| e-texts navigator |
| Wylie |
243a1 སྲས་ཀྱི་དེ་ཁོ་ན། །བློ་གྲོས་ཐབས་ལྡན་ཉིད་ཀྱིས་འདིར། །གང་དག་གང་འདུལ་རིག་ནས་ནི། །འཇིག་རྟེན་དྲུག་དང་འཐུན་སྦྱོར་ཕྱིར། །གང་གི་གནས་ནས་འཐུན་གཡོས་ཏེ། །གར་མཆོག་གློག་ལྟར་འགྱུར་བ་ཡི། །དཔལ་ལྡན་ལག་པ་བྱེ་བ
243a2 ཡིས། །ནམ་མཁའི་ཁམས་འདི་ཡོངས་བཀང་ནས། །གོམ་པའི་སྟོབས་ཀྱིས་གར་བྱེད་ཅིང་། །གླུ་ཡི་ཡན་ལག་སུམ་བརྒྱའི་སྒྲ། །སྲིད་གསུམ་འབྲུག་སྒྲས་གང་བ་ལྟར། །མཐའ་ཐུག་མེད་པའི་འཇིག་རྟེན་དྲུག་།གང་བས་ཡིད་འཕྲོག་འདྲེན་པར་བྱེད། །
243a3 ཐེག་ཆེན་རྨད་བྱུང་གསང་བའི་ཚིག་།ཚིག་གཅིག་བསྒྱུར་བས་ཚིག་མཐའ་ཡས། །ཚིག་ལམ་རབ་ཏུ་བྲལ་བའི་དོན། །ཟབ་མོ་སངས་རྒྱས་སྤྱོད་ཡུལ་སྟོན། །ེ་མའོ་ངོ་མཚར་རྨད་ཀྱི་ཆོས། །རྨད་འབྱུང་རོལ་པའི་དོན་འབྱུང་ངོ་། །ཆ་འཐུན་སྦྱོར་བའི་ཁྱད
243a4 པར་ལས། །འཇིག་རྟེན་དྲུག་ཏུ་རོལ་པ་འབྱུང་། །འཁོར་བའི་ལམ་རྒྱུད་གཅད་པའི་ཕྱིར། །འཇིག་རྟེན་དྲུག་གི་སྙིང་པོ་ལ། །ཐུགས་རྗེ་ཐབས་ཀྱི་འོད་འཕྲོས་པས། །རྒྱུད་དྲུག་དངོས་པོ་ཐམས་ཅད་བསྲེགས། །སྤྱོད་ལམ་མ་ཆགས་ཡེ་ཤེས་ཀྱིས། །
243a5 ཆ་འཐུན་ཐབས་སུ་སྦྱར་བའི་ཕྱིར། །འཇིག་རྟེན་བྱིས་པའི་སྤྱོད་པ་བཞིན། །འཇིག་རྟེན་བུ་མོ་དྲུག་དང་རོལ། །སྟབས་དྲུག་བསྐྱོད་པས་འགྲོ་དྲུག་བསྒྲལ། །གླུ་དྲུག་བླངས་པས་ཡུལ་དྲུག་དྲངས། །ཚིག་དྲུག་སྒྲགས་པས་དོན་དྲུག་རྫོགས། །ལེ་ལོ་གཡེང
243a6 བའི་ས་གཞི་ལ། །བརྩོན་འགྲུས་མྱུར་བ་ཅང་ཤེས་སྟབས། །ཚངས་པའི་དབྱངས་ཀྱི་སྙན་པའི་གླུ། །དོན་གྲུབ་རྡོ་རྗེ་གསང་བའི་ཚིག་།ང་རྒྱལ་རི་བོའི་ས་གཞི་ལ། །དཔའ་བོ་ཚམ་ངམ་གྱད་ཀྱི་སྟབས། །སིལ་སྙན་འབུམ་གྱིས་སྙན་བའི་གླུ། །ཞི་གནས
243a7 མི་རྟོག་ནམ་མཁའི་ཚིག་། ཀུན་ནས་འདུས་པའི་ས་གཞི་ལ། །ཁྱུ་མཆོག་ལྔ་ཡིས་རོལ་བའི་སྟབས། །གླུ་གར་ཡིད་འཕྲོག་སྙན་པའི་གླུ། །འཛིན་པའི་རྟོད་ཕུར་འབྱིན་པའི་ཚིག་།གཏི་མུག་འདུས་པའི་ས་གཞི་ལ། །སེང་གེ་རྔམ་པས་རོལ་པའི་སྟབས། །
243a8 ཀ་ལ་པིང་གའི་དབྱངས་སྙན་གླུ། །ཡེ་ནས་དོན་གྱིས་གསལ་བའི་ཚིག་།ཆགས་པ་འདུས་པའི་ས་གཞི་ལ། །རྡོ་རྗེ་ཁྱུང་ཆེན་ལྡིངས་པའི་སྟབས། །འབྲུག་ཆེན་འདིར་བས་སྙན་པའི་གླུ། །ཡིད་བཞིན་ནོར་བུ་འབར་བའི་ཚིག་།ཞེ་སྡང་འདུས་པའི་ས་གཞི་ལ། །ཁྲོ་བོ་མ
iiif viewer powered by OpenSeadragon
