| e-texts navigator |
| Wylie |
249b1 དོན་ལ་སྒྲིབ་པ་སྟེ། །གཉེན་པོ་བྱང་ཆུབ་སེམས་མཆོག་གིས། །ཞི་བ་ཆེན་པོའི་ངང་དུ་བཟློག་།རྣལ་འབྱོར་ནོར་ལ་འཕྲོག་པའི་དགྲ། །ཐབས་ལ་མཁས་པས་དུལ་བར་བྱ། །གང་གི་རྣལ་འབྱོར་རང་བཞིན་བཅོས། །དྲང་སྲོང་ཉིད་ལས་ཉམས
249b2 འགྱུར་ཏེ། །ཁ་ན་མ་ཐོ་གྲགས་པ་ཡིས། །དེ་དག་བཅས་དགར་འགྱུར་བའི་དགྲ། །ལྟ་དམན་སྤྱོད་རྩིང་འཆོལ་པ་ཡིས། །ལུགས་བོར་འདི་ལས་ལོག་པར་སྤྱོད། །བཀའ་ལོག་འཕྲ་མེན་ལས་སྤྱོད་པས། །དོན་དུ་མི་འགྱུར་འཆལ་བའི་དགྲ། །འདའ
249b3 ཀ་རྡོ་རྗེ་དཀའ་ཐུབ་དམ། །ཀླུང་དུ་མ་གྱུར་ཕྱལ་བས་འཆལ། །རྩ་བ་རུལ་པའི་ལྗོན་ཤིང་བཞིན། །འཆད་པས་དྲུག་པོར་འབྱུང་བའི་དགྲ། །རྣལ་མ་ཉིད་ལ་སྦྱོར་བ་དེ། །གང་ལ་ངེས་པའི་ཚིག་མེད་ན། །དོན་རྣམས་གྲུབ་པ་མ་ཡིན་ཏེ། །
249b4 འབྲས་བུར་མི་འགྱུར་གོལ་བའི་དགྲ། །རྣལ་འབྱོར་རྣལ་འབྱོར་སྤྱོད་པ་ལ། །དམ་པའི་ནོར་མཆོག་འཕྲོག་པའི་དགྲ། །ཐབས་ལ་མཁས་པའི་བློ་གྲོས་ཀྱིས། །སྐྱོན་གྱི་དགྲ་བཞི་བཟློག་པར་བྱ། །སྲིད་གསུམ་སྣང་བའི་ཞིང་འདི་དག་།
249b5 རྣམ་དག་ཞིང་དུ་ངེས་པ་སྟེ། །ས་རྣམས་གཅིག་ཅར་སྦྱངས་པས་ན། །ཞིང་རྣམས་དམ་པའི་མཆོག་ཡིན་ནོ། །འདོད་སྤྱོད་མཆོད་པའི་ཚོགས་འདི་དག་།ཡོ་བྱད་ཆེན་པོའི་མཆོག་ཡིན་ཏེ། །དགོངས་པ་དམ་པ་ཀུན་མཉེས་པའི། །རྨད་དུ་བྱུང་བའི
249b6 མཆོད་པའོ། །འཁོར་བ་དུར་ཁྲོད་གནས་འདི་དག་།བདེ་བ་ཆེན་པོའི་གནས་ཡིན་ཏེ། །མ་ནོར་མ་བཅོས་ཆོས་ཀྱི་དབྱིངས། །རྩོལ་མེད་ལྷུན་གྱིས་གྲུབ་པའི་སའོ། །ཀུན་གྱི་རྩ་བ་དུག་ཆེན་ལྔ། །ཡེ་ཤེས་ཆེན་པོ་ལྔ་ཉིད་དེ། །ཀུན་ཤེས་རང
249b7 རིག་རང་བྱུང་བས། །རྣལ་འབྱོར་རང་རིག་མིག་ལྡན་པའོ། །ལང་ཀའི་བདག་པོ་འདི་དག་ནི། །དམ་ཚིག་གསང་བའི་མཆོག་ཡིན་ཏེ། །དམ་པས་གདམས་པའི་ཚིག་འདི་ལ། །གང་དག་ངེས་པའི་རྣལ་འབྱོར་ཡིན། །ཇི་ལྟར་ས་གཞི་གཤིན་པ་ལ། །བརྟེན་ནས་ས
249b8 བོན་བཏབ་པ་ལས། །དམ་པ་ཁོ་ན་འཇུག་པར་འོས། །འུན་པས་གང་གི་དེ་ཉིད་ཀྱང་། །འུན་ཅིང་དམ་པའི་ཡུལ་ལ་འཇུག་།ལང་ཀའི་བདག་པོ་ཇི་ལྟར་ན། །དེ་ཡང་ཇི་ལྟ་བུ་ཞེ་ན། །ཁོ་བོ་མཐོང་ཐོས་སྐབས་གཅིག་ན། །བདག་གི་བཤེས་གཉེན་དམ་པ་དེས། །
iiif viewer powered by OpenSeadragon
