| e-texts navigator |
| Wylie |
235a1 གང་བྱུང་རྗེས་སུ་དེ་འབྲངས་ན། །འཁོར་བའི་འཁོར་ལོར་འཁོར་བར་འགྱུར། །གང་འབྱུང་གཡོ་བ་གང་བཀག་པ། །རྒྱུན་གྱི་འགོག་པ་ཉིད་དུ་འགྱུར། །གང་འབྱུང་མེད་པའི་བླུན་པོ་པ། །མུར་འཛིན་མུན་པའི་ལམ་དུ་འགྱུར། །འདི
235a2 ཞེས་གཅིག་ཏུ་གང་བཟུང་བ། །མཚན་མ་རྟོག་པའི་རི་བོ་ཡིན། །སྔ་ཕྱི་མེད་ཅེས་མུ་བཅད་ན། །དེ་མེད་ཆད་པའི་མུ་ཅན་ཡིན། །མ་བཅོས་ཉིད་ལ་ཡུད་ཙམ་ཞིག་།ཅིར་གཡོས་སྐྱེ་འགག་འབྱུང་བ་སྟེ། །དེ་ལས་གང་འབྱུང་གང་འཕེལ་བ། །
235a3 རྣམ་གྲངས་ལམ་དེ་འཕེལ་འགྱུར་གྱི། །དམ་པའི་ལམ་ཉིད་རྙེད་མ་ཡིན། །དཔེར་ན་འགྲོ་གང་བྱིས་པ་དག་།གྲིབ་མ་སྤངས་ནས་རྣམ་དག་ཚོལ། །གང་ལས་བྱུང་བ་དེ་ཉིད་ཀྱིས། །བཙལ་ཡང་འགྲིབ་འཕེལ་དག་མི་རྙེད། །དེ་ཉིད་ཡེ་ནས་དེ་བཞིན
235a4 དུ། །གང་འདིར་སྡུག་བསྔལ་སྣ་ཚོགས་ཀྱིས། །ཤ་ཐང་བར་ནི་ལམ་ཚོལ་བ། །དོན་མེད་བདུད་ཀྱི་ལས་ཡིན་ནོ། །དེ་ལ་ཚིག་ཏུ་གང་བརྗོད་པ། །ནམ་མཁའ་དག་ལ་རྩོད་པ་འདྲ། །ཚིག་ཏུ་སྨན་དང་དཔྱད་བཤད་ཀྱང་། །ནད་པའི་ཚོགས་ལ་མི་སྨན
235a5 ནོ། །དེ་ཉིད་དེ་བཞིན་མ་གྱུར་ན། །ཚིག་ལམ་དེ་བརྗོད་དེ་མ་ཡིན། །གང་འདིར་གང་སྤངས་གང་ཚོལ་བ། །གཟུགས་སྤངས་ནས་ནི་གྲིབ་ཚོལ་འདྲ། །སེམས་ཉིད་དམ་པའི་ལམ་ཉིད་པས། །མ་རིག་ཡེ་ཤེས་ཐ་དད་མིན། །མི་རྟོག་པ་ནི་ལམ་འདིར་གཅིག་།
235a6 སེམས་ཉིད་སྣ་ཚོགས་བར་སྣང་བས། །སྣ་ཚོགས་ལམ་འདིར་གཅིག་པ་ཡིན། །དཔེར་ན་གསེར་གྱི་རྒྱུ་གཅིག་ལས། །དབྱིབས་དང་གཟུགས་ནི་ཐ་དད་པར། །བྱས་པས་དེ་དག་མིང་རེ་གྲགས། །གང་གྲགས་གསེར་གྱི་ངོ་བོར་གཅིག་།དེ་ལྟར་སེམས་ཀྱི་རང་བཞིན
235a7 ལ། །མཐོང་དང་མ་མཐོང་ཁྱད་པར་གྱིས། །གང་ལྟར་བལྟས་དགུ་དེ་ལྟར་སྣང་། །སྣང་ཡང་དེ་ལས་གཞན་མི་དམིགས། །སྒྲོན་མ་འབར་བའི་རིན་ཆེན་ནི། །ཇི་ལྟར་ངན་ཁུང་སྦས་གྱུར་ཡང་། །དེ་ཡི་རང་བཞིན་རང་སྣང་བས། །འོད་ནི་མཁའ་ལ་གསལ་པར་འགྱུར། །དེ
235a8 བཞིན་སེམས་ཉིད་རིན་ཆེན་སྒྲོན། །ལུས་ངན་འདམ་དུ་བྱིང་གྱུར་ཡང་། །རང་བྱུང་རང་ཞི་རང་སྣང་བས། །མ་བཅོས་རང་བཞིན་ཡོངས་ཀྱིས་གསལ། །སེམས་འདི་ནམ་མཁའ་ཇི་བཞིན་ཏེ། །ཀུན་ཁྱབ་སྟོང་གསལ་སྣ་ཚོགས་འབྱུང་། །བྱུང་ཚོར་གཡོ་འགོག་ཐམས་ཅད་ཀྱང་། །རང
iiif viewer powered by OpenSeadragon
