| e-texts navigator |
| Wylie |
253a1 བསྟེན། །འདི་དང་གང་ལྡན་དམ་པའི་འོས། །དམ་པ་ཐམས་ཅད་བཀུར་གནས་སོ། །རང་བཞིན་དེ་དང་མི་ལྡན་ཡང་། །དམ་པའི་མཛོད་དང་གཉེར་ལྡན་ན། །དམ་པར་གཟུང་ཞིང་དམ་པར་བྱ། །ཆོས་ཀུན་མི་ཤེས་མ་རྟོགས་ཀྱང་། །དམ་པར་གྱུར་པའི་བླ་མ་ལ། །
253a2 བཀུར་གནས་རིམ་གྲོ་ཆེར་བྱས་པས། །འཁོར་བའི་རྒྱ་མཚོ་ལས་རྒལ་འགྱུར། །ཅི་ཕྱིར་ཞིང་རབ་གཤིན་པ་ལ། །ས་བོན་བཏབ་ན་རྒྱས་འཕེལ་བཞིན། །བསོད་ནམས་དམ་པའི་ཞིང་རབ་ལ། །ཏིལ་འབྲུ་མི་སྟོར་འཕེལ་མི་འགྱུར། །འཁོར་བའི་མཐའ་ལས
253a3 སྐྱོབ་པ་ཡི། །བཤེས་གཉེན་དམ་པ་བཞི་ཡོད་དེ། །ཁུངས་དང་ལུང་དང་དབང་འགྱུར་དང་། །བློ་གྲོས་ངེས་པའི་ཚད་ལྡན་བཞི། །དེ་ལས་གཉེན་པོ་བཞི་འབྱུང་སྟེ། །སེམས་བསྐྱེད་སྟོབས་དང་འགྱོད་སྟོབས་དང་། །ལས་ཀྱི་སྟོབས་དང་དམིགས་པའི་སྟོབས། །
253a4 ལོག་པའི་སྟོབས་རྣམས་འཇོམས་པར་བྱེད། །ཆུ་བོ་བཞི་ལས་རྒལ་བར་འགྱུར། །རྒྱུད་ཀུན་ཡོངས་སུ་གྲོལ་འགྱུར་ཏེ། །དམ་པའི་དམ་པར་དེ་ཉིད་འགྱུར། །དེ་སྐད་གསུངས་ནས་ཅང་མི་གསུང་། །དེས་ན་ལང་ཀའི་བདག་པོ་འདིར། །བློ་ལྡན་དགའ་དང
253a5 གུས་པ་ཡིས། །དམ་པར་གྱུར་ཏོ་འཚལ་རྣམས་ལ། །འདུན་སར་ལན་གསུམ་གུས་བྱས་ཏེ། །ཞབས་ལ་སྤྱི་བོས་གཏུག་པར་བྱ། །དམ་པ་འམ་ཡང་ན་མ་ངེས་རྣམས། །དམ་པའི་ཆོས་སོགས་འདུས་བྱས་ཏེ། །ཁ་ན་མ་ཐོ་གཞོམ་བྱའི་ཕྱིར། །འཇིག
253a6 རྟེན་སྲི་ཞུའི་འདུན་པ་བྱ། །ལུང་འབྱུང་གང་དམོད་འཕེལ་གཏམ་ལ། །ཡང་དུ་འདུན་པས་འདུན་ཐབས་སྦྱར། །སྲི་ཞུ་སྒྲ་ཡིས་མཚམས་བཟུང་སྟེ། །གང་དེ་རྣམས་ནི་ཅི་བདེར་གྲན། །བདེ་དང་བླང་བ་ལངས་པ་དང་། །དོན་བྱེད་ཞུ་སོགས་སྐབས་རྣམས་སུ། །
253a7 རྒྱུད་མཉེན་སྲི་ཞུ་གུས་ལྡན་པས། །གྱོང་སེམས་མེད་སྔོ་ནན་ཏན་བྱ། །ཀུན་ནས་གཟེམ་མདོག་བག་ལ་གནས། །གསོང་པོ་སྨྲ་ཞིང་གྱ་གྱུ་མེད། །ཅི་ཕྱིར་དམ་པར་གྱུར་པ་ལ། །མ་ངེས་གྱ་གྱུའི་ལས་བྱས་པས། །དམ་པར་གྱུར་པ་ཀུན་བསླུས་ཏེ། །
253a8 དམྱལ་བ་རྡོ་རྗེར་དེ་ལྟུང་འགྱུར། །བརྩོན་དང་འགྲུས་ལྡན་དང་ཚུལ་བཟང་། །བརྡིག་ཅིང་གསང་ཐུབ་སྤྱོད་པ་དག་།ཡ་བག་བཞིན་བཟངས་མཛེས་ཐབས་ལྡན། །སྒོ་གསུམ་བཟང་སྤྱོད་མཐའ་གསུམ་བསྡམ། །དམ་པ་ཉིད་དུ་འཐུན་བཞིན་སྤྱོད། །
iiif viewer powered by OpenSeadragon
