| e-texts navigator |
| Wylie |
264a1 རྣམ་དག་ཧོམ་ཁུང་དུ། །སེམས་ཅན་སྐྱེ་འགྲོ་ཡམ་ཤིང་ལ། །རང་འབྱུང་ཡེ་ཤེས་མེ་འབར་བས། །འཁོར་བའི་བག་ཆགས་བསྲེགས་སྦྱངས་ཐིམ། །ཀུན་གཞི་བྷ་གའི་ཧོམ་ཁུང་དུ། །ཉོན་མོངས་ལྔ་ཡི་ཡམ་ཤིང་ལ། །ཡེ་ཤེས་ལྔ་ཡི
264a2 མེ་བྱུང་བས། །གཟུང་འཛིན་རྟོག་པ་བསྲེགས་སྦྱངས་ཐིམ། །སྣང་སྲིད་ནམ་མཁའི་ཧོམ་ཁུང་དུ། །འབྱུང་བ་བཞི་ཡི་ཡམ་ཤིང་ལ། །ཕྱག་རྒྱ་འབར་བའི་མེ་བྱུང་བས། །སྣང་སྲིད་དངོས་པོ་བསྲེགས་སྦྱངས་ཤིང་། །རྣམ་བཞི་ལས་ཀྱི་ཧོམ་ཁུང་དུ། །
264a3 བཞི་འམ་བཞི་ཡི་ཡམ་ཤིང་ལ། །རིགས་བཞི་འབར་བའི་མེ་བྱུང་བས། །མཆོད་སྦྱིན་དངོས་པོ་བསྲེགས་སྦྱངས་ཐིམ། །འདི་ཡང་སོ་སོའི་ཁྱད་པར་གྱིས། །ཕྱོགས་དང་ཁ་དོག་དབྱིབས་དང་རྫས། །གང་ལྟར་རིགས་པ་དེ་ལྟར་སྦྱར། །ཤར་ལྷོ་ནུབ་བྱང་དཀར
264a4 སེར་དམར། །མཐིང་ག་ནག་པོ་ཐལ་མདོག་སྦྱར། །ཟླུམ་པོ་པད་མ་ལེའུ་ཚེ་བཞི། །འཁོར་ལོ་གྲུ་བཞི་ཟུར་བརྒྱད་རྒྱས། །ཟླ་གམ་གྲུ་ཆད་གཞུ་དབྱིབས་དབང་། །གྲུ་གསུམ་བྷ་གའི་མཁའ་མངོན་སྤྱོད། །གསུམ་བརྩེག་མདངས་དང་རི་མོར་མཛེས། །
264a5 ལས་ཀྱི་ཡམ་ཤིང་རྫས་ཀྱིས་བརྒྱན། །ཡེ་ཤེས་རྡོ་རྗེ་ལས་རྒྱུད་ལྡན། །བླ་མ་གསུམ་གྱི་ཐབས་མཆོག་སྦྱར། །དག་པའི་མཐའ་མཉེས་མཆོག་འཛིན་པ། །རྡོ་རྗེ་གསང་བའི་གླུ་བྲོ་གར། །མཆོད་པ་ངེས་པའི་འབྱོར་ཚོགས་སྦྱར། །རྡོ་རྗེ་ལས་ཀྱི་བྱིན་བརླབས
264a6 སྦྱོར། །གསང་བ་ལས་ཀྱི་རྒྱུད་ལྡན་པས། །བཤར་བཏབ་ཞི་བའི་ལྷ་རྒྱུད་དང་། །རྒྱས་དང་དབང་བཤད་རྒྱུད་བཤད་པས། །ལྷ་དང་སྔགས་དང་ཕྱག་རྒྱ་དང་། །དེ་བཞིན་གླུ་ཡི་རྒྱུད་འབྱོར་བྱ། །རིགས་ཀྱི་རིགས་རྒྱུད་ལྔ་རྣམས་ནི། །སོ་སོ་རིགས་སུ་བཤེར་བཏབ
264a7 སྟེ། །ཀློང་ཡངས་འཁྱིལ་བའི་ཧོམ་ཁུང་དུ། །དམ་རྫས་བདུད་རྩི་འབར་བ་ཡིས། །སྦྱང་དང་ཐོབ་ཕྱིར་སྲེག་བྱར་འོས། །དཔག་མེད་རྒྱལ་བ་རྒྱ་མཚོའི་ཚོགས། །ཚ་བ་སྔགས་པའི་ཡོན་ཏན་དག་།རྡོ་རྗེ་གླུ་ཡིས་བརྗོད་ནས་ཀྱང་། །མཉེས་པར་བྱ་བའི་ཐབས
264a8 ཆེན་བརྩམ། །མཉེས་པའི་ལས་རྣམས་རྫོགས་པ་དང་། །གང་ཡང་མ་བྱང་དོན་ཆེན་རྣམས། །གྲུབ་དང་མ་གྲུབ་དེ་རྣམས་དག་།མེ་ལ་མཁས་པས་བརྟག་པར་བྱ། །མེ་སྒྲ་གཉིས་དང་ཁ་དོག་གཉིས། །འབར་ཚུལ་གཉིས་དང་དབྱིབས་རྣམས་དྲུག་།
iiif viewer powered by OpenSeadragon
