| e-texts navigator |
| Wylie |
239b1 སྦྱོང་བར་འདོད་པ་རྣམས་ཀྱིས་གང་དུ་དགོངས་པའི་ཡུལ་དེ་ཁོ་ན་ཉིད་དང་། གང་ལ་འབྱུང་བའི་ཡུལ་མཐའ་ཡས་པའི་འཁོར་བ་རྣམས་ལ་འཇུག་པར་བྱའོ། །དེ་ནི་དཔེར་ན་བཙོ་བླག་མཁན་དག་གིས། །རས་སྦྱངས་གང་དུ་བྱ་བ་འཇེན་པ་ལྟར། །གང
239b2 འདིར་ལས་ཀྱི་དང་པོ་ལས། །གང་དེ་སྦྱར་བ་རབ་ཏུ་གཅེས། །དེ་སྐད་ཅེས་སྨྲས་པས། བྱང་ཆུབ་སེམས་དཔའ་སེམས་དཔའ་ཆེན་པོ་ལང་ཀའི་བདག་པོ་དེས་འདི་སྐད་ཅེས་སྨྲས་སོ། །གསང་བ་པའི་བདག་པོ་གང་ཐམས་ཅད་ནས་ཐམས་ཅད་དུ་ཡེ་ནས
239b3 སངས་རྒྱས་པས་ན་ད་གདོད་སངས་རྒྱས་པར་བྱར་མེད་ཕན་ཅད་དགོངས་པའི་ཡུལ་ལ་སྦྱོར་བ་དང་། སྙིང་རྗེའི་ཡུལ་དུ་གྱུར་པ་གང་ཡང་མེད་ལགས་ན། འདིར་སྙིང་རྗེའི་ཡུལ་དུ་གྱུར་པ་གང་ལགས། སུ་ཞིག་སྙིང་རྗེའི་ཡུལ་དུ་གྱུར་དེ་སྐད་ཅེས་སྨྲས
239b4 པ་དང་། གསང་བ་པའི་བདག་པོས་སྨྲས་པ། ཀྱེ་ལང་ཀའི་བདག་པོ་དེ་དེ་ལྟར་ཀུན་ཀྱང་ཡེ་སངས་རྒྱས་ཕན་ཆད་དེ་ཁོ་ན་ཉིད་པས་སྙིང་རྗེའི་ཡུལ་དང་དགོངས་པའི་ཡུལ་གང་ཡང་མེད་ན་ཡང་གང་ཇི་ལྟར་ཡང་ཆོས་ཉིད་ལས་མི་འདའ་བའི་ཚུལ
239b5 གྱིས་གང་དང་ཡང་འགལ་ཞིང་འགལ་བར་མྱི་བྱའོ་ནང་གི་དོན་ཉིད་བྱེད་པ་ནི་དམ་ཚིག་ཆེན་པོ་ཡིན་ལ། ཡེ་ནས་སངས་རྒྱས་པས་དོན་བྱར་མེད་པ་ནི་སྙིང་རྗེ་ཆེན་པོ་ཡིན་ནོ། །དགོངས་པ་དམ་པ་ལ་འཇུག་མི་དགོས་པར་ཤེས་པ་ནི་དགོངས་པ་དམ་པའི
239b6 ཡུལ་དེ་ཁོ་ན་ཉིད་ལ་ཞུགས་པ་ཉིད་དུ་རིག་པར་བྱའོ། །ལང་ཀའི་བདག་པོ་འདི་ལྟ་སྟེ། དགོངས་པ་དམ་པར་གང་བཞུགས་པ། །ཟབ་པ་བས་ཀྱང་ཆེས་ཟབ་པས། །དེ་ཉིད་གཏིང་ནས་ཐག་གཅད་ཕྱིར། །གསང་བའི་ཡུལ་བཞི་སྐྱེ
239b7 བོ་དང་། །ལྷན་ཅིག་ཅི་ལ་འང་མི་བརྣལ་ལོ། །དེ་ཡང་ཡོངས་སུ་རྫོགས་པ་གང་། །བྱ་བས་བྱ་བ་མེད་ན་ཡང་། །དེ་ཡི་རང་བཞིན་ཕན་གཞན་པ། །ཡིན་པས་གང་འདིར་ཕན་པར་བྱ། །གང་གི་དོན་དང་འགལ་འགྱུར་པ། །དེ་ལས་གྱུར་པའི་ཡོ
239b8 བྱད་དག་། རུ་སྦལ་མགོ་ལ་འོངས་པ་ལྟར། །མུ་མཐའ་མེད་པས་བཤུག་པར་བྱ། །ཅི་ཕྱིར་ཀུན་དུ་རྣལ་འབྱོར་པས། །རྣལ་འབྱོར་དམ་པ་ཉིད་ལས་མིན། །གལ་ཏེ་གང་གི་དབང་གིས་ན། །དམ་པའི་དོན་དང་འགལ་འགྱུར་ཏེ། །དེ་དང་མི་མཐུན་ཉེན་ཆེན་འབྱུང་། །
iiif viewer powered by OpenSeadragon
