| e-texts navigator |
| Wylie |
254a1 ཁུ་ལྗོ་སྨྱོན་པ་ཀུན་ཏུ་རྒྱུའི། །སྤྱོད་པ་དམ་པའི་ཡུལ་དུ་མིན། །སྣང་བའི་ལུང་ལ་གང་འབྱུང་སྤྱོད། །ཇི་ལྟར་སྤྱོད་བྱུང་སྤྱོད་པ་བྱུང་། །འཇམ་དལ་ཐོས་འཕྲིགས་དོགས་བཞིན་སྤྱད། །དམ་པའི་སྤྱོད་པའི་སྣང་ཡུལ་ནས། །བག་མེད་ཆེ་བའི་ཐབས་མི་བྱ། །
254a2 བསྒྲུབས་ནས་མཛེས་པའི་ཚུལ་བཟུང་སྟེ། །བག་དང་ལྡན་པས་གནས་པར་བྱ། །ལུས་ཀྱི་དོར་བ་གང་དག་ཀུན། །མཐོང་ཚོར་ཡུལ་ནས་ཡོང་མི་བྱ། །སྣང་བ་ལུས་ཀྱི་བྱ་བྱེད་རྣམས། །བློ་གྲོས་ལྡན་པས་བྱ་བ་མིན། །འདུས་ནས་འདུ་གང་བྱེད་སྤྱོད
254a3 རྣམས། །དམ་པའི་འདུན་སར་རིགས་མ་ཡིན། །འཕྱོ་གཡེང་བརྐམ་དང་མ་ཞི་བའི། །སྤྱོད་ཚུལ་ཡུལ་ནས་མི་བྱའོ། །ཁམས་ལས་བྱུང་བའི་ལུས་སྤྱོད་རྣམས། །བསྒྲིབས་སམ་ཕག་གམ་བསྐྱོར་བཀབ་ནས། །ཐམས་ཅད་བདེ་བསྐྱུད་འཇམ་བྱས་ཏེ། །
254a4 དམ་པ་དེ་ལ་ཅི་མཛེས་བྱ། །དམ་པ་གདན་བསྐྱོད་གང་ཕྱོགས་ནས། །བདག་ནས་བསྒྲིམས་ཏེ་སྲི་ཞུ་བྱ། །བསྐྱོད་བཅག་བརྫི་སང་གདན་ཐབས་སྦྱར། །མ་ལྡན་ཉིད་ལས་ཅི་བདེར་སྦྱར། །སྔོན་རྩོལ་ལུང་འབྱུང་སྲི་ཞུ་བསྡུ། །དེ་རྫོགས་ནས་ཀྱང་དེ་བཞིན་ནོ། །
254a5 བློ་ལྡན་སྤྱོད་ལམ་བཞི་སྤྱོད་ན། །སྲི་ཞུ་གུས་པས་དེ་བཞིན་སྦྱར། །གང་མ་གུས་དང་བཏང་སྙོམས་དག་།ནམ་ཡང་བྱ་བ་ཡོད་མ་ཡིན། །སྲི་ཞུ་བསྟི་གནས་རིམ་གྲོ་རྣམས། །བྱ་བའི་མདུན་དང་དེ་ཟན་དུ། །སྲི་ཞུ་བཅུག་སྟེ་ཅི་བདེར་འགྲོ། །བདེ་ཤེས་ལ་སོགས་སྲི
254a6 ཞུས་ཞུས། །ཡང་དཀའ་ཐུབ་མདུན་ཉིད་དུ། །གར་སྤྱོད་གར་སྐབས་སྲི་ཞུ་དབུལ། །མཚན་ནས་ནམ་ཡང་མི་བརྗོད་ཅིང་། །དམ་པ་བླ་མ་བཤེས་གཉེན་ཞེས། །བརྗོད་པའི་ཐ་མར་ཞུས་སྒྲ་གཞུག་།ཁྱད་པར་ཅིར་ཡང་དབྱེ་བར་བྱ། །ལུང་བྱུང་བཀའ་བཞིན
254a7 ཞུས་ཞེས་བརྗོད། །ཐལ་སྦྱར་གསུང་བ་གཟུང་བར་བྱ། །དམ་པའི་ལུང་ཡུལ་བྱུང་རྗེས་འབྲང་། །དེ་ཀུན་སྲི་ཞུས་མཚོན་པ་ཡིན། །མཛེས་པའི་ཚུལ་བཟུང་གུས་འདུན་ནས། །སྤོབས་པ་ནོད་པ་གསུམ་དུ་ཞུ། །གྱོང་ཁེངས་མེད་པའི་གཉེན་ལྕུག
254a8 གིས། །ཞབས་འབྲིང་དགོས་པ་ཐམས་ཅད་བྱ། །དགེ་སློང་སར་པའི་སྤྱོད་པ་ཡིས། །བསྒེགས་པ་ལ་སོགས་བྱ་བྱེད་དང་། །རྒྱན་དང་མཚོན་ཐོགས་སྤང་བར་བྱ། །བློ་གྲོས་གུས་པ་དེ་ཉིད་ཀྱང་། །ཉིད་ཀྱིས་ཉིད་ལ་དཔྱས་བཅུག་སྟེ། །གཞན་གྱིས་དཔྱ་བའི་གཞི་རྣམས་སྤང་། །
iiif viewer powered by OpenSeadragon
