། །གནས་གནས་དག་ཏུ་དགོད་པར་བྱ། །ས་བོན་འདུ་བྱེད་དངོས་པོ་ལྔ། །གཟུང
264b6 འཛིན་མིང་དུ་བཅས་པ་རྣམས། །བརྡ་ཡི་ཚུལ་དུ་བཀོད་ནས་ནི། །རོ་རྣམས་ཁྱབ་པར་དགོད་པར་བྱ། །དེ་ནས་རོ་ཡི་ཕུང་པོ་དེ། །རྟེན་ནས་གླེགས་མ་སྟེགས་བུ་ཡི། །སྟེང་དུ་མཁས་པས་བཞག་པར་བྱ། །ཐབས་ཀྱི་ཆོ་ག་བྱ་བ་ཡང་། །མཎ་དལ
264b7 འཁོར་ཡུག་རན་ཙམ་ལ། །བརྐོ་དང་ཁ་ཁྱེར་ལུགས་བཞིན་བྱ། །ཕྱག་རྒྱ་བཞུགས་པའི་ཕོ་བྲང་དག་།ཐིག་གིས་ཡུལ་གཅད་སོ་སོར་དབྱེ། །དེ་ཡི་སྟེང་དུ་བསྲེགས་ཤིང་བརྩིག་། །དབྱིབས་ནི་རིགས་བཞིར་གཏམས་པ་ལ། །གྲཝ་ཟུར་ཀ་བས་བརྟན་པར
264b8 བརྟེན། །སུམ་བརྩེག་ཡང་རྟོག་བར་ཁང་བཅས། །ཐ་མ་ཡམ་ཤིང་བརྫངས་པས་གཏམས། །བར་ཁང་དག་གི་གླེགས་བམ་ལ། །རོ་ཡི་བཞིན་ཕྱོགས་རོ་བཞིན་བསྟན། །རོ་ཡི་སྟེང་ཁང་ཡང་ཐོག་ཏུ། །རས་ལ་སོགས་ལ་བྲིས་པ་ཡིས། །ཕྱག་རྒྱའི་དཀྱིལ་འཁོར་གསལ་བར་དགོད། །
iiif viewer powered by OpenSeadragon
