| e-texts navigator |
| Wylie |
260a1 བྱ་བས་སྦྱང་བའོ། །དེ་ལ་བཀོད་པའི་བྱ་བས་སྦྱང་བ་གང་ཞེ་ན། བརྩམ་པ་ལས་ཀྱི་དང་པོ་དང་། །དམ་པའི་དོན་ལ་འཇུག་པ་ན། །ཐབས་མཆོག་ལྔས་ནི་སྤྱད་པར་བྱ། །རྡོ་རྗེ་དུས་ཚིགས་བསྙེན་པ་དང་། །གང་འདིར་ཉེ་བར
260a2 བསྒྲུབ་པ་དང་། །བསྒྲུབ་པོ་ཆེན་པོས་སྦྱོར་བ་ལ། །གྲངས་དུས་མཚན་མར་བཅས་པར་བྱ། །རྣལ་འབྱོར་བཅད་པའི་བཀའ་སྒོ་འདིར། །གསང་གོ་མི་དབྱེ་སྐྲག་པར་འགྱུར། །ཅི་ཕྱིར་དང་པོ་ཡིན་པས་ན། །བྱིས་པ་བློ་ཤེད་མ་བྱེ་བ། །
260a3 མ་ངེས་ལྡོག་འཇུག་བཅས་པ་ཡིས། །ཐེག་ཆེན་དོན་ལས་གོལ་བར་འགྱུར། །གནས་འདིར་འཇུག་པའི་བྱིས་པ་དག་།འཇིག་རྟེན་དྲུག་ལས་དྲངས་ནས་ཀྱང་། །འགྱུར་དབང་མ་ངེས་སར་བཞག་སྟེ། །ཇི་ལྟར་འཚམ་པར་བདེ
260a4 ཐབས་སྦྱར། །རྡོ་རྗེ་ཐབས་ཆེན་ཚོམ་བུ་ལྔ། །རྡོ་རྗེ་འཛིན་ཚོགས་བཅུ་དྲུག་ལྡན། །དབྱིངས་ཀྱི་དཀྱིལ་འཁོར་རྡོ་རྗེ་ཅན། །བྲི་བྱ་ཡང་ན་བསམ་པ་འམ། །བརྗོད་དམ་དངོས་སམ་མཚན་མ་ལ། །འཇིག་རྟེན་དབང་པོ་ཆོས་ལུགས་ཀྱིས། །
260a5 མོས་པ་ལ་བསྐྱེད་དྲན་བྱས་ཏེ། །རང་བཞིན་ཡུལ་ལས་ཕན་ནས་ནི། །ཕྱག་བྱ་ལ་སོགས་མཆོད་ན་ནི། །རྡོ་རྗེ་དམན་དང་རྩིར་སྦྱར་བ། །ཡོ་བྱད་ཆེན་པོ་ལ་སོགས་པས། །རྡོ་རྗེ་ཐབས་ཀྱི་ཚོགས་ལ་དབུལ། །རྡོ་རྗེ་རྣལ་འབྱོར་གླུ
260a6 བླངས་ཏེ། །མཉེས་བྱས་ལས་གྲུབ་གྲངས་རྫོགས་ནས། །མཉེས་ནས་རྒྱུད་སྦྱངས་འདོད་པར་བྱ། །སྣོད་དུ་རུང་བའི་སློབ་མ་དག་།དབང་མཁྱེན་ལ་སོགས་བྱ་བ་ཡིས། །འཇུག་ཚུལ་དབང་དང་དངོས་གྲུབ་སྩོལ། །རྡོ་རྗེ་ཐ་ཚིགས
260a7 རྣམ་ལྔ་ཡིས། །བསླབ་པའི་གཉེར་རྣམས་ཅི་རིགས་པར། །རྩལ་གྱི་རྣམ་པར་བྱིན་ནས་ཀྱང་། །རྡོ་རྗེ་གལ་ཆེན་མནའ་བོར་རོ། །དེ་ནས་སྒྲུབ་པ་ཆེ་ཆུང་རྣམས། །ཇི་ལྟར་འདོད་པ་ནན་ཏན་གྱིས། །རྡོ་རྗེ་རྣལ་འབྱོར་དཀའ་བྱའོ། །མི་ནུས
260a8 ལ་སོགས་མི་སྣང་བའི། །རྡོ་རྗེའི་ཚིག་གིས་ནན་ཆགས་བྱ། །རྨོངས་པ་གང་ཕྱིར་སེམས་བསྐྱེད་དེ། །ངོ་མཚར་ཚིག་གི་འདུ་ཤེས་བསྒྱུར། །ཤེས་རབ་མིག་ཅན་ཤེས་བྱའི་ཡུལ། །ཐམས་ཅད་རིམ་བཞིན་བསྟན་པར་བྱ། །དྲོད་ཅན་བློ་དཀྱིལ་ཆེ
iiif viewer powered by OpenSeadragon
