| e-texts navigator |
| Wylie |
236b1 སྒྲོན་མེ་ཞེས་བྱའོ། །དེ་ནི་འདི་ལྟར་མི་ཤེས་པ་སེལ་བའི་ཤེས་པ་ཉིད་ཡིན་ཏེ། ཉི་མའི་སྙིང་པོ་འམ་རིན་པོ་ཆེའི་སྒྲོན་མ་ལ་མུན་པའི་གཞི་མེད་པ་བཞིན་གང་ཤེས་པའི་རང་བཞིན་ལ་མི་ཤེས་པའི་གཞི་མེད་དོ། །དེ་ཡང་འདི་ལྟར་སྒྲོན་མ་དམ་པ་ནུབ
236b2 པར་གྱུར་པ་ན་ཀུན་གྱི་དེ་ཉིད་གཅིག་ཁོ་ན་ལ་ཁྱད་པར་གྱི་རྣམ་པ་འབྱུང་བར་འགྱུར་བ་ནི་འདི་ལྟ་སྟེ། མུན་པའི་ཤེས་པ་དང་། ཡ་མཚན་ཅན་གྱི་ཤེས་པ་དང་། བྱིས་པ་རྣམས་ཀྱི་ཤེས་པ་དང་། ཕྱོགས་སུ་རིགས་པའི་ཤེས་པ་དང་། མཐའ་དབུས
236b3 འབྱེད་པའི་ཤེས་པ་དང་། དམ་པ་ཉིད་ཀྱི་ཤེས་པའོ། །ཀྱེ་གྲོགས་པོ་དག་གང་མུན་པའི་ཤེས་པ་ནི་གང་འདི་ལས་ལོག་པར་ཤེས་པའོ། །ལོག་སྲེད་ཅན་གྱི་ཤེས་པ་ནི་ཐ་དད་སྨྲ་ཞིང་གཉིས་སུ་འདོད་པའོ། །བྱིས་པ་རྣམས་ནི་འདི་ལྟ་སྟེ། གང
236b4 མེད་པར་སྨྲ་ཞིང་ཐམས་ཅད་ཡོད་པར་འདོད་པའོ། །དེ་ཡང་འདི་ལྟར་རྡུལ་ནས་དཔག་ཚད་སྐད་ཅིག་མ། །བསྐལ་བ་སྐར་མ་ཉི་ཟླ་དང་། །རི་བོ་ཁོར་ཡུག་ལུས་ཅན་ལུས། །སེམས་དང་ཚེ་ལ་ལོངས་སྤྱོད་ཚད། །དུས་གནས་འཇིག་ནུབ་མཚན
236b5 ཉིད་ལས། །ཐ་དད་བྱེ་བྲག་ཐམས་ཅད་དུ། །བཤིག་ནས་མེད་སྨྲ་ཡོད་ཅེས་འདོད། །མོས་པ་ཆུང་བས་དེ་ལས་མིན། །གང་འདིར་རྣལ་འབྱོར་ཕྱོགས་རིག་པ། །འདི་ཀུན་གང་འདིར་ཁོ་ན་བས། །དངོས་མེད་རྣམ་ཤེས་ཉིད་དུ་སྣང་། །
236b6 དེ་ཉིད་མ་བཅོས་དེ་བཞིན་ཉིད། །ཡོད་པས་ཆོས་སྐུ་རྟག་པར་འདོད། །ངེས་པར་འབྱེད་པའི་རྣལ་འབྱོར་པ། །གང་དག་སྒྱུ་མའི་མཚན་ཉིད་དུ། །སྣང་བས་ཀུན་རྫོབ་བྱ་བ་བྱེད། །ངེས་པར་དབྱེ་བ་མེད་པའོ། །ལ་ལ་དེ་ལྟར་དེ་ངེས་ཏེ། །དེ་ལས་མ་གཏོགས
236b7 དེ་འོང་མིན། །དེ་ཉིད་དེས་ནི་དངོས་མེད་ཕྱིར། །དམ་པ་ཉིད་དུ་མེད་པའོ། །ལ་ལ་གང་མ་ཟིན་པའི་ཕྱིར། །དེ་སྣང་བ་ནི་གང་ན་འང་རུང་། །ཕྲ་རབ་ས་ནི་རྣམ་ཀུན་མཁྱེན། །སླུ་འདྲིད་པ་ལྟར་ཡོད་མ་ཡིན། །དམ་པ་ཉིད་ཀྱི་དམ་པ་གང་། །ཆོས་ཉིད་ཡེ་ནས་སངས་རྒྱས
236b8 ལ། །དེ་མིན་ལྟ་བ་བཟློག་པའི་ཕྱིར། །ཡེ་ནས་སངས་རྒྱས་ཞེས་བརྗོད་པ། །ཐ་སྙད་ཙམ་དུ་བརྗོད་པར་ཟད། །ཡེ་ནས་བརྗོད་པ་ཚིག་གི་ལམ། །ཐ་སྙད་གཉིས་དང་བྲལ་བ་ལ། །སྒྲོ་སྐུར་ཚིག་གི་སྙད་མི་གདགས། །བརྗོད་པའི་ཐ་སྙད་ཚིག་ལམ་འདས། །ནམ་མཁའ
iiif viewer powered by OpenSeadragon
