| e-texts navigator |
| Wylie |
238a1 སྣ་ཚོགས་དེ་ལྟར་སྣང་། །ས་དང་རྣམ་ཐར་གང་དག་ལ། །འཇུག་པ་ལ་སོགས་ས་སྦྱངས་ཀྱང་། །ཀུན་གྱི་རྩ་བ་འདིར་བཅད་པས། །གཅིག་སྟེ་ཐ་དད་ཡོངས་ཀྱིས་མེད། །དེ་ནི་རི་དང་ལྷུན་པོ་དང་། །ཀུན་དུ་རྒྱུ་དང་གཞོན་ནུ་ལྟར། །
238a2 མཐོང་ཐོས་སྟོན་པའི་ཁྱད་པར་ནི། །དོན་གྱིས་དེ་ལྟར་ཡོད་པ་ཡིན། །དེས་ན་ཆོས་རྣམས་ཐམས་ཅད་ཀྱི། །གནས་པའི་ས་ཉིད་སེམས་ཡིན་པས། །ནམ་མཁའ་ལྟ་བུའི་དཔེ་མཚོན་ཏེ། །ཀུན་གྱི་ས་འདིར་ཤེས་པར་བྱ། །འདི་ལྟར་གང་ཤེས
238a3 རྣལ་འབྱོར་པ། །ལམ་གྱི་ཐབས་ལ་མཁས་པ་ཡི། །ལམ་སྟོར་ལམ་བཙལ་ལམ་རྙེད་པས། །ཉེ་ལམ་བདེར་རྙེད་གྲུབ་པའོ། །གང་རྙེད་དེ་རྙེད་དེར་གནས་པས། །རྣལ་འབྱོར་སྤྱོད་པའི་ས་པ་སྟེ། །ས་ཀུན་གཅིག་ཏུ་ཡོངས་རྫོགས་ལ། །རིག
238a4 པ་མཆོག་འབྲིང་ཐ་མའི་ཕྱིར། །གཅིག་པ་འང་ཁྱད་པར་བཅུར་སྣང་བ། །གང་གི་ཆེད་དུ་བགྲང་བར་བྱ། །འདི་དག་གནས་འཛིན་སྤྱོད་པའི་ས། །རྣམ་པ་བཅུ་ཕྲག་གཅིག་གིས་རྫོགས། །འགྱུར་དབང་མ་ངེས་ས་འདི་ལ། །བཅོས་མ
238a5 འཕྲ་མེན་སྤྱོད་པ་དང་། །ཚུལ་རྟགས་འཛིན་དང་མོས་པ་དང་། །ལེགས་པར་འདུན་པའི་རྣལ་འབྱོར་ལྔ། །འཇུག་ལྡོག་ལྟུང་དང་བཅས་པ་ཡི། །ཀུན་དུ་འཁོར་ཞིང་མ་ངེས་པའོ། །འདུན་པ་སེམས་པའི་རྣལ་འབྱོར་པ། །གནས་ཤིང་སྤྱོད
238a6 པའི་ས་ཞེས་བྱ། །བརྟེན་པས་གཞི་ཡི་ས་འདི་ལ། །དང་པོ་ལས་ཅན་རྣལ་འབྱོར་པ། །བསླབ་པ་སྦྱོར་དང་ངེས་པ་ལ། །དག་དང་མ་དག་གིས་སྤྱོད་པའོ། །བཀའ་སྡོད་ལས་ཀྱི་རྣལ་འབྱོར་པ། །གནས་ཤིང་སྤྱོད་པའི་ས་ཞེས་བྱ། །
238a7 གལ་ཆེན་སྦྱོང་བའི་ས་འདི་ལ། །རིགས་ཆེན་འབྱེད་པའི་རྣལ་འབྱོར་ཉིད། །གནས་ཤིང་སྦྱོར་བའི་ས་ཡིན་ཏེ། །ཡང་མི་ངའི་ས་རྣམས་ཀུན། །གཅོད་སྤྱོད་སྦྱོར་བའི་ཚུལ་ཉིད་ཀྱིས། །ལེགས་ཉེས་སྟོབས་ཆེན་འགྱེད་པའོ། །བསླབ་པ་རྒྱུན་གྱི་ས་འདི་ལ། །
238a8 གཡོ་དང་ཐོབ་དང་བརྟན་པའི་དྲོད། །དེ་བཞིན་རྟགས་ཆེན་གཡོ་བ་དང་། །ཐོབ་པ་ཉིད་དང་བརྟན་པ་ཡི། །རྣལ་འབྱོར་རྣམ་པ་དྲུག་པོ་དག་།བསླབ་པའི་མཐའ་བཅུ་མཐར་ཕྱིན་ཅིང་། །ཇི་ལྟར་ཟླ་བ་ཡར་གསལ་བཞིན། །བསླབ་པའི་ཡེ་ཤེས་འཕེལ་འགྱུར་ཏེ། །
iiif viewer powered by OpenSeadragon
