| e-texts navigator |
| Wylie |
245a1 བྱུང་བས་ན། །རང་ལས་མ་བྱུང་གཞན་འབྱུང་ཡིན། །གྲོགས་པོ་དམ་པས་དེ་སྨྲས་པས། །ཀ་ལ་ནག་པོས་ཡང་སྨྲས་པ། །ཇི་ལྟར་གལ་ཏེ་དེ་ལྟར་ན། །འགལ་བ་ཉིད་དུ་ཡིན་ཟིན་ན། །རང་འབྱུང་རང་འབྱུང་ཞེས་བྱ་བའི། །ཆོས་དེ་གང་ནས་རྙེད་པར་འགྱུར། །
245a2 དེ་སྐད་དྲི་བ་དྲིས་པ་ལས། །དམ་པ་ཉིད་ཀྱིས་དེས་བླན་པ། །རྒྱུ་དང་རྐྱེན་ལས་མ་བརྟེན་པར། །གང་ཞིག་འབྱུང་བའི་ཆོས་ཡོད་ན། །གཞན་ལས་མ་བྱུང་བྱེད་མེད་པས། །ཆོས་དེ་རང་འབྱུང་ཉིད་དུ་འདོད། །དེ་སྐད་སྨྲས་པས་དེ་ལན་དུ། །ཀ་ལ་ནག་པོས་འདི་སྐད་དུ། །
245a3 སྤངས་པས་སྤོངས་པར་མི་འགྱུར་ཏེ། །བདག་ལས་རྒྱུན་དུ་འབྱུང་བའི་ཆོས། །གཞན་ལས་མ་བྱུང་རྒྱུ་འབྲས་མེད། །ཆོས་དེ་གང་ཡིན་རང་འབྱུང་ཡིན། །དེ་ལ་དེ་ཡིས་འདི་སྐད་དུ། །མི་སྤང་དང་དུ་བླང་བའི་ཆོས། །དུས་དང་རྣམ་པ་ཐམས་ཅད་དུ། །འདུ་འབྲལ་མེད་པའི
245a4 གནས་འོས་ན། །འབྱུང་རྒྱུན་འགགས་ན་དེ་རྒྱུན་འགག་།དེ་ལ་འདི་ལྟར་འདི་སྐད་དུ། །ནག་པོ་ཀ་ལས་སླར་བླན་པ། །བདུད་རྩི་ཡིན་པས་རང་གཉེར་གྱི། །ལས་རྣམས་སོ་སོར་བྱེད་པར་ནུས། །འཇིག་རྟེན་དག་ན་ཕན་འདོགས་པ། །གང་ནུས་དེ་ལ་རྩི་ཞེས་གྲགས། །
245a5 དེ་ལ་འདིར་ནི་འདི་སྐད་དུ། །གྲོགས་མཆོག་དམ་པས་དེ་ལོན་པ། །བདུད་རྩི་ཞེས་ནི་བརྗོད་པ་ལས། །བདུད་རྩིའི་ལས་ནི་གཉིས་ཡོད་དེ། །ནད་གསོ་ཤི་བ་སློང་བྱེད་ན། །དེ་གཉིས་མཐུ་དང་ཡོང་མི་ལྡན། །དེ་སྨྲས་ལན་དུ་འདི་སྐད་དུ། །ཀ་ལ་ནག་པོས་དེ་བླན་པ། །
245a6 སྔོན་གྱི་རྒྱལ་བ་གྲངས་མེད་ཀྱིས། །བརྟུལ་ཞུགས་འདི་ལྔ་གཙོར་སྤྱད་ན། །དམ་ཚིག་དམ་པར་བཟུང་བས་ན། །སྔོན་གྱི་དམ་ཚིག་ཡིན་པར་གྲགས། །དེ་ལ་དམ་པས་འདི་སྐད་དུ། །སངས་རྒྱས་དམ་ཚིག་ཡིན་ངེས་ན། །དང་པོ་ནས་བཟུང་རྫོགས་པར་དུ། །
245a7 དེ་དང་མི་འབྲལ་ལྡན་དགོས་ན། །ཟག་རྒྱུན་ཆད་ན་འབྲལ་འགྱུར་འགལ། །དེ་ལ་ཀ་ལས་འདི་སྐད་དུ། །བདག་དེ་རྟག་པར་འགྱུར་བ་ཡིས། །ཟག་པ་དེ་ཡང་རྟག་པ་སྟེ། །ཀུན་ནས་ཀུན་དུ་མི་འབྲལ་ཞིང་། །ཟད་ནས་བྲལ་བ་ག་ལ་ཡོད། །དེ་ལ་དམ་པས་འདི་སྐད་དུ། །
245a8 ཕྱི་དང་ནང་གི་ཟག་པ་རྣམས། །ཐམས་ཅད་ཐམས་ཅད་ཀུན་ཟད་པས། །ས་དང་རྣམ་ཐར་ལས་རྣམས་ལྟ། །ཅི་སྨོས་ཀུན་སྣང་ཟག་ལམ་ཟད། །དེ་ལ་ཀ་ལས་འདི་སྐད་དུ། །ཇི་ལྟར་གལ་ཏེ་དེ་ལྟར་ན། །འགལ་བ་ཉིད་དུ་ཡིན་ཟིན་ན། །ཐམས་ཅད་མཉམ་པར
iiif viewer powered by OpenSeadragon
