| e-texts navigator |
| Wylie |
257a1 བསམ་གྱིས་མི་ཁྱབ་པའི་རྣམ་པ་ལ་མཁས་པར་འགྱུར་རོ། །བསམ་གྱིས་མི་ཁྱབ་པ་ལ་མཁས་ན་རྣམ་པ་ཐམས་ཅད་མཁྱེན་པ་ཡིན་ཏེ། དེ་ནི་དགོངས་པ་ཀུན་ནས་འདུས་པ་ཉིད་དུ་ཤེས་པར་བྱའོ། །གྲོགས་པོ་དག་དེ་བས་ན་བསམ
257a2 གྱིས་མི་ཁྱབ་པའི་ཆོས་ཐམས་ཅད་ཀྱི་རྣམ་པ་ནི་རྣལ་འབྱོར་པ་རྣམ་པ་གསུམ་གྱིས་ཡོངས་སུ་འགྲེལ་བ་སྟེ། གསུམ་གང་ཞེ་ན། བྱ་བའི་རྣལ་འབྱོར་དང་། བྱ་བ་བྱེད་པའི་རྣལ་འབྱོར་དང་། བྱ་བ་མེད་པའི་རྣལ་འབྱོར་རོ། །གྲོགས་པོ་དག་བྱ་བའི་རྣལ
257a3 འབྱོར་ཡང་གསུམ་དུ་ཤེས་པར་བྱ་སྟེ། གསུམ་གང་ཞེ་ན། ཕྱིའི་རྣལ་འབྱོར་དང་། ནང་གི་རྣལ་འབྱོར་དང་། ཕྱི་ནང་གི་རྣལ་འབྱོར་རོ། །གྲོགས་པོ་དག་དེ་ལ་ཕྱིའི་རྣལ་འབྱོར་གང་ཞེ་ན། འདི་ལྟ་སྟེ། ས་རྡོ་རྗེ་ཞེས་བྱ་བའི་རྣལ་འབྱོར་ཆེན་པོ་དང་། དེ་བཞིན
257a4 དུ་ཆུ་རྡོ་རྗེ་དང་། མེ་རྡོ་རྗེ་དང་། རླུང་རྡོ་རྗེ་དང་། ནམ་མཁའ་རྡོ་རྗེ་དང་། གཟུགས་རྡོ་རྗེ་དང་། སྒྲ་དང་། དྲི་དང་། རོ་དང་། རེག་དང་། ཆོས་རྡོ་རྗེ་ཞེས་བྱ་བའི་རྣལ་འབྱོར་ཆེན་པོ་རྣམས་དགོངས་པ་དམ་པ་དེ་ཁོ་ན་ཉིད་དུ་མཐར་ཕྱིན་ཅིང་ཕུལ་དུ་གྱུར་པའོ། །གྲོགས
257a5 པོ་དག་ནང་གི་རྣལ་འབྱོར་ནི་འདི་ལྟ་སྟེ། སེམས་རྡོ་རྗེ་ཞེས་བྱ་བའི་རྣལ་འབྱོར་ཆེན་པོ་དང་། དེ་བཞིན་དུ་རྟོག་པ་དང་། དཔྱོད་པ་ལ་སོགས་པ་གང་ཟིན་པའི་རྡོ་རྗེ་ཞེས་བྱ་བའི་རྣལ་འབྱོར་རྣམས་དགོངས་པ་དམ་པ་དེ་ཁོ་ན་ཉིད་དུ་མཐར་ཕྱིན་ཅིང
257a6 ཕུལ་དུ་གྱུར་པའོ། །གྲོགས་པོ་དག་ཕྱི་ནང་གི་རྣལ་འབྱོར་གང་ཞེ་ན། འདི་ལྟ་སྟེ། ཐམས་ཅད་དང་། དཀར་པོ་དང་། ནག་པོ་དང་། ངེས་པ་དང་། མ་ངེས་པ་དང་། དམན་པ་དང་། དམ་པ་དང་། འབྱུང་བ་དང་། མི་འབྱུང་བ་དང་། བྱས་པ་དང་། མ་བྱས་པ་དང་། བཅས་པ་དང་།
257a7 མ་བཅས་པ་དང་། སྤྱི་ཐུན་དང་། ཁྱད་པར་གྱི་རྣམ་པ་རྣམས་དགོངས་པ་དམ་པ་དེ་ཁོ་ན་ཉིད་དུ་མཐར་ཕྱིན་ཅིང་ཕུལ་དུ་གྱུར་པའོ། །གྲོགས་པོ་དག་དེ་དག་ནི་བྱ་བའི་རྣལ་འབྱོར་དུ་ཤེས་པར་བྱའོ། །བྱ་བ་བྱེད་པའི་རྣལ་འབྱོར་གང་ཞེ་ན། འདི་ལྟ་སྟེ།
257a8 རྟེན་པ་དང་། སྤྱོད་པ་དང་། མིག་དང་། ཁྱད་པར་དང་། མི་འགྱུར་བ་དང་། རྩལ་གྱིས་གནོན་པ་དང་། ཀུན་ནས་རིག་པའོ། །གྲོགས་པོ་དག་དེ་དག་ཀྱང་དགོངས་པ་དམ་པ་དེ་ཁོ་ན་ཉིད་དུ་མཐར་ཕྱིན་ཅིང་ཕུལ་དུ་གྱུར་པའོ། །གྲོགས་པོ་དག་གཞན་ཡང
iiif viewer powered by OpenSeadragon
