| e-texts navigator |
| Wylie |
248b1 སྒོ་གསུམ་པོ། །དག་པ་གསུམ་གྱི་མཐའ་བཟུང་ནས། །གང་འདིར་དབང་བཞི་སུན་མི་འབྱུང་། །སྒོ་གསུམ་མི་གནོད་དང་བཅས་གཟུང་། །ཡོངས་སུ་མ་ཉམས་མདོ་བཞིའོ། །མཐར་ཕྱིན་རྒྱ་རྟགས་རྣམ་བཞིར་བཅས། །མདོ་དྲན་པ་ལ་བགྲང་ཞིང་བསྔོ། །
248b2 འདུལ་བའི་རྒྱུན་ལྡན་ཐ་ཚིག་ཅན། །མོས་པ་ཆུང་བའི་བུ་རྣམས་ཀྱིས། །ཕྲ་མོའི་ཕྲ་མོ་ཕྲ་ཡན་ཆད། །ནན་ཏན་གྱིས་ནི་བསྲུང་བར་བྱ། །སྐུ་དང་གསུང་ཐུགས་རྡོ་རྗེ་ཡི། །གསུང་དང་སྤྱོད་དང་ཡིད་འོང་དང་། །མི་འདོར་ཤེས་བྱ་གྲུབ་པ་དང་། མེད་དང་ཕྱལ་པ
248b3 གཅིག་པོ་དང་། ལྷུན་གྱིས་གྲུབ་པ་རྣམ་པ་བཅུ། །ལྟ་བ་འདི་ལས་འབུམ་ཕྲག་འབྱུང་། །རྣལ་འབྱོར་རྣལ་འབྱོར་ཐམས་ཅད་ཀྱི། །སྤྱོད་པར་བྱ་ཡི་ནོར་མཆོག་ཡིན། །རྣལ་འབྱོར་དམ་པའི་རིགས་རྒྱུད་ལས། །ངེས་པར་བརྟགས་ཏེ་སྤྱོད་པའི་བུ། །ཟབ་མོར་རྫོགས་མཆོག
248b4 བདེ་བ་ཡི། །བློ་ལ་ངེས་པའི་ལུང་འདི་བསྟན། །འདི་ཡི་སྔོན་འགྲོ་དམ་ཚིག་སྟེ། །ཟབ་མོ་ལ་སོགས་ཀུན་སྔོན་དུ། །རྡོ་རྗེ་ཐ་ཚིག་དྲག་པོ་ཡི། །གཅན་འཕྲང་ལམ་རྣམས་བསྲུང་བའི་ཕྱིར། །སྤྱི་དང་ཁྱད་པར་དམ་ཚིག་རྣམས། །ངེས་པའི་དོན་གྱིས་བཙན་རེད་ན། །དེ་ནི་དབྱིག
248b5 གི་སྣོད་ཆེན་ཡིན། །དེ་ལྟར་དམ་པའི་སྡོམ་པ་ལ། །གནས་ནས་དུས་ཀྱི་སྐབས་དག་ཏུ། །བསྲུང་བྱ་ཐུབ་པར་བྱ་བ་ནི། །བརྟུལ་ཞུགས་སྤྱོད་པའི་དམ་ཚིག་དག་།དམ་ཚིག་ཀུན་གྱི་ཐོག་མར་འགྲོ། །དོན་དུ་མི་འགྱུར་ཀུན་སྤངས་ནས། །ཀུན་དང་འཐུན་ཕྱིར་དེ་ལྟར
248b6 སྤྱད། །མི་ཤིགས་པ་ནི་སེང་གེ་སྟེ། །གཅན་གཟན་རྒྱལ་པོ་ཡིན་པས་སོ། །ཟ་མ་རྟོག་ནི་རྒྱལ་པོའི་མཛོད། །དུག་སྤྱོ་བ་ནི་དེར་མི་རིགས། རིན་ཆེན་མྱུ་གུའི་ལྕུག་ཕྲན་དག་།བྲེགས་ཏེ་འབྱུང་རྒྱུན་གཅད་མ་ཡིན། །གངས་ཀྱི་ཞུན་ཆུ་ཕལ་པ་ཡང་། །མཁས
248b7 པས་བཏུང་བར་མི་བྱའོ། །པད་མའི་ཟེ་འབྲུ་ཁ་མི་དབྱེ། །ཟླ་ཟེར་མ་ཡིན་དབྱེ་མི་བྱ། །མ་བརྟགས་བུག་རྡོལ་ཅན་སྣོད་དུ། །བདུད་རྩི་སྨན་བླུགས་ཟག་པར་འགྱུར། །དོན་མེད་བཅོས་མའི་ཚུལ་རྟགས་ཅན། །བསྲེལ་ཞིང་སྤྱད་པར་བྱ་བ་མིན། །ཤེལ་དཀར
248b8 རིན་ཆེན་སྒོ་ང་དག་། འདམ་ཁུང་རྫབ་དུ་བསྣུབ་མི་བྱ། །སེང་གེ་དཀར་མོའི་འོ་མ་དག་།གསེར་སྣོད་མ་ཡིན་བླུགས་མི་བྱ། །ཡིད་བཞིན་ནོར་བུ་རིན་པོ་ཆེ། །བསྲེག་པར་བྱ་བ་ཡོད་མ་ཡིན། །ཁྱུང་ཆེན་གཤོག་པ་མཁར་བརྐྱང་བ། །དེ་དག་གཅག་པར་བྱ་བ་མིན། །གནམ་ལྕགས
iiif viewer powered by OpenSeadragon
