| e-texts navigator |
| Wylie |
262a1 རྡོ་རྗེ་སྒོ་དང་བཅས་པར་ནི། །རྡོ་རྗེ་འཁྲིལ་འཁྱུད་གསང་བའི་ཚོགས། །རྣལ་འབྱོར་ལོངས་སྤྱོད་ཆེར་སྦྱར་བས། །མཉེས་ནས་སྦྱར་ཕྱིར་རིམ་བཞིན་དབུལ། །གསང་བའི་འཇུག་ཚུལ་ལ་སོགས་ཀྱིས། །གསང་བའི་དོན
262a2 རྣམས་བསྒྲུབ་པར་བྱ། །འཇུག་སྒོ་སྤྱོད་དང་ལྟ་བ་འཐུན། །ཐམས་ཅད་གཅིག་པར་གྱུར་པ་ཡི། །རྒྱུ་དང་རྐྱེན་ལྡན་ཕུན་སུམ་ཚོགས། །མཛའ་འཕྲོད་རྐྱེན་དང་དགྱེས་སྦྱོར་ལྡན། །ལྷ་དང་རིག་འཛིན་རྣལ་འབྱོར་རིལ། །མ་ལུས་ཚོགས
262a3 པས་ཆོས་འདི་སྤྱད། །སྐད་ཅིག་ཡུད་ཙམ་ཐང་ཅིག་གམ། །ཡུད་ཙམ་ཉིན་ཅིག་ཟླ་རེ་འམ། །ལོ་ཡི་ཉི་མ་བཀྲ་ཤིས་ཀྱི། །དུས་ལ་བབ་པའི་དུས་ཆེན་དག་།བྱིན་གྱིས་བརླབས་པའི་དུས་ཆེན་ཡིན། །ཇི་ལྟར་འབྱོར་པའི་ཡོ་བྱད་རྣམས། །དག་དང
262a4 མ་དག་ཁྱད་པར་གྱིས། །གཙང་མ་ཁ་ཟས་ལ་སོགས་དང་། །རྣམ་རྟོག་ནད་འཇོམས་བདུད་རྩི་རྣམས། །རྒྱལ་བའི་ཚོགས་དང་འབྱུང་པོ་ལ། །ཇི་ལྟར་འབྱོར་ལྡན་ནན་ཏན་བྱ། །བདག་དང་གཞན་དང་གཉིས་ཀ་དང་། །ཆོས་ཀྱི་དོན་དུ་མི་འགྱུར་བའི། །
262a5 སྐྱོན་བཞི་སྤངས་ཏེ་བཟློག་ཚུལ་སྦྱར། །རྣལ་འབྱོར་སྙིང་དང་མིག་ལྟ་བུར། །གདུང་བའི་འདུ་ཤེས་ཉེར་གཞག་སྟེ། །ཇི་བཞིན་འདོད་ལྟར་བདེ་བར་སྦྱར། །ལྷ་རྣམས་མཉེས་པར་བྱ་བ་དང་། །བགེགས་རྣམས་ཞི་བར་བྱ་བ་དང་། །དོན་གྲུབ
262a6 ཤི་བ་གསོ་བའི་ཕྱིར། །ལས་འདི་སྤྱད་པར་ཤིན་དུ་གཅེས། །འདི་དག་བློ་ཆུང་གསར་ཞུགས་པའི། །མདུན་དུ་བརྗོད་པར་བྱ་བའི་རིགས། །རྫས་དང་ཡོ་བྱད་ཐམས་ཅད་ཀྱང་། །ཅིས་འདུལ་དེ་ལྟར་རྩལ་དང་སྦྱར། །དེས་ན་ལས་འདི་ཁྱད་པར་ཡང་། །
262a7 ཚོགས་ལ་ཚོགས་བསྐྱེད་སྒྲིབ་སྦྱངས་ཏེ། །བསྙེན་པ་དག་ལ་གོམས་བྱས་ནས། །བསྒྲུབས་པས་འབྲས་བུ་མཐར་ཕྱིན་པའོ། །དེ་སྐད་སེམས་དཔའ་རྡོ་རྗེ་དེས། །འདུས་པ་ཕལ་མོ་ཆེ་ལ་བཤད། །འདུས་པ་ཀུན་གྱི་དོན་མཐོང་བ། །རྡོ་རྗེ་འཛིན
262a8 པ་དེ་ལ་གསོལ། །སེམས་དཔའ་ཆེན་པོ་བདག་ཅག་གིས། །ཆོས་རྣམས་ཀུན་གྱི་རང་བཞིན་ནི། །ཐབས་ཉིད་ཤེས་རབ་ཉིད་བཀོད་དང་། །ཀུན་ནས་མཉམ་དང་བཅུ་དྲུག་ཆ། །ཡི་གེ་ཚོགས་དང་འབྱུང་བའི་དབྱིངས། །གཉིས་མེད་དྲ་བར་འབྲེལ་ལ་སོགས། །
iiif viewer powered by OpenSeadragon
