| e-texts navigator |
| Wylie |
263a1 མཛེས་བྱས་ལ། །སྲད་བུ་བརྒྱད་དང་ལྡན་བྱས་ཏེ། །བསྡུ་བའི་བྱ་བས་མཛེས་བྱས་པ། །དེ་ནས་སྲད་བུ་གཅིག་གིས་བསྐོར། །དཀྱིལ་འཁོར་ཚུལ་དུ་གྱུར་པ་དང་། །ནང་དུ་ལྷམ་བུ་སྲད་བུ་བརྒྱད། །ལེའུ་ཚེ་ལྡན་པ་དགུར་འགྱུར་ཏེ། །མཐའ་ཟད
263a2 སུམ་ཆར་བྱས་པ་ལ། །ཀུན་གྱི་ནང་དུ་སྲད་བུ་གསུམ། །ཕྲ་མོ་དག་གིས་མཛེས་པར་བརྒྱན། །དགུ་ཡི་ཆར་ནི་བགོས་པ་ལ། །སྒོ་དང་སྒོ་ཁྱུད་སུམ་ཆ་བྱ། །ཀ་བ་བརྒྱད་ཀྱིས་མཛེས་བྱས་ལ། །རིན་ཆེན་ཀ་བའི་ནང་ལོགས་སུ། །སངས་རྒྱས་ཕོ་བྲང་དབུ
263a3 རྩེར་བྱ། །བསྡུ་བ་ཚད་མེད་རྣམ་ཐར་སྒོ། །རིམ་པ་གསུམ་གྱིས་མཛེས་པ་ལ། །རྟ་བབས་ཐེམ་སྐས་ཀྱིས་ཀྱང་བརྒྱན། །དབུས་ཀྱི་ཕོ་བྲང་ལེའུ་ཚེ་འམ། །འཁོར་ལོ་དཔལ་བེའུ་པད་མ་དང་། །རིན་ཆེན་ཟུར་བརྒྱད་ལ་སོགས་པ། །ཇི་ལྟར་རིགས་པ་དེ་བཞིན
263a4 བྲི། །རྒྱན་ནི་རིན་ཆེན་སྣ་ཚོགས་དང་། །པཉྩ་ར་ཀ་ཏ་ར་ན། །ཕྲེང་བ་དང་ནི་དྲ་བས་བརྒྱན། །ཟ་ར་ཚགས་དང་ཆུན་འཕྱང་དང་། །དྲིལ་བུ་གཡེར་ཀ་ཐེའུ་ཆུང་འཕྱང་། །རོལ་མོ་སྒྲ་སྒྲོགས་ལྷ་ཡི་བུ། །མང་པོས་ཕྱི་ནང་ནམ་མཁའ་ལས། །མཆོད་པ་སྣ་ཚོགས་འབུལ
263a5 བ་བྲི། །ཐེག་ཆེན་གདུང་བཞིས་རབ་བརྒྱན་ཏེ། །རིན་ཆེན་ཁ་བད་མཆོད་རྟེན་དང་། །རྒྱལ་མཚན་རིན་ཆེན་འོད་འབར་བས། །གཞལ་ཡས་མཛེས་པར་བརྒྱན་པ་ནི། །ཆོས་ཀྱི་ཕོ་བྲང་ཅི་འདྲ་བར། །དེ་འདྲ་དེ་ཉིད་མཚོན་པར་བྲི། །གཞལ་ཡས་ཁང་དུ་གང
263a6 རྒྱུར་པ། །ཀུན་གྱིས་མཛེས་དང་ལེགས་པར་བརྒྱན། །མཆོད་པ་བླ་ན་ཡོད་མེད་ཀུན། །ཇི་ལྟར་འབྱོར་ལྟར་ནན་ཏན་དབུལ། །རྒྱལ་སྲིད་ལོངས་སྤྱོད་བཅས་པ་དང་། །གླུ་བྲོ་གར་དང་རོལ་མོར་བཅས། །དུག་འཇོམས་སྨན་དང་བདུད་རྩི་རྣམས། །
263a7 རྒྱལ་བ་རྒྱ་མཚོ་སྙེད་ལ་དབུལ། །མཉམ་པ་ཉིད་ཀྱི་མཆོད་སྦྱར་བས། །རྒྱུད་བྱང་ཐམས་ཅད་མཉམ་པར་འགྱུར། །དེ་སྐད་སྨྲས་པས་འདུས་པ་ཀུན། །ཐམས་ཅད་རྒྱུད་བྱང་རྣམ་གྲོལ་རིག་།གྲོགས་པོ་དག་དེ་དག་ནི་བཀོད་པའི་བྱ་བས་ཡོངས་སུ
263a8 སྦྱང་བར་ཤེས་པར་བྱའོ། །གྲོགས་པོ་དག་འདི་ལ་མེའི་བྱ་བས་ཡོངས་སུ་སྦྱང་བ་གང་ཞེ་ན། འདི་ལྟ་སྟེ། ཆོས་ཐམས་ཅད་ཆོས་ཉིད་དུ་སྦྱང་བའི་ཕྱིར་དངོས་པོ་ཐམས་ཅད་མེའི་རང་བཞིན་དུ་བྱིན་གྱིས་བརླབས་པས་འདུས་པའི་ཚོགས་ཐམས་ཅད་ཀྱིས
iiif viewer powered by OpenSeadragon
