| e-texts navigator |
| Wylie |
258b1 ལུམས་རང་བཤད་པས། །རབ་འབྱམས་བསྟན་པ་ཀུན་ལ་ཡང་། །དམ་པ་མཐོང་བར་མི་འགྱུར་རོ། །ཇི་ལྟར་རྒྱལ་རིགས་རྒྱུད་བྱུང་བ། །མང་པོས་དབང་པོར་དཔོན་སྟབས་ཏེ། །འཁོར་ལོ་ལ་སོགས་རིན་ཆེན་གྱིས། །ཀུན་ལ་དབང་སྒྱུར་ཐོབ་པ་ལྟར། །
258b2 དེ་བཞིན་རྣལ་འབྱོར་རྒྱུད་བྱུང་བ། །ཆོས་ཀྱི་རྒྱལ་པོར་དབང་བསྟབས་ཏེ། །ཏོག་སྟོང་འབར་བ་ལ་སོགས་པས། །ཁྱད་པར་བླ་མ་དམ་པར་འགྲོ། །འདི་ནི་བླ་མའི་ཁྱད་པར་ཏེ། །རྒྱལ་སར་ངེས་པར་འབྱུང་བ་ཡི། །རྩལ་གྱིས་བགྲོད་ཅིང་བསླབ་པའི
258b3 ཐབས། །གོམས་པར་བྱ་བ་རབ་ཏུ་གཅེས། །ཀྱེ་གྲོགས་པོ་དག་དེ་དག་ནི་ཐམས་ཅད་འདུ་བར་བྱ་བ་ཡོངས་སུ་བགྲོས་པར་ཤེས་པར་བྱའོ། །དེ་སྐད་ཅེས་སྨྲས་པས། དམན་པ་དམ་པ་དག་ལུང་དམ་པ་བསྟན་པའི་དྲོད་ཐོབ་པར་གྱུར་ཏོ། །སངས
258b4 རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྣལ་འབྱོར་དམ་པ་ལུང་བསྟན་པའི་ལེའུ་སྟེ་བདུན་བཅུ་པའོ། ། །། དེ་ནས་ཡང་གསང་བ་པའི་བདག་པོ་དེས་དམན་པའི་ལུས་ཀྱི་སེམས་དཔའ་རྣམས་ལ་སྨྲས་པ། ཀྱེ་གྲོགས་པོ་དག
258b5 ལ་དོར་བར་བྱ་བ་ནི་འདི་ལྟ་སྟེ། གང་གོ་ཆ་གྱོན་པའི་རྗེས་སུ་མ་ལྡོག་པར་འགྲོ་བ་སྟེ། འདི་ལྟར་ཇི་བཞིན་པའི་རྗེས་སུ་ཇི་སྙེད་པ་འགྲོ་བ། ནམ་མཁའི་རྗེས་སུ་འབྱུང་བ་འགྲོ་བ་བཞིན་སེམས་ཉིད་ཀྱི་རྗེས་སུ་སེམས་ལས་བྱུང་བ་འགྲོ་བ
258b6 ཡིན། ཆོས་ཉིད་ཀྱི་རྗེས་སུ་ཆོས་ཐམས་ཅད་འགྲོ་བ་ཡིན། དེ་བཞིན་དུ་དགོངས་པ་དམ་པའི་རྗེས་སུ་གང་གསུང་བ་དང་། གང་མཛད་པ་ཐམས་ཅད་འགྲོ་བས་ན། དགོངས་པ་ཀུན་ནས་འདུས་པ་ཇི་ལྟར་བཤད་པ་བཞིན་དུ་གང་དུ་སྤྱོད་པ་དེ་ལྟར་རོ། །
258b7 ཀྱེ་གྲོགས་པོ་དག་དེ་ཡང་འདི་ལྟ་སྟེ། མཉམ་དང་མི་མཉམ་མི་མཉམ་མཉམ། །ཀུན་ནས་མི་མཉམ་ཡོངས་མི་མཉམ། །གསང་སྔགས་སྤྱོད་པའི་ཁྱད་པར་ཡང་། །གང་དང་དོན་གྱི་མཉམ་པར་སྤྱད། །བྱིན་གྱི་བརླབས་ཀྱིས་སྤྱོད་པ་འམ། །དབང་སྒྱུར་ཐབས
258b8 ཀྱི་སྤྱོད་པ་སྟེ། །དཔེར་ན་ནམ་མཁའ་རྒྱལ་པོ་འམ། །ཇི་ལྟར་མེ་དཔུང་ཆུ་བོ་འདྲ། །དེ་ཡང་དེ་ཡུལ་ཆེ་ཆུང་གིས། །ཁྱད་པར་ཉིད་ཀྱིས་བརླབས་པ་ཡིན། །རྒྱལ་པོ་དེ་ཡང་ཁྱད་པར་གྱིས། །དབང་བསྒྱུར་བྱ་བའི་ཁམས་རྣམས་ལ། །ཆེ་ཆུང་རིམ་པ་ཡོད་པ
iiif viewer powered by OpenSeadragon
