| e-texts navigator |
| Wylie |
262b1 རང་བཞིན་ཏིང་འཛིན་གཟུགས་བརྙན་དུ། །སྣང་བར་ངེས་པར་མཐོང་ལགས་སོ། །དེ་སྐད་གསོལ་བས་དེས་གསུངས་པ། །གང་འདིར་འདུས་པའི་ཚོགས་མང་ཀུན། །ཇི་ལྟར་མཐོང་བ་དེ་ལྟར་ཡིན། །ཡེ་ནས་མ་བཅོས་ཇི་བཞིན་ཉིད། །
262b2 རང་བཞིན་དཀྱིལ་འཁོར་དེ་ཁོ་ན། །དགོངས་པ་དམ་པ་ལྷུན་གྲུབ་པ། །ཏིང་འཛིན་དཀྱིལ་འཁོར་དམ་པ་ཉིད། །དེ་དག་རྩ་བ་སེམས་ཉིད་པས། །སེམས་ཅན་གཟུགས་བརྙན་དཀྱིལ་འཁོར་གསལ། །རང་བཞིན་ཏིང་འཛིན་དཀྱིལ་འཁོར་དུ། །
262b3 ཐམས་ཅད་ཡེ་ནས་ཞུགས་བཀོད་རྫོགས། །དེ་ལས་ཁྱད་པར་སྐལ་ལྡན་མི། །སྤྱོད་ཡུལ་གྱུར་པ་གཟུགས་བརྙན་ཏེ། །རས་འཇམ་ཁོད་སྙོམས་བཟང་ལ་སོགས། །ཁ་དོག་ལྔ་འམ་ཉི་ཤུ་ལྔས། །མ་མཐོང་རྨོངས་ལ་བསྟན་ཕྱིར་མཚོན། །མ
262b4 ཉམས་མཚན་མས་དེ་རངས་འགྱུར། །བསྟན་ཞིང་ངེས་འཇམ་ཁང་བུ་ལ། །ཁ་དོག་འབར་བར་གཟུགས་མཚོན་ཏེ། །ཕྱག་རྒྱ་མ་ཉམས་མཛེས་ལྡན་ན། །མཚན་མའི་ཆོ་འཕྲུལ་སྟོན་པར་ནུས། །གསེར་དངུལ་ཟངས་ལྕགས་ལ་སོགས་པ། །
262b5 གང་བླུགས་རྒྱལ་བའི་སྐུ་བྱས་ཏེ། །ཕྱག་རྒྱ་མ་ཉམས་དང་ལྡན་ན། །དེ་ཡང་མཚན་མའི་རྟེན་དུ་འགྱུར། །ཤེལ་རྡོ་དུང་ལ་སོགས་པ་ལ། །འབུར་ལས་རྒྱལ་བའི་སྐུ་བྱས་ན། །དེ་བཞིན་མ་ཉམས་རྒྱས་མཛད་ན། །མཚན་མ་འབྱུང་བའི་རྟེན་དུ་འགྱུར། །བླགས
262b6 ཤ་བྱང་ཆུབ་ཤིང་སོགས་ལ། །མཁས་པས་བཟོར་བཞོགས་གཟུགས་བརྙན་གྱིས། །ཕྱག་རྒྱ་མ་ཉམས་ཀུན་རྫོགས་ན། །འདི་ཡང་མཚན་མའི་རྟེན་དུ་འགྱུར། །ས་ལ་སོགས་ལ་ཕྱག་རྒྱ་བྱས། །ཁ་དོག་མཛེས་དང་ལྡན་བྱས་ལ། །མཚན་མ་འབྱུང
262b7 བའི་རྟེན་ཡིན་ཏེ། །མཚན་མས་མཚན་མ་གྲོལ་རིག་པ། །གང་དག་ས་ལས་རྒྱལ་བའི་དབྱིབས། །ཀུན་དུ་ལྷམ་པར་བྱས་པ་ལ། །ཚོན་རྩི་ལྔ་ཡིས་མཛེས་བཀོད་ན། །རྣམ་གྲོལ་རིག་པའི་རྟེན་དུ་འགྱུར། །གང་གི་གཟུགས་བརྙན་གང་ཡིན་དང་། །
262b8 དེ་ཡི་རང་བཞིན་གཅིག་པས་ན། །འདི་ལ་ཁྱད་པར་ཅུང་ཟད་མེད། །འདི་ཡིས་རྣམ་གྲོལ་རིག་པར་འགྱུར། །བདེ་གཤེགས་ཕོ་བྲང་གང་ཡང་རུང་། །དཀྱིལ་འཁོར་ཚུལ་དུ་གང་བྱེད་པ། །ཡིད་འོང་མཚན་ལྡན་དབེན་ཕྱོགས་སུ། །ཀུན་ནས་ལྷམ་པར
iiif viewer powered by OpenSeadragon
