| e-texts navigator |
| Wylie |
263b1 ཆོས་ཐམས་ཅད་མེའི་རང་བཞིན་དུ་སྣང་བར་མཐོང་སྟེ། །ཤིན་དུ་ངམ་ནས་ངོ་མཚར་དུ་བསྟོད་པ། །ེ་མའོ་སེམས་དཔའ་སེམས་དཔའ་ཆེ། །ཆེ་བའི་ཆེ་བ་བྱིན་བརླབས་ཆེ། །ཏིང་འཛིན་ཆེན་པོ་སྣང་བ་ཆེ། །ཆོ་འཕྲུལ་ཆེན་པོ་སྣ
263b2 ཚོགས་ཆེ། །ཐབས་མཆོག་དཔག་གིས་མི་ལང་སྟེ། །ཆོས་ཀུན་མེ་དཔུང་འབར་བར་སྣང་། །དེ་ཉིད་ཡེ་ཤེས་གསལ་བའི་ཀློང་། །འབར་འཕྲོ་གསལ་བར་གྱུར་པ་ནི། །མུན་གསལ་དངོས་པོ་ཐམས་ཅད་བསྲེགས། །བདེ་ཆེན་དབྱིངས་སུ
263b3 ཀུན་རྫོགས་པར། །དཔའ་བོ་ཁྱོད་ཀྱིས་མཛད་པ་ལགས། །འབར་བ་ཆེན་པོ་ཨ་ལ་ལ། །གཟི་བརྗིད་ཟེར་འཕྲོ་ཨ་ལ་ལ། །མཐའ་ཡས་ཀུན་སྡུད་ཨ་ལ་ལ། །ཐམས་ཅད་སྲེག་བྱེད་ཨ་ལ་ལ། །ཟ་བྱེད་ཆེན་པོ་ཨ་ལ་ལ། །མཐའ་དང་དབུས
263b4 མེད་ཨ་ལ་ལ། །ཐུགས་རྗེ་བདེ་མཆོག་ཨ་ལ་ལ། །དབང་ཕྱུག་འཇིགས་བྱེད་ཨ་ལ་ལ། །གསང་མཆོག་རྨད་འབྱུང་བྱིན་བརླབས་ཀྱིས། །མེ་ཡི་རང་བཞིན་ཆེན་པོ་དག་།བདག་ཅག་རྣམས་ལ་བཤད་དུ་གསོལ། །དེ་སྐད་འདུས་པའི་གསོལ
263b5 པ་ལས། །དེ་ཉིད་དགྱེས་པས་འདི་སྐད་དུ། །འདུས་པ་ཆེན་པོའི་རྣལ་འབྱོར་པ། །རྡོ་རྗེ་མེ་ཡི་རང་བཞིན་དག་།ངེས་པར་བཤད་ཀྱིས་གུས་པར་ཉོན། །ཁྱད་པར་བླ་མའི་ལམ་མཆོག་འདིས། །རྣལ་འབྱོར་ཐབས་སུ་བདེ་སྦྱར་བས། །རྒྱལ་བ་ཀུན
263b6 མཉེས་ཀུན་བསྲེགས་སྦྱངས། །དོན་གྲུབ་ལས་ཀྱི་མཆོག་ཏུ་སྦྱངས། །ཇི་བཞིན་པའི་ཧོམ་ཁུང་དུ། །ཇི་སྙེད་པ་ཡི་ཡམ་ཤིང་ལ། །དེ་བཞིན་ཉིད་ཀྱི་མེ་བྱུང་བས། །ཐམས་ཅད་ཐམས་ཅད་བསྲེགས་སྦྱངས་ཐིམ། །སྐྱེ་མེད་རྣམ་དག
263b7 ཧོམ་ཁུང་དུ། །སྐྱེ་བ་རྣམ་བཞིའི་ཡམ་ཤིང་ལ། །མ་སྐྱེས་སྤྲོས་བྲལ་མེ་བྱུང་བས། །མཚན་མའི་བག་ཆགས་བསྲེགས་སྦྱངས་ཐིམ། །བསམ་དུ་མེད་པའི་ཧོམ་ཁུང་དུ། །བསམ་གྱིས་མི་ཁྱབ་ཡམས་ཤིང་ལ། །འོད་དཔག་མེད་པའི་མེ
263b8 བྱུང་བས། །མཐའ་ཡས་རྡུལ་སྙེད་བསྲེགས་སྦྱངས་ཐིམ། །ཆོས་ཉིད་རྣམ་དག་ཧོམ་ཁུང་དུ། །ཆོས་ཅན་སྣ་ཚོགས་ཡམ་ཤིང་ལ། །སྟོང་ཉིད་ཡེ་ཤེས་མེ་འབར་བས། །དངོས་པོའི་བག་ཆགས་བསྲེགས་སྦྱངས་ཐིམ། །སེམས་ཉིད
iiif viewer powered by OpenSeadragon
