| e-texts navigator |
| Wylie |
242a1 གཞག་པའི་ཆོས་འདི་གང་། །བྱིས་པ་རྣམས་ལ་ངས་མ་བསྟན། །བརྗོད་པས་མཚོན་པ་ལས་འདས་པས། འདི་ཞེས་བསྟན་དུ་ག་ལ་ཡོད། །མེད་པས་བསྟན་པའི་དམིགས་མི་རྙེད། །མི་དམིགས་ཆོས་ལ་ཚིག་ལམ་མེད། །
242a2 ཆོས་ཀུན་ནམ་མཁའ་ལྟ་བུ་སྟེ། །ནམ་མཁའ་ལ་ཡང་མཚན་ཉིད་མེད། །ནམ་མཁའི་དབུས་མཐའ་མ་དམིགས་བཞིན། །ཆོས་ཀུན་མཐའ་དབུས་མུ་དང་བྲལ། །ནམ་མཁའ་གང་མིང་རྗོད་བྱེད་པ། །བརྗོད་པ་དེ་ཉིད་དངོས་པོ་སྟེ། །དེ་ཡི་ཐ
242a3 སྙད་མིང་བརྗོད་ཀྱང་། །ནམ་མཁའ་དེ་ལ་འགག་མི་འགྱུར། །འདི་ལ་མི་རྟོགས་གང་བརྗོད་པ། །བརྗོད་པ་དེ་ཉིད་རྣམ་རྟོག་སྟེ། །རྣམ་རྟོག་རྣམ་རྟོག་ཅི་བརྗོད་ཀྱང་། །དེ་ལ་གཉིས་མེད་འགག་མི་འགྱུར། །གང་འདིར་གཉིས་སུ་འདོད་པ་དང་། །དབུས
242a4 མཐར་བྱེད་པ་ཐམས་ཅད་གོས། །མཉམ་ཞེས་བྱ་བའི་ཐ་སྙད་ཀྱང་། །གཉིས་དང་དབུས་མཐའ་རྣམ་འབྱེད་ལས། །ཀྱེ་མ་འདི་གཅིག་ཆོས་ཀྱི་པུན། །ཐམས་ཅད་དེ་ལས་མེད་བཞིན་དུ། །གཉིས་འདི་ཕན་ཆད་རྣམ་རྟོག་ཡིན། །ཀུན་ཀྱང་ངེས་པ་འདི་ལྟར
242a5 ཞོག་། གྲོགས་པོ་དག་དེ་དག་ནི་མེ་ལོང་བརྟག་པར་བྱའོ་ཞེས་དགོངས་པ་དམ་པ་ངེས་པར་བགྲོས་པ་ཤེས་པར་བྱའོ། །དེ་སྐད་ཅེས་སྨྲས་པས་ལང་ཀའི་བདག་པོ་ལ་སོགས་པ་དམན་པའི་ལུས་ཀྱི་སེམས་དཔའ་རྣམས་ཡང་དག་པར་ངེས
242a6 པར་འཇོག་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཉེ་བར་མཚོན་པ་ཞེས་བྱ་བའི་ལེའུ་སྟེ། དྲུག་བཅུ་གསུམ་པའོ།། །། དེ་ནས་ཡང་ལང་ཀའི་བདག་པོ་ལ་སོགས་པ་དམན་པ་དམ་པ་རྣམས་ཀྱིས་གསང
242a7 བ་པའི་བདག་པོ་ལ་གང་དུ་འདིར་མདོ་བཅུ་བཀོད་པའི་དགུ་པ་དྲི་བ་ཡོངས་སུ་དྲིས་པ། ཀྱེ་གསང་བ་པའི་བདག་པོ་ཆ་འཐུན་པར་སྦྱར་བར་བྱའོ་ཞེས་དམ་བཅའ་བར་དགོངས་པ་དེ་ཇི་ལྟར་ཡོངས་སུ་ཤེས་པར་བགྱི། དེ་སྐད་ཅེས་དྲིས་པ་ལས། གསང་བ་འི
242a8 བདག་པོས་སྨྲས་པ། ལང་ཀའི་བདག་པོ་དེ་དག་ནི་འདི་ལྟར་ཡོངས་སུ་ཤེས་པར་བྱ་སྟེ་མུན་པ་ཆེན་པོ་མུན་འཁྲིགས་པའི། །བྱིས་པའི་ཁམས་ཀྱི་གྲོང་ཁྱེར་དུ། །རྟག་པ་རྒྱུན་གྱི་འཁོར་མོར་འདིར། །ངེས་པར་འཇུག་པའི་བྱ་བ་དག་།དགོངས་པ་དམ་པ་ཀུན་འདུས
iiif viewer powered by OpenSeadragon
