| e-texts navigator |
| Wylie |
243b1 རུངས་ཁྲོས་པའི་སྟབས། །སྲིན་མོ་མ་རངས་ཁྲོས་པའི་གླུ། །རྡོ་རྗེ་བུ་ཡུག་སྐར་མདའི་ཚིག་།རྨད་འབྱུང་གསང་བའི་དཀྱིལ་འཁོར་ནས། །ཡེ་ཤེས་འབར་བའི་མེ་འབྱུང་བས། ཁམས་གསུམ་འཁོར་བའི་བུད་ཤིང་བསྲེགས། །སྲིད་གསུམ་འཁོར་བའི
243b2 ཁྲག་མཚོ་བསྐམས། །ང་རྒྱལ་རི་བོ་རྨང་ནས་བཤིག་།ཞེ་སྡང་འབར་བའི་མེ་དབལ་གསད། གཏི་མུག་མུན་པ་གཏན་ནས་བཅོམ། །འཁོར་བ་འདུས་པའི་འདམ་རྫབ་བསྐམས། །ལང་ཀའི་བདག་པོ་འདི་དག་ནི། །གང་གི་ཆ་དང་འཐུན་སྦྱར་བས། །དམ་པའི
243b3 དོན་ལ་སྦྱར་བ་ཡིས། །བྱིས་པ་འདྲིད་པའི་རོལ་པའོ། །ལང་ཀའི་བདག་པོ་གཞན་ཡང་གང་། །ཐབས་འཛུད་བསྲེ་བའི་བརྟུལ་ཞུགས་ནི། །འཇིག་རྟེན་ལོག་སྲེད་ཇི་ལྟ་བར། །བརྟུལ་ཞུགས་སྤྱོད་པའི་ཁྱད་པར་སྤྱོད། །ཝ་དང་ཅང་ཤེས་གྱི་ལིང་དང་། །
243b4 ཤིན་དུ་གླང་ཆེན་མྱོས་འདྲ་བ། །དཔའ་བརྟུལ་ཟ་བྱེད་གཏུམ་རྔམ་འཁྲུག་།མཁའ་ལྡིང་ཁྱུང་ཆེན་གང་མི་ལྟ། །གཏུམ་ཐུང་སྡོང་ཆེན་འཇིགས་འདྲིལ་བ། །གང་ཐུབ་མི་ལྡོག་རྒྱ་མཚོའི་གསེར། །མུན་ལྟར་ལྐུག་པའི་བློ་ཚུལ་ལྡན། །ལྷུན་པོ་མི
243b5 འགྱུར་བརྟན་པ་ཆེ། །མཁའ་ལྟར་ཡངས་དོག་ཀུན་དང་བྲལ། །གནམ་ལྕགས་ལྕེ་ཡི་དྲགས་ཤུལ་ཅན། །དྲགས་ཤུལ་ཆེན་པོ་བརྟུལ་ཞུགས་བདག་།ཁུ་འཕྲིག་ལྟ་བུ་ཟན་ཅན་བློ། །ངེས་པའི་ང་རྒྱལ་གླང་ཆེན་བརྟུན། །ཟླ་མེད་སེང་གེ་གཅིག་བརྗོད་པ། །
243b6 རེག་འཇམ་བྱ་ལྟར་ཆགས་འགྲོགས་པ། །སྒྱུ་མ་སྒྱུ་མའི་ཚུལ་འདྲིད་པ། །གང་ལ་རྟོགས་མེད་ཀུན་སྤྱོད་ཉིད། །ཐོགས་མེད་ཟ་བྱེད་མྱུར་སྤྱོད་ཟ་བྱེད་ཁ། །ཡུད་ལྟར་མྱུར་མགྱོགས་གློག་ལྟར་འགྱུར། །གང་གི་གང་བསྲུང་ནམ་མཁའ་ལྡིང་། །ས་ཐུབ་བག
243b7 ལེན་རྒྱལ་འཁོར་སྐྱོང་། །རྣལ་འབྱོར་བརྟུལ་ཞུགས་ཆེན་པོ་ནི། །བཅུ་གཉིས་དང་ནི་གསུམ་བློར་ལྡན། །གང་འདིར་ཉམས་སུ་ལེན་བྱེད་པ། །རྣལ་འབྱོར་གསང་བའི་ཐབས་མཆོག་སྟེ། །གང་ལ་འཛུད་པས་བསྲེ་བ་ཡི། །ཚུལ་ཁྲིམས་ཐམས་ཅད་གཅིག
243b8 སྤྱོད་པའོ། །ལང་ཀའི་བདག་པོ་གཞན་ཡང་གང་། །འཐུན་པས་འཇུག་པར་སྤྱོད་པ་ནི། །དེ་ཉིད་དེ་ལྟར་དེ་བཞིན་ཏེ། །གང་དང་འདྲ་ཚུལ་གང་ཡིན་པའོ། །འདོད་ཆགས་ཕོ་མོར་གྱུར་པ་ལ། །ཕོ་མོར་འདོད་ལས་ཕོ་མོར་སྣང་བ་གང་ཡིན་ལ། །ཕོ་མོ་མེད་ལས་ཕོ་མོ་སྣང་བ
iiif viewer powered by OpenSeadragon
