| e-texts navigator |
| Wylie |
239a1 ནས་བཅུ་དྲུག་ས། །རྫོགས་པའི་གནས་ན་ལོངས་སྤྱོད་པའོ། །བདལ་བ་ཆོས་ཉིད་ས་འདི་ལ། །རོལ་པ་རྒྱན་གྱིས་རྣལ་འབྱོར་དང་། །བདེ་བ་ཆེན་དང་ཐིག་ལེར་རྫོགས། །གསུམ་ཉིད་དུ་ནི་སྣང་བ་ལ། །ཡུལ་དོན་ཡེ་ཤེས་དེས་སྦྱར་ན། །ཤེས་པར
239a2 བྱས་པས་ཐམས་ཅད་རྫོགས། །སྒྱུ་མའི་སྒྱུ་མ་ཡིད་སྤྱོད་པའོ། །རྫོགས་པ་སྤྱིར་འཆིབ་ས་འདི་ལ། །བཅུ་པ་ཐ་མ་དང་པོ་ལས། །མཐར་རྫོགས་ཀུན་གྱི་རྟོག་ཡིན་ཏེ། །གློང་ཡངས་ནམ་མཁའི་སྙིང་པོ་ལ། །སྤྲིན་མེད་ཉི་མ་འབུམ་གྱིས་བདལ། །ཅི་སྣང་ཅི་ཡང
239a3 མ་ཡིན་པ། །མི་སྐྱེ་མི་འགག་ངོ་བོ་ལ། །ཇི་ལྟར་བལྟས་དགུ་དེར་སྣང་བ། །བདལ་ཁྱབ་མི་རྒྱ་རླབས་ཀྱིས་བཅད། །དེ་ཡང་དམ་པའི་ཁྱད་པར་གྱིས། །བདག་ཉིད་ཆེན་པོའི་རྣལ་འབྱོར་དང་། །ལྷུན་གྱིས་གྲུབ་དང་ཀློང་ཡངས་ཆུབ། །གསུམ་རྫོགས་རང
239a4 འབྱུང་བདལ་བའོ། །འདི་དག་རྣལ་འབྱོར་སྤྱོད་པའི་ས། །ཁྱད་པར་གང་ལ་ཁྱད་པར་སྣང་། །གང་ཁྱད་མེད་ལ་དེ་ཁྱད་མེད། །བཙལ་འཕང་མཐོ་དམན་རྣལ་འབྱོར་པས། །མཐོ་དམན་གོ་འཕང་ས་བགྲོད་བྱ། །གང་འདིར་དྲི་བའི་མཆོག་སྣང་བ། །དམ་པར་གྱུར་བའི
239a5 ལང་ཀའི་བདག་། གང་འདིར་རྣལ་འབྱོར་ཀུན་སྦྱོར་བ། །ངེས་པའི་ས་བཅུ་རྩ་བ་འདིར། །གང་གི་རྩ་བ་ཡན་ལག་ལས། །བཅུ་གཉིས་བདུན་གཉིས་རྫོགས་པའོ། །དེས་ན་སའི་ཁྱད་པར་ལས། །རྒྱ་ཆེ་བ་དང་གྲངས་མང་ཡང་། །རྣལ་འབྱོར་ས་འདིར་སྦྱར་བར་བྱའོ། །
239a6 ས་དང་ས་ཡི་འབྱུང་གནས་པ། །ཀུན་གཞི་ཀུན་གྱི་ས་ཆེན་ཏེ། །གང་གི་ས་ཆེན་འདི་ནོན་ན། །ས་རྣམས་སྐད་ཅིག་ཙམ་བགྲོད་པའོ། །གྲོགས་པོ་དག་དེ་དག་ནི་ཁྱད་པར་བླ་མར་འགྲོ་བར་བྱའོ། ཞེས་དམ་བཅའ་བར་དགོངས་པ་ཡོངས་སུ་བགྲོས་པར་ཤེས་པར་བྱའོ། །
239a7 སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྣལ་འབྱོར་སའི་སྒྲོན་མ་བསྟན་པའི་ལེའུ་སྟེ་དྲུག་བཅུ་གཅིག་པའོ།། །། དེ་ནས་ཡང་ལང་ཀའི་བདག་པོ་ལ་སོགས་པ་དམན་པ་དམ་པ་རྣམས་ཀྱིས་གསང་བ་པའི་བདག་པོ་ལ་དྲིས་པ། ཀྱེ་གསང
239a8 བ་བའི་བདག་པོ་ཡུལ་ལ་འཇུག་པར་བྱའོ་ཞེས་དམ་བཅའ་བར་དགོངས་པ་ཇི་ལྟར་ཡོངས་སུ་ཤེས་པར་བགྱི། དེ་སྐད་ཅེས་ཡོངས་སུ་དྲིས་པ་ལས། གསང་བ་པའི་བདག་པོས་ཡོངས་སུ་སྨྲས་པ། ཀྱེ་གྲོགས་པོ་དག་ཡུལ་ནི་འདི་ལྟར་གང་གི་ཞིང་ཡོངས་སུ
iiif viewer powered by OpenSeadragon
